«Գազպրոմ-Արմենիաե-ն ՀԾԿՀ-ին է ներկայացրել գազի սակագների իջեցման հայտը

Մ.Ստեփանյանը պարզաբանել է, որ ըստ ՀՀ «Էներգետիկայի մասինե օրենքի, 

Հանձնաժողովը սակագինը վերանայում (վերահաստատում կամ փոփոխում) եւ որոշում է կայացնում լիցենզավորված անձի վերանայման հայտի փաթեթն ընդունելուց հետո՝ 90-օրյա ժամկետում: 10-օրյա ժամկետում տեղի է ունենում ներկայացված փաստաթղթերի ստուգումը: Ինչպես նշել է Հանձնաժողովը, հաշվի առնելով հարցի սոցիալական մեծ նշանակությունը, որոշումը կընդունվի հնարավորինս սեղմ ժամկետներում:

 

Ինչպես ավելի վաղ հայտարարվել էր, ապրիլի 26-ին «Գազպրոմ Արմենիաե ՓԲԸ առաջարկել է գազի ամսական սակագինը մինչև 10 հազար խմ սպառող բաժանորդների համար 156 դրամից իջեցնել մինչև 146.7 դրամ`1000 խմ գազի դիմաց: 10 հազար խմ-ից ավել գազ սպառողների համար առաջարկվում է սակագինը 276.98 դոլարից իջեցնել մինչև 257.56 դոլար (նախորդ ամսի 25-ի փոխարժեքով): Սակագնում ընդգրկված է ԱԱՀ-ն:

 

 Հիշեցնենք, որ Հայաստանը և Ռուսաստանը պայմանավորվել են հանրապետություն մատակարարվող գազի գինն իջեցնել մինչև 150 դոլար 1000 խմ դիմաց:  Պայմանավորվածությունը ձեռք է բերվել ՌԴ վարչապետ Դմիտրի Մեդվեդևի Հայաստան կատարված այցի ընթացքում: Ինչպես լրագրողներին հայտնել է ՀՀ վարչապետ Հովիկ Աբրահամյանը, երկու երկրների կառավարություններն արդեն ստորագրել են համապատասխան փաստաթուղթը: Բայց նա դժվարացել է պատասխանել հարցին, թե արդյոք գազի գինը կիջնի հայ սպառողի համար: «Այդ հարցը ենթակա է լրացուցիչ քննարկման՚,-հայտարարել է վարչապետը: Նշենք, որ ներկայումս ռուսական գազի գինը սահմանին կազմում է 1000 խմ դիմաց 165 դոլար: Սակայն, սպառողը օգտագործած 1000 խմ գազի դիմաց վճարում է 318 դոլար, իսկ ամսական 10 հազար խմ և ավելի սպառողները` 277 դոլար: