Արմինֆո. Հայաստանը դարպաս է 170 միլիոնանոց Եվրասիական սպառման շուկա դուրս գալու համար: Այս մասին լրագրողների հետ զրույցում հունիսի 8-ին հայտարարել է Չեխիայի Առևտրաարդյունաբերական պալատի ԱՊՀ երկրների գծով ղեկավար Ֆրանտիշեկ Մասոպուստը, Երևանում ընթացող հայ-չեխական բիզնես-համաժողովի շրջանակներում:
Նրա խոսքով, հայկական շուկան, ինչպես նաև չեխականը, շատ փոքր է: Այդ համատեքստում դիտարկվում է դեպի երրորդ երկրների ավելի մեծ շուկաներ համատեղ դուրս գալու հնարավորությունը: Մասոպուստը նշել է հաագործակցության հնարավորությունները էներգետիկայի, ենթակառուցվածքների զարգացման, տրանսպորտի, ճանապարհների վերանորոգման ոլորտներում, ինչպես նաև երկաթուղային տրանսպորտի և քաղաքացիական ինքնաթիռների համար նյութերի ու պահեստամասերի մատակարարման ոլորտում:
Ինչպես տեղեկացրել է ՀՀ էկոնոմիկայի փոխնախարար Գարեգին Մելքոնյանը, Չեխիայի Հանրապետության Նախագահի այցի շրջանակներում 26-ից ավելի չեխական ընկերություններ գտնվում են Երևանում, հայկական կողմից բիզնես ֆորումին մասնակցում են 80-ից ավելի ընկերություններ: Նատեղեկացրել է, որ ﬕջկառավարական հանձաժողովի շրջանակներում առկա են ﬕ քանի որոշումներ, որոնք առաջիկայում պետք է կյանքի կոչվեն: Մասնավորապես, փոխադարձաբար առևտրային տների հիմնումը, համատեղ ﬕ քանի արտադրական, արդյունաբերական ծրագրերի իրականացումը, աﬔնա տարբեր ոլորտներում` սկսած էկոլոգիայից` ավարտած ստանդարտացմամբ, ﬕջպետական հարթակում համատեղ ծրագրերի կատարումը: «2015 թվականի արդյունքներով հայ-չեխական առևտրաշրջանառության տարեկան ծավալները կազմում են մոտ22 մլն դոլար»,- նշել է ԳարեգինՄելքոնյանը, ընդգծելով, որ դրա համար անհրաժեշտ է աշխատել երկու երկրների գործարար-միջավայրերի իրազեկության բարձրացման ուղղությամբ:
Հայաստանի զարգացման հիմնադրամի գործադիր տնօրեն պաշտոնակատար Կարեն Մկրտիչեանը տեղեկացրել է, որ ներկայումս չեխական կողմը հետաքրքրված է դեղագիտություն, սննդի արդյունաբերության, օպտիկական և լազերային սարքավորումների արտադրության, մասնավորապես, միջուկային էներգետիկայի ոլորտում Հայաստանի հետ համագործակցությամբ: Հիմնադրամի ղեկավարը հայտարարել է, որ հայկական կողմն արդեն հանդես է եկել այդ ոլորտներում համատեղ ձեռնարկություններ ստեղծելու առաջարկով: «Արդյունքները հայտնի կդառնան սեպտեմբերին, երբ չճեխ գործարարները կայցելեն Հայաստան, «Made in Armenia» ցուցահանդեսի շրջանակներում»,-նշել է նա:
Նշենք, որ Չեխիայի Հանրապետության Նախագահ Միլոշ Զեմանի այցի շրջանակներում Հայաստան է ժամանել չեխ գործարարների ընդլայնված պատվիրակություն: Հայաստանի և Չեխիայի մոտ 100 գործարարներ հունիսի 8-ին քննարկել են երկու երկրների համագործակցության հնարավորությունները և հեռանկարները, ինչպես նաև երրորդ երկրներ շուկաներ դուրս գալու ուղիները: Ապրանքաշրջանառությունը Հայաստանի և Չեխիայի միջև 2015 թվականին կազմել է 21.6 մլն.դոլար, տարեկան աճը`0,7%: Այդ թվում արտահանումը կազմել է 1.7 միլիոն դոլար, տարեկան աճը`2,5%, իսկ ներմուծումը`19,9 մլն.դոլար, տարեկան աճը`0,6%: Ըստ վիճակագրության, հայկական ապրանքների արտահանումը դեպի Չեխիա 2014 թվականին կազմել է 2122 մլն.դոլար, 2015-ին`2 181 մլն.դոլար: Ներմուծումը 2014-ին կազմել է 26 142 մլն.դոլար, իսկ 2015 –ին`23 138 մլն դոլար:
Հիմնական ներմուծվող ապրանքներն են`հրուշակեղենը, գարեջուրը, սննդամթերքը, դեղորայքը և բժշկական սարքավորումները, պլաստմասսայե արտադրանքը, թուղթը, տրիկոտաժը: Արտահանվող հիմնական ապրանքատեսակներ են`մոլիբդենի խտանյութը, ֆերրոմոլիբդենը, խեցեղենը, փայտե իրերը, ձեռագործ գորգերը, ադամանդի հումքը, կահույքի մասերը և այլն: