Արմինֆո. Տնտեսական ակտիվությունը Հայաստանում 2016 թվականի առաջին եռամսյակում տարեկան կտրվածքով աճել է 5.5%, միևնույն ժամանակ, արտահանումն աճել է 26.3%, իսկ ներմուծումն ընկել է 15.9%: 2015-ի մարտի համեմատ 2016-ի մարտին տնտեսական ակտիվությունն աճել է 6.6%, իսկ միայն մարտին`13.8%: Մեկ տարի առաջ, 2015-ի հունվար-մարտին, 2014-ի նույն ժամանակահատվածի համեմատ, տնտեսական ակտիվությունն աճել էր 2.5%, մարտին` 2014-ի մարտի համեմատ`2.1%, իսկ միայն մարտին` 13.1%: Համեմատության համար նշենք, որ 2014-ին տնտեսական ակտիվությունը հունվար-մարտին տարեկան կտրվածքով աճել էր 8.7%, իսկ միայն մարտին`14.6%:
Ըստ ՀՀ Ազգային վիճակագրական ծառայության նախնական տվյալների, տնտեսական ակտիվության աճը 2016-ի առաջին եռամասյակում հիմնականում պայմանավորեցին` ծառայությունների ոլորտը - 9.6%, արդյունաբերական հատվածը - 8.9%, էներգետիկայի ոլորտը - 5%, գյուղատնտեսության ոլորտը – 3.3%: Միևնույն ժամանակ, առևտրի ոլորտում գրանցվել է բացասական դինամիկա`-1.1%, իսկ շինարարական հատվածի անկումը կազմել է 2.2%: Դրանից մեկ տարի առաջ, 2015-ի առաջին եռամսյակում, 2014-ի նույն ժամանակահատվածի համեմատ, աճ էին արձանագրել` գյուղատնտեսության ոլորտը (4.5%), ծառայությունների ոլորտը (3.9%), արդյունաբերական հատվածը (2%) և շինարարության ոլորտը (0.8%), միևնույն ժամանակ, էլեկտրոէներգիայի արտադրության ծավալը կրճատվել է 12.6%, իսկ առևտրի ոլորտում անկումը կազմել է 6,3%:
Արդյունաբերական արտադրությւնա գների ինդեքսը 2016 թվականի հունվար-մարտին, 2015-ի նույն ժամանակահատվածի համեմատ, նվազել է 3.9%, 2016-ի մարտին, 2015-ի մարտի համեմատ` 1.9%, իսկ միայն 2016-ի մարտինբ աճել է 0.9%: 2015 թվականի հունվար-մարտին, 2014-ի նույն ժամանակահատվածի համեմատ, արդյունաբերական արտադրությւնա գների ինդեքսն աճել էր 2.5%, 2015-ի մարտին, 2014-ի մարտի համեմատ` 4.8%, իսկ միայն 2015-ի մարտին նվազել էր 0.5%:
Ամսական կտրվածքով տնտեսական ակտիվության աճի համար վճռական խթան հանդիսացան` շինարարությունը – 82.9%, գյուղատնտեսական ոլորտը – 25.1% և առևտրի ոլորտը – 16.7% (նախորդ տարվա` 86.6%, 24% և 16.2%-ի համեմատ): Ընդ որում, արդյունաբերական հատվածում և ծառայությունների ոլորտում մարտին ծավալները համապատասխանաբար աճել են`10.9% և 10.3% (նախորդ տարվա` 9.2%-ի և անկման`9.7% -ի համեմատ), իսկ էլեկտրաէներգիայի արտադրությունը նվազել է 3.6% (նախորդ տարվա 4% աճ համեմատ):
Տարեկան կտրվածքով աճի տեմպերով առաջատարներն են` ծառայությունների ոլորտը - 9,1% և արդյունաբերական հատվածը – 7.2%, որոնց հաջորդում են` գյուղատնտեսության ոլորտը – 4.4% և էներգետիկայի ոլորտը – 1.1%, իսկ առևտրի և շինարարության ոլորտներում համապատասխանաբար արձանագրվել է` 0.1% և 5.8% բացասական դինամիկա:
Ըստ վիճակագրական տվյալների, 2016 թվականի առաջին եռամասյակում բացարձակ ծավալներով առաջատարներն են`առևտրի ոլորտը – 434.6 մլրդ դրամ ($ 889.3 մլն), արդյունաբերական հատվածը -305.3 մլրդ դրամ ($ 624.8 մլն), ծառայությունների ոլորտը - 270.8 մլրդ դրամ ($ 554,1 մլն), գյուղատնտեսությունը – 71.2 մլրդ դրամ ($ 145.7 մլն) և շինարարության ոլորտը – 42.2 մլրդ դրամ ($ 86.3 մլն): Էլեկտրաէներգիայի արտադրության ծավալը 2016-ի հունվար-մարտին կազմել է 1923.5 մլն կՎտժամ, իսկ միայն մարտին`609.1 մլն կՎտժամ:
Միևնույն ժամանակ, Հայաստանի արտաքին առևտրի շրջանառության ծավալը 2016 թվականի հունվար-մարտին կազմել է 487.7 մլրդ.դրամ ($ 997.1 մլն), տարեկան անկումը`3.8%: Դրա կառուցվածքում արտահանման ծավալների տարեկան աճը կազմել է 26.3%, մինչև 183.8 մլրդ դրամ ($ 375.9 մլն), իսկ ներմուծման տարեկան անկումը`19.5%, մինչև 303.9 մլրդ դրամ ($ 621.2 մլն): Միայն 2016-ի մարտին արտաքին առևտրի շրջանառությունն աճել է 2.9%, մասնավորապես, արտահանումն աճել է 9.6%, ներմուծումն ընկել է 1.1%, իսկ 2015-ի մարտին համեմատ արտաքին առևտրի շրջանառությունը կրճատվել է 7%, այդ թվում, արտահանումըն աճել է 30.3%, իսկ ներմուծումն ընկել է 21.5%:
ՀՀ դրամի միջին հաշվարկային փոխարժեքը 2016 թվականի մարտին կազմել է 456.33 դրամ/$ 1, իսկ հունվար- մարտին`489.84 դրամ / $ 1, 2015 թվականի մարտին` 478,39 դրամ/$ 1 – ի և հունվար- մարտին`477,06 դրամ/$ 1 – իհամեմատ: