Տրանսպորտի նախարարությունն ավելի հարմարավետ պայմաններ կստեղծի անասունների և գյուղտեխնիկայի անցման համար

Ըստ փոխնախարարի, նախահաշվարկով անցում կառուցելը նախատեսված չէր: Սակայն, ինչպես պարզաբանել է փոխնախարարը, մերձակա գյուղերի բնակիչների համար ավտոմայրուղուց օգտվելու հարմարավետ պայմաններ ստեղծելու նպատակով կնքվեց նոր պայմանագիր: Նոր մրցույթի հիման վրա աշխատանքները կիրականացվեն 2016-2017 թվականներին: Ինչպես նշել է Առաքելյանը, ավտոմայրուղու շինարարությունն ավարտված է, դրան ձեռք չեն տա: «Կկառուցենք վերնաշենք և պարզապես կսահմանափակենք երթևեկությունը մայրուղում, քանի որ այդ ճանապարհի որոշ հատվածներն ընդգրկված լինեն շինարարական գործընթացում: Բացառապես անվտանգության կանոնների պահպանումից ելնելով ստիպված կլինենք այդ որոշ հատվածներում, որոնցում կշարունակվեն շինարարական աշխատանքները, կրճատել արագության ռեժիմըե,-հայտարարել է նա:

 

Նրա խոսքով, գոյություն ունի անասուններին անցկացնելու նաև հին`այլընտրանքային ճանապարհը, որը հեռու է այդ վայրից: «Այժմ մենք գյուղացիների համար ստեղծում ենք ավելի հարմարավետ պայմաններե,-պարզաբանել է փոխնախարարը:

 

Հիշեցնենք, որ մայիսի 30-ին ՀՀ տրանսպորտի նախարարությունը հայտարարեց Հյուսիս-Հարավ ավտոմայրուղու Աշտարակ-Արտաշատ հատվածի բացման մասին: Ինչպես հայտարարել էր Արթուր Առաքելյանը, չնայած բացումը տեղի կունենա մայիսի 31-ին, բայց Երևան-Աշտարակ հատվածում երթևեկությունն ամբողջովին կբացվի ավելի ուշ, հունիսի վերջին, իսկ Երևան-Արտըաշատ հատվածում, դրանից էլ ավելի ուշ, կապված անասունների և գյուղատնտեսական տեխնիկայի անցման հետ:

 

Հիշեցնենք, 556 կիլոմետր ընդհանուր երկարություն ունեցող «Հյուսիս–Հարավե միջանցքը ելք կապահովի դեպի Սև ծով և եվրոպական երկրներ Հայաստանի (Մեղրի–Կապան–Գորիս–Երևան–Աշտարակ–Գյումրի–Բավրա) և Վրաստանի տարածքներով։ 1 մլրդ դոլար արժողությամբ ներդրումային ծրագիրն նպատակաուղղված է Հայաստանի հյուսիսի (Վրաստանի հետ սահմանում) և հարավի (Իրանի հետ սահմանում) կապի ապահովմանը տրանսպորտային այնպիսի հաղորդակցությունների միջոցով, որոնք բավարարում են միջազգային բարձր չափանիշներն ու ելք են ապահովում դեպի համաշխարհային շուկաներ։ Ավտոճանապարհը կունենա բետոնե ծածկույթ: Նախագծի իրագործման համար Հայաստանը 500 մլն դոլարի վարկ է ներգրավել Ասիական զարգացման բանկից: Եվս 150 մլն դոլար կտրամադրի Եվրասիական զարգացման բանկը: Հայկական կողմը նախագծի իրացման համար նաև 60 մլն դոլար է ներգրավել Եվրոպական ներրդումային բանկից: Միջանցքի շինարարությունը նախատեսվում է լիովին ավարտել 2019 թվականին: «Հյուսիս-Հարավե ծագրի առնչությամբ Հայաստանի կառավարությունը հաշվարկել է 2,5 դոլարի խնայողություն յուրաքանչյուր ուղևորի մեկ ժամվա երթևեկության և 1-ական դոլարի խնայողություն 1 տոննա բեռի փոխադրման 1 ժամվա համար: Ինչպես ակնկալում են Հայաստանի իշխանությունները, ծրագիրը թույլ կտա  ապագայում մեղմել Ադրբեջանի և Թուրքիայի կողմից շրջափակման հետևանքները, ստանձնել տարանցիկ  պետության դեր տարածաշրջանի երկրների բեռանփոխադրումներում, ինչպես նաև միանալ Սևծովյան օղակաձև ավտոմայրուղուն:

 

Նշենք, որ 2015 թվականի վերջին 31 կմ երկարությամբ Աշտարակ-Արտաշատ հատվածում բացվեց երկկողմ երթևեկությունը, որին զուգահեռ մեկնարկեց թեստավորման ռեժիմը, որն ավարտվեց 2016 թվականի փետրվարին: Թեստավորման արդյունքում առաջացավ դրենաշային կարերի հիդրոմեկուսիչ ռետինը փոխելու, ինչպես նաև որոշ ճեղքվածքները վերացնելու անհրաժեշտություն: Այդ աշխատանքները կառուցապատողներ կատարեցին իրենց հաշվին: