Արմինֆո. Վարչապետ Հովիկ Աբրահամյանն այցելել է «ԱԶԱԴ Ֆարմասյութիքլ ԻնգրեդիենթսAGե ընկերություն՝ ծանոթացել վերջինիս գործունությանն ու առաջիկա ներդրումային ծրագրերին:
Ինչպես տեղեկացնում է ՀՀ կառավարության տեղեկատվության և հասարակայնության հետ կապերի վարչությունը, նշվել է, որ այդ ծրագրերը կյանքի են կոչվելու ՀՀ արտահանմանն ուղղված արդյունաբերական քաղաքականության ռազմավարության դեղագործության և բիոտեխնոլոգիաների գործողությունների ծրագրի շրջանակներում՝ Հայաստանի զարգացման հիմնադրամի հետ համագործակցությամբ:
Ընկերությունն արդեն իսկ իրականացրել է ծրագրի առաջին փուլը, մասնավորապես, հիմնովին վերանորոգվել և կահավորվել են «Ազատության 26՚ հասցեում գտնվող 1-ին մասնաշենքի 3-րդ հարկի 5 լաբորատորիաները և օժանդակ տարածքները։ Գերմանիայից ներկրվել և տեղակայվել են համապատասխան լաբորատոր սարքավորումներ։ Ընդհանուր առմամբ, ընկերության կողմից արդեն իսկ կատարվել է շուրջ 3 մլն եվրոյի ներդրում։ Ներկայում ընկերությունում աշխատում են 30 քիմիկոս-հետազոտողներ՝ 250 հազար դրամ նվազագույն աշխատավարձով, իրականացվում են նոր դեղամիջոցների հումքի մշակման հետազոտության 5 ծրագրեր՝ ընդհանուր 2 մլն դոլարի չափով, որոնք առաջիկայում կտրամադրվեն պատվիրատուներին:
Տեղեկացվել է, որ համաձայն ներդրումային ծրագրով որդեգրած քաղաքականությանը՝ ընկերությունը նախատեսում է առաջիկա 3-5 տարիների ընթացքում կատարել շուրջ 10 մլն եվրոյի ներդրում, ընդլայնելով գիտական գործունեությունը, աշխատողների քանակը հասցնելով մինչև 100-ի։
Վարչապետ Աբրահամյանը ողջունել է ընկերության զարգացմանն ուղղված ծրագրերը և հայտնել կառավարության աջակցությունը դրանց իրականացման գործում:
Հիշեցնենք, որ 2014 թվականի փետրվարին կնքվել է համագործակցության փոխըմբռնման եռակողմ հուշագիր՝ «ՀՀ ԳԱԱ Օրգանական և դեղագործական քիմիայի գիտատեխնոլոգիական կենտրոն՚ ՊՈԱԿ-ի, «Ազադ Ֆարմասյութիքլ Ինգրեդիենթս AG՚ շվեյցարական ընկերության և «Զարգացման հայկական գործակալություն՚ ՓԲԸ-ի միջև:«ԱԶԱԴ Ֆարմասյութիքլ Ինգրեդիենթս AGե շվեյցարական ընկերության կողմից իրականացվող ներդրումային ծրագրի իրագործումը հզոր խթան կհանդիսանա Հայաստանում դեղահումքի արտադրության նոր ավանդույթի ձևավորման համար:
«Առաջին փուլում պատրաստվում ենք հումքի լաբորատորիա բացել, այնուհետև՝ պիլոտային արտադրություն, իսկ տարինե անց, հնարավոր է, բացենք լիարժեք դեղագործական գործարան՚,-փաստաթղթի ստորագրման ժամանակ ասել էր ընկերության սեփականատեր Մայք Բարոյանը: Նա նշել էր, փորձարարական արտադրությունը կարող է բացվել 3-4, իսկ պարբերականը՝ 5-10 տարի անց: Ընկերությունն արդեն համագործակցության փորձ ուներ ՙԼիկվոր՚ հայրենական ընկերության հետ: Շվեյցարական ընկերությունը Հայաստանն ընտրել է՝ հիմնականում Մաքսային միության շուկաներ դյուրացվածարտահանման հնարավորության շնորհիվ: