Արմինֆո. Առաջիկայում փոփոխություններ չեն լինի ԵԱՏՄ շրջանակներում կատարվող փոխադարձ հաշվարկների գծով: Այս մասին մայիսի 26-ին, ԱրմԻնֆո-ի թղթակցի հետ զրույցում հայտարարել է Եվրասիական համագործակցության Ֆինանսա-բանկային ասոցիացիայի գլխավոր տնօրեն Օլեգ Բերեզովոյը, հղում կատարելով ասոցիացիայի և Ովրասիական հանձնաժողովի վերջերս կայացած համատեղ նիստին:
«Նիստի ընթացքում, որը տեղի ունեցավ ապրիլի 18-ին, մենք քննարկեցինք ֆինանսա-տնտեսական համագործակցոթյունը, ինչի արդյունքում այդ հարցով փոփոխություններ տեղի չունեցան: Փոխադարձ հաշվարկները ԵԱՏՄ շրջանակներում տեղի են ունենում երկկողմ պայմանավորվածությունների հիման վրա, ԱՄՆ դոլարով կամ եվրոյով, ինչն իրականում մեծ պրոբլեմ է տնտեսությունների համար»,-ասել է նա, նշելով դոլարիզացման մակարդակի բարձրացումը երկրներից յուրաքանչյուրում:
Իր հերթին, Ղազախստանի Բանկերի ասոցիացիայի ղեկավար Մարատ Բայտոկովը ԱրմԻնֆո-ի թղթակցի հետ զրույցում նկատել է, որ ներկայումս ԵՏՀ աշխատում է տնտեսությունների փոխներգրավվածության և ԵԱՏՄ երկրների միջև փոխադարձ հաշվարկների պարզեցման ուղղությամբ: Նա ընդգծել է Մաքսային միության մասնակիցների արժույթների արժեքների գնահատման կարևորությունը, ինչը կարիք ունի թափանցիկության, հատկապես ապրանքաշրջանառության մեծացման պայմաններում: Այնուհետև նա հայտարարել է. «Միասնական արժույթի մասին խոսելը դեռ վաղ է, ինչը կապված է մի շարք պրոբլեմների հետ, որոնցից ամենակարևորը` ֆինանսական համակարգերի գնահատումն է և օրենսդրությունների ներդաշնակեցումը: Կարծում եմ, որ մինչև 2025 թվականը խոչընդոտներ չեն լինի ԵԱՏՄ շրջանակներում միասնական արժույթի ներդրման առումով»:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |