Արմինֆո. Եվրասիական միջկառավարական խորհրդի նիստին կողմերը պայմանավորվել են ԵՏՄ կառավարությունների ղեկավարների հերթական հանդիպումն անցկացնել մայիսի 20-ին Երևանում: Այդ մասին տեղեկանում ենք հանձնաժողովի ֆեյսբուքյան էջից:
ՙՄիջկառավարական խորհրդի նիստին քննարկվել են հարցեր, որոնց առնչությամբ անհրաժեշտ է հստակեցնել կողմերի դիրքորոշումը, որպեսզի հանձնաժողովը կարողանա առաջ շարժվել և նոր փաստաթղթեր պատրաստել։ Մասնավորապես, մենք պայմանավորվել ենք, որ Երևանում Միջկառավարական խորհրդի հաջորդ նիստին կվերադառնանք Նավթի և նավթամթերքի միասնական շուկայի ստեղծման հայեցակարգի վերաբերյալ հարցի քննարկմանը: Երևանում կշարունակվի նաև երկաթուղային փոխադրումների հարցի քննարկումը։ ԵՏՄ կառավարությունների ղեկավարները պայմանավորվել են, որ նման հանդիպումներ ավելի հաճախ կկազմակերպեն՚,-ասել է Եվրասիական տնտեսական հանձնաժողովի (ԵՏՀ) կոլեգիայի նախագահ Տիգրան Սարգսյանը։
Նշենք, որ Եվրասիական տնտեսական միության կառավարությունների ղեկավարների հանդիպումը Երևանից տեղափոխվել էր Մոսկվա: ՙՀայաստանում ստեղծված իրավիճակի հետ կապված՝ ԵՏՄ գագաթնաժողովը կտեղափոխվի Երևանից Մոսկվա և տեղի կունենա ապրիլի 13-ին՝ավելի վաղ նախատեսված ապրիլի 8-ի փոխարեն՚,- պարզաբանել են ԵՏՀ մամուլի ծառայությունում:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
