Շաբաթ, 28 Մայիսի 2016 12:58
Սվետլանա Հովսեփյան

Արտարժույթի միջբանկային շուկայի ամենօրյա բարձր ակտիվությունը ՀՀ դրամն ամրապնդեց 478 դրամ/դոլար մակարդակում

Արտարժույթի միջբանկային շուկայի ամենօրյա բարձր ակտիվությունը ՀՀ դրամն ամրապնդեց 478 դրամ/դոլար մակարդակում

Արմինֆո.Արտարժույթի միջբանկային շուկայի ամենօրյա բարձր ակտիվությունը մայիսի 23-27-ը դրամն ամրապնդեց 478 դրամ/դոլար մակարդակում: Այսպես, ընթացիկ շաբաթ արտարժույթի միջբանկային շուկայում գործարքների ծավալը նախորդ շաբաթվա համեմատ կրճատվեց 22.3%`7.4 մլն.դոլարից մինչև 5.75 մլն.դոլար: Ընթացիկ շաբաթ բորսան չի գործել: Կենտրոնական բանկը շարունակում է ձեռնպահ մնալ միջամտոթյուններից և ինտերվենցիաներից: Արդյունքում, դրամը 2016 թվականի առաջին եռամսյակում դոլարի նկատմամբ հասցրեց արժեզրկվել մինչև 496 դրամ/դոլար մակարդակ (փետրվարի 12-ին) իսկ մարտի 25-ին կրկին վերադարձավ իր սկզբնական` 482 դրամ/դոլար մակարդակ, ամրապնդվելով 479 դրամ/դոլար մակարդակում,  որից հետո, ապրիլի առաջին տասնօրյակում արժեզրկվեց մինչև 484.5 դրամ/դոլար մակարդակ, բայց ապրիլի 11-ից կրկին սկսեց արժևորվել, ապրիլի 29-ին ամրապնդվելով 479 դրամ/դոլար մակարդակում: Այդ մակարդակը պահպանվեց մինչև մայիսի 11-ը ներառյալ, և մայիսի 12-ին սկսեց դանդաղ ընթանալ դեպի վեր - մինչև 480.5 դրամ/դոլար մակարդակ, որից հետո, մայիսի 20-ին ամրապնդվեց 478 դրամ/դոլար մակարդակում, պահպանելով այն նաև ընթացիկ շաբաթվա ընթացքում: Շուկայի անկախ վերլուծաբանների կարծիքով, Ռուսաստանի ֆինանսա-տնտեսական ճգնաժամի խորացման, նավթի գների, հատկապես Հայաստանի արտահանումային հոդված հանդիսացող մետաղական հումքի գների անկման պայմաններում, դրամը 2016 թվականի վերջին կարող է դոլարի նկատմամբ թուլանալ մինչև 540-550 դրամ/դոլար մակարդակ:

 

Ինչպես ԱրմԻնֆո-ին հաղորդեցին ՀՀ ԿԲ մամուլի ծառայությունից, NASDAQ OMX Armenia բորսան ընթացիկ շաբաթ չի գործել գործել: Իսկ արտարժույթի միջբանկային շուկայում տիրող ամենօրյա ակտիվությունը պահպանվում էր, բայց ծավալները մի փոքր նվազեցին, մայիսի 23-27-ն արձանագրելով 5.750 մլն.դոլարի ծավալ (շաբաթական անկումը` 22.3%), միջին կշռված փոխարժեքն ձևավորելով 477.80 դրամ/դոլար մակարդակում: Ընդ որում, առավելագույն ծավալներն արձանագրվեցին հինգհշաբթի օրը, մայիսի 26-ին`2 մլն.դոլար, 477.77 դրամ/դոլար փոխարժեքով, ինչպես նաև երկուշաբթի օրը` 1.5-1.6 մլն.դոլար:

 

Աղբյուրի համաձայն, արտարժույթի ներբանկային շուկայում (գործարքներ հաճախորդների հետ) մայիսի 23-27-ը բանկերը գնել են 56.1 մլն դոլար (շաբաթվա անկումը`12.5%), 476.79 դրամ/ դոլար միջին փոխարժեքով, և վաճառվել է 63.2 մլն դոլար (շաբաթվա աճը`4.1%), 478.55 դրամ/ դոլար միջին փոխարժեքով: Նույն ժամանակահատվածում արտարժույթի ներբանկային շուկայում բանկերը գնել են 5.3 մլն եվրո (շաբաթվա անկումը`18.5%), 532.84 դրամ/ եվրո միջին փոխարժեքով, և վաճառվել է 12.7 մլն եվրո (շաբաթվա անկումը`6.6%), 536.04 դրամ/ եվրո միջին փոխարժեքով: Նույն ժամանակահատվածում բանկերի կողմից գնվել է նաև 973.4 մլն ռուբլի (շաբաթվա անկումը`16.8%), 7.19 դրամ/ ռուբլի միջին փոխարժեքով, և վաճառվել է 394.8 մլն ռուբլի (շաբաթվա անկումը`1.1%), 7.27 դրամ/1 ռուբլի միջին փոխարժեքով:

 

Նախորդ շաբաթ (մայիսի 16-21-ը) Հայաստանի բանկերը տրամադրել են 43.8 մլրդ դրամի և 76.9 մլն դոլարի վարկեր: Նախորդող շաբաթվա համեմատ (մայիսի 9.14-ը) դրամով տրամադրված վարկերի ծավալը աճել է 34.4%, իսկ դոլարով տրամադրված վարկերի ծավալն աճել է 2 անգամ:

 

Հիշեցնենք, որ 2015 թվականի 12 ամիսներին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 482 դրամ/դոլար մակարդակ, եվրոյի նկատմամբ` 571,5-ից մինչև 529 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 6.9 դրամ/ռուբլի մակարդակ: Ընդ որում, դեկտեմբերին 14-28-ը Կենտրոնական բանկը գրեթե ամեն օր միջամտում էր շուկային: Դրամի արժեզրկման տրամադրությունները  դիտվում են երկրի արտաքին առևտրի շրջանառության անկմանը զուգահեռ (մոտ 20.6%), այդ թվում, ներմուծումը կրճատվեց մոտ 26.5%, արտահանումը` մոտ 3.9%, իսկ դեպի Հայաստան դրամական փոխանցումների ներհոսքը կրճատվեց ավելի քան 30%, և այդ ամենը տեղի է ունենում բնակչության առանց այն էլ ցածր վճարունակության և երկրի տնտեսական ցածր ակտիվության պայմաններում: 2016 թվականից Հայաստանի արտարժույթի մանրածախ շուկայում ՀՀ դրամը ԱՄՆ դոլարի նկատմամբ կրկին սկսվեց արժեզրկվել, փետրվարի 12-ին դոլարի նկատմամբ արժեզրկվելով մինչև 496 դրամ/դոլար մակարդակ, բայց մարտին սկսեց ամրապնդվել և մարտի 25-ին հասավ 482 դրամ/դոլար մակարդակ, եվրոյի նկատմամբ մինչև 538 դրամ/եվրո, իսկ ռուբլու նկատմամբ ամրապնդվելով մինչև 7.1 դրամ/ռուբլի մակարդակ: Հետագայում, ապրիլի կեսերից դրամը դոլարի նկատմամբ սկսեց ամրապնդվել, ապրիլի 29-ին`479 դրամ/դոլար մակարդակում, շարոնակելով այդ միտումները նաև մայիսին: Մայիսի 27-ին դրամն ամրապնդվեց 478 դրամ/դոլար մակարդակում, եվրոյի նկատմամբ` 535 դրամ/եվրո, իսկ ռուբլու նկատմամբ` 7.35 դրամ/ռուբլի մակարդակներում:


Նորություններ


Արտ. փոխարժեքները
26.01.2021
RUB6.86-0.02
USD518.26-0.10
EUR528.49-0.90
GBP707.79-0.81
CAD406.54-1.14
JPY49.940.00
CNY79.92-0.05
CHF582.84-1.23



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000