Արմինֆո.ԱԿԲԱ-ԿՐԵԴԻՏ ԱԳՐԻԿՈԼ Բանկը ներկայացնում է Բանկ. ACBA Mobile-ի նոր հնարավորությունները. https://www.acba.am/hy/individuals/distance-banking/acba-mobile: Այժմ ACBA Mobile բջջային հավելվածը բանկի հաճախորդներին հնարավորություն է ընձեռում իրականացնել փոխանցումներ ՀՀ տարածքում գործող ցանկացած բանկի հաշվեհամարների միջև, կատարել ավանդի համալրում, կոմունալ վճարումներ, արտարժութային փոխարկումներ, ստանալ Բանկի նկատմամբ պարտավորությունների վերաբերյալ մանրամասն տեղեկատվություն, իսկ այժմ նաև՝ կատարել վարկի մասնակի կամ լրիվ մարում և ներկայացնել դեսպանատան տեղեկանքի ստացման հայտ:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, ԱԿԲԱ-ԿՐԵԴԻՏ ԱԳՐԻԿՈԼ Բանկի կողմից առաջարկվող բջջային հավելվածի առավելություններին և հնարավորություններին ավելի մանրամասն կարելի է ծանոթանալ՝ այցելելով Բանկի պաշտոնական կայք կամ ֆեյսբուքյան էջ, որտեղ ԱԿԲԱ Մոբայլ հավելվածի Demo տարբերակի միջոցով կարելի է հնարավորություն ստանալ նաև առանց հավելվածը ներբեռնելու ուսումնասիրել այն:
Աղբյուրի համաձայն, որոշակի փոփոխություններ են կատարվել նաև հավելվածի գլխավոր մենյուի մեջ՝ «Գործարքներ» և «Պրոդուկտներ» բաժիններում: Այսպես, գլխավոր մենյուի մեջ՝ նախկին «Փոխանցումներ» բաժինը վերանվանվել է «Գործարքներ», իսկ նախկին «Գործարքներ» բաժինը՝ «Պատմություն»: Միաժամանակ «Գործարքներ» բաժնում ավելացել են վարկի մասնակի կամ լիարժեք մարման և դեսպանատան տեղեկանք ներկայացնելու հայտերի հնարավորությունները:
ACBA Mobile բջջային հավելվածից օգտվելու համար անհրաժեշտ է App Store-ից կամ Google play-ից ներբեռնել ACBA Mobile բջջային հավելվածը և դիմելով բանկի մասնաճյուղ` իրականացնել ակտիվացման գործողությունները:
RUB | 4.19 | 0.00 |
USD | 394.07 | -1.03 |
EUR | 420.75 | 0.36 |
GBP | 491.72 | -0.42 |
CAD | 286.47 | 0.33 |
JPY | 25.52 | -0.03 |
CNY | 54.44 | -0.14 |
CHF | 433.66 | 0.15 |