Ուրբաթ, 10 Հունիսի 2016 16:25
Նաիրա Բադալյան

«Եվրոպական միասնական երկնքի» բացումը Հայաստանի համար կարճ ժամանակով հետաձգված է

 «Եվրոպական միասնական երկնքի» բացումը Հայաստանի համար կարճ ժամանակով հետաձգված է

Արմինֆո. «Եվրոպական միասնական երկնքին» Հայաստանում միացումը հետաձգված է: Այս մասին ԱրմԻնֆո գործակալության թղթակցին հայտնել է ՀՀ էկոնոմիկայի փոխնախարար Գարեգին Մելքոնյանը:

2015 թվականի դեկտեմբերին, Եվրոպական միության արտաքին քաղաքականության և անվտանգության հարցերով բարձր ներկայացուցիչ, Եվրոպական հանձնաժողովի փոխնախագահ Ֆեդերիկա Մոգերինիի հետ հանդիպման ընթացքում ՀՀ ԱԳՆ ղեկավար Էդվարդ Նալբանդյանը հայտարարել էր, որ Հայաստանը պատրաստ է ԵՄ հետ ստորագրել ընդհանուր օդային տարածության մասին Համաձայնագիրը (Common Aviation Area Agreement): Վերջին ամիսներին Երևանը բազմաթիվ անգամ ընդգծել է իր հետաքրքրությունը բանակցությունների շտապ մեկնարկի նկատմամբ: Մայիսի 17-ին լրագրողների հետ զրույցում ՀՀ էկոնոմիկայի փոխնախարար Գ.Մելքոնյանը հաղորդել էր, որ, օդային ընդհանուր գոտու ստեղծման շուրջ բանակցությունների մեկնարկի հարցով Հայաստանն արդեն դիմել է Եվրամիությանը:

Ինչպես պարզաբանել է Մելքոնյանը, Եվրոպական խորհրդի հանձնաժողովը պատրաստել է ԵՄ ավիացիոն քաղաքականութւյան մասին փաթեթը, որը նախատեսում է նաև այլ երկրների հետ հետագա համագործակցության զարգացման հստակ կանոնակարգ: Մասնավորապես, կան որոշակի երկրներ, որոնց հետ տվյալ փուլում արդեն նախատեսված է եվրոպական միասնական երկնքին միանալու բանակցությունների մեկնարկը: Միևնույն ժամանակ, ըստ կանոնակարգի, որպեսզի Եվրոպական հանձնաժողովը հնարավորություն ունենա սկսել բանակցությունները, նա պետք է ունենա ԵՄ համապատասխան մանդատը: Ի սկզբանե Երևանն ակնկալում էր, որ հուլիսի սկզբին ԵՄ Խորհուրդը կհաստատի բանակցությւոնների մեկնարկի մանդատը: Սակայն, ինչպես պարզվեց, ժամկետները տեղափոխվեցին մինչև հունիսի վերջը: «ԵՄ Խորհրդի կողմից Եվրոպական հանձնաժողվին բանակցությունների մեկնարկի մանդատի տրամադրման հարցը կքննարկվի հունիսի 20-25-ը: Կհաստատվի ավիացիոն ընդհանուր քաղաքականությունը, որի շրջանակներում կորոշվի գործունեության ուղղությունը որոշ երկրների նկատմամբ»,-ասել է փոխնախարարը:

Մանդատն ստանալուց հետո Եվրոպական Հանձնաժողովը լիազորված կլինի բանակցել Երևանի հետ: Հայաստանին կտրամադրվի համաձայնագրի այն նախագիծը, որը, ըստ ԵՄ, կլինի միասնական օդային տարածությանը միանալու բանակցությունների հիմքում: Ըստ փոխնախարարի, բանակցությունները երկարատև չեն լինի, քանի որ գոյություն ունի բոլոր երկրների հետ համագործակցության հիմնական մոդելային ձևաչափը: «Եթե հունիսին բանակցություններն սկսվեն, կարծում եմ, որ 5-6 ամսում կավարտվեն»,-նշել է Մելքոնյանը: Նա հաղորդել է, որ համաձայնագիրն էական նշանակություն ունի երկրի ավիացիոն շուկայի համար, քանի որ նախատեսում է ավիացիոն շուկայի թափանցիկության և ազատականացման որոշակի մակարդակի ապահովում: Այդ համաձայնագրին միանալու արդյունքում Հայաստանի և ԵՄ 28 երկրների միջև կսկսի գործել ավել ազատականացված ավիացիոն ռեժիմ, որից կօգտվեն Հայաստանի և ԵՄ երկրների ավիաընկերությունները:

Նշենք, որ փաստաթղթով, թռիչքների անվտանգությունն ապահովելուց և սերթիֆիկացիոն կանոնակարգերից բացի, նախատեսվում է Հայաստանում օտարերկրյա փոխադրողների վրայից հանել սահմանափակումները, իսկ Եվրոպային երկրներում`հայկական փոխադրողների վրայից: Դա թույլ կտա ավելի բարենպաստ պայմաններով Հայաստան ներգրավել եվրոպական ընկերություններին, մասնավորապես, բյուջետային ավիաընկերություններին: Երկրորդ, ազատականացումը կարող է միջազգային մակարդակով ապահովել արդարացի և բարեխիղճ մրցակցություն, պետական աջակցության կամ ստանդարտների կարգավորման համատեղումով: Արևելյան գործընկերության անդամ երկրներից միասնական օդային տարածքին միացել են` Մոլդովան, Վրաստանը և Ուկրաինան: Եվրոպական օդային միասնական տարածությանը միանալը Հայաստանին թույլ կտա դուրս գալ անվտանգ և կայուն օդային տարածություն: Դա նշանակում է`ինտեգրում եվրոպական ավիացիոն շուկային, աջակցություն հայ գործարանների արտաքին շուկաներ դուրս գալուն, ինչպես նաև երկիրը դարձնել օդային տրանսպորտի ոլորտի կարևորագույն տարանցիկ երկիր: 


Նորություններ


Արտ. փոխարժեքները
19.10.2020
RUB6.340.05
USD492.400.25
EUR578.912.65
GBP640.273.48
CAD373.681.46
JPY46.74-0.03
CNY73.480.39
CHF540.032.16



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000