Արմինֆո. Եվրասիական միջկառավարական խորհրդի նիստի արդյունքների համաձայն՝ կողմերը համաձայնեցրել են նավթի և նավթամթերքի ընդհանուր շուկայի ձևավորման հայեցակարգի նախագիծը, միասնական մաքսային օրենսգրքի ընդունման ժամկետները և համագործակցության հետագա խորացմա համար մի շարք այլ կարևոր փաստաթղթեր: Այդ մասին լայն կազմով հանդիպման ավարտից հետո հայտարարել են Ղազախստանի վարչապետ Քարիմ Մասիմովը և Եվրասիական տնտեսական հանձնաժողովի (ԵԱՏՀ) կոլեգիայի նախագահ Տիգրան Սարգսյանը:
Ինչպես նիստի ընթացքում հայտարարել է ՀՀ վարչապետ Հովիկ Աբրահամյանը, ԵՏՄ շրջանակներում ձևավորվել է ծանրակշիռ իրավապայմանագրային բազա, որն արտացոլում է ԵՏՄ երկրների փոխգործակցության մեխանիզմները: ՙՀամաձայնեցված հարցերը, անշուշտ, իրենց ներդրումը կունենան ԵՏՄ սոցիալ-տնտեսական զարգացման գործում, կբարձրացնեն մեր տնտեսությունների մրցունակության մակարդակը և համաշխարհային տնտեսությունում դրանց ներգրավվածության ասըիճանը՚,- հայտարարել է վարչապետը: Այս առումով նա նշել է նավթի և նավթամթերքի ընդհանուր շուկայի ձևավորման կարևորությունը: Աբրահամյանն ընդգծել է նաև միջազգային բազմաձևաչափ համագործակցության ընդլայնման անհրաժեշտությունը՝ ինչպես ԵՏՄ շրջանակներում, այնպես էլ առանձին երկրների հետ: Այսօրվա հանդիպման օրակարգի կարևոր կետերի թվում նա առանձնացրել է Չինաստանի հետ փոխգործակցության զարգացումը: Նրա կարծիքով, դա թույլ կտա ոչ միայն ավելացնել առևտրի ծավալը, այլ նաև ներդրումներ ներգրավել խոշոր նախագծերի համար՝ միաժամանակ դիվերսիֆիկացնելով լոգիստիկ հնարավորությունները: Այս տեսակետից, ինչպես հայտարարել է Աբրահամյանը, կարևոր է Եվրասիական նախագծի և Մետաքսի ճանապարհի տնտեսական գոտու զուգադրմանն ուղղված աշխատանքը: ՙՈւնենալով պատմական փորձ և հանդիսանալով ԵՏՄ միակ երկիրը, որը ցամաքային սահման ունի Իրանի հետ, Հայաստանը պատրաստ է այդ նախագծի իրականացմանը՚,- հայտարարել է Աբրահամյանը: Ղազախստանի վարչապետ Քարիմ Մասիմովը հայտարարել է ազատ առևտրի գոտիների ստեղծման անհրաժեշտության մասին այնպիսի երկրների հետ, ինչպես՝ Հնդկաստանը, Իսրայելը, Չինաստանը, Եգիպտոսը և Իրանը: Նրա խոսքով, ԵՏՄ և ԵՄ փոխգործակցության կայացումը կարող է տնտեսական զարգացման և ընդհանուր առմամբ մրցունակության կարևոր գործոն հանդիսանալ: ՙԵրկարաժամկետ հեռանկարում հիշյալ փոխգործակցության նպատակը կարող է լինել Ատլանտիկայից մինչև Խաղաղ օվկիանոս միասնական տնտեսական տարածության ստեղծումը՚,- հայտարարել է Մասիմովը:
ԲելառուսիվարչապետԱնդրեյԿոբյակովը հայտարարել է, որ ԵՏՄ Մաքսային օրենսգրքի ընդունումը մշտապես ձգձգվում է, ինչն արդյունքում հանգեցնում է արդեն ձեռքբերված պայմանավորվածությունների վերանայման՝ ընդգծելով ԵՏՄ մաքսային տարածության ունիֆիկացման հստակ ժամանակային ուղենիշերի ընդունման անհրաժեշտությունը:
ՙՄաքսային օրենսգրքի ընդունումը կարևոր նպատակ է՚,- հայտարարել է ՌԴ վարչապետ Դմիտրի Մեդվեդևը: Նրա խոսքով, անհրաժեշտ է շուտափույթ ունիֆիկացնել մաքսային տարածությունը և պարզեցնել մաքսային ձևակերպման ընթացակարգերը՝ դարձնելով դրանք հասկանալի և կանխատեսելի բիզնես հանրության համար:
ՙԵՏՄ Մաքսային օրենսգիրքը կարող է հաստատվել հոկտեմբերի 28-ին Մինսկում միջկառավարական խորհրդի հերթական նիստի ժամանակ՚,- հայտնել է Եվրասիական տնտեսական հանձնաժողովի (ԵԱՏՀ) կոլեգիայի նախագահ Տիգրան Սարգսյանը: Նա տեղեկացրել է, որ հիմնական սկզբունքային դիրքորոշումների առնչությամբ ձեռք է բերվել հայեցակարգային համաձայնությունը, մնում են միայն փոքր հարցեր, որոնք կողմերը կշարունակեն քննարկել օգոստոսի 12-ին Սոչիում: Սարգսյանի խոսքով, երկրորդ հայեցակարգային փաստաթուղթը, որն այսօր վերջնականապես համաձայնեցվել է, վերաբերում է նավթի և նավթամթերքի ընդհանուր շուկայի ձևավորմանը: ՙԱյսօր կարող ենք փաստել, որ մենք ունենք ընդհանուր ըմբռնում, և այդ փաստաթուղթը կներկայացվի մեր նախագահների հաստատմանը ամսվա վերջում Աստանայում հանդիպման ժամանակ՚,- հայտարարել է Տիգրան Սարգսյանը:
Հայկական բանկերը. HSBC բանկի, Արդշինբանկի և պատժամիջոցների նոր միջավայրի պայմաններում բիզնեսի վարման մասին
Telcell-ը դուրս է գալիս ինստիտուցիոնալ զարգացման ուղի
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի
Փորձագետ. Առաջիկա 2-3 տարում Հայաստանում անշարժ գույքի գները կբարձրանան
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի