Ուրբաթ, 10 Հունիսի 2016 20:46

Արմինֆո. Հունիսի 10-ին Արտահանման ապահովագական պետական գործակալությունը և Հայաստանի բանկերի միությունը համագործակցության հուշագիր են ստորագրել, որը թվով երրորդ հուշագիրն է` Արմսվիսբանկից և ԱԿԲԱ ԿՐԵԴԻՏ ԱԳՐԻԿՈԼ Բանկի հետո:

ՀՀ Բանկերի միության նախագահ Սամվել Ճզմաչյանը լրագրողներին հայտնել է, որ հուշագրի ստորագրումը նոր հնարավորություններ կստեղծի արտահանման համար, մասնավորապես, կավելանա տնտեսվարող սուբյեկտների համար ֆինանսական միջոցների հասանելիությունը, նպաստելով նաև ռիսկերի նվազեցմանը: «Իմ կարծիքով Հայաստանին բանկերի համար շահավետ կլինի համագործակցել գործակալության հետ, ինչն առաջին հերթին օգուտ կբերի Հայաստանի տնտեսությանըե,-ասել է Ս.Ճզմաչյանը, նկատելով, որ համատեղ ջանքերով կհաջողվի պարզեցնել դեպի արտասահմանյան շուկաներ հայկական ապրանքների արտահանման ընթացակարգերը:

Իսկ Գործակալության տնօրեն Վազգեն Աբգարյանը նշել է, որ մանր և միջին բիզնեսը  (որին ուղղված է գործակալության աշխատանքը) ոչ միշտ է կարողանում գնահատել արտասահմանում իրենց գործընկերոջ հուսալիությունը: Դա հաճախ չվճարման ռիսկերի է հանգեցնում: Այդ ռիսկերը փակում են առևտրական ֆինանսավորման գործիքները: Բայց նախ` դրանք համեմատաբար թանկ են, և երկրորդ` հակագործակալի մասնակցություն են պահանջում: Իսկ մատակարարողը կարող է ապահովագրել ապրանքը անկախ այն բանից, թե համաձայն է արդյոք գնորդը. երբեմն նա կարող է նույնիսկ չիմանալ այդ մասին: «Գործակալության կողմից սահմանված ապահովագրական պրեմիաները, որոնք տատանվում են 0.3-0.6% սահմաններում, կապված գործարքի ծավալներից, վկայում են միայն այն մասին, որ մենք չենք ցանկանում լրացուցիչ բեռնվածոթյուն ստեղծել մեր արտահանողների համար, չէ որ գործակալության հիմանական առաքելությունը արտահանման խթանումն էե,-ընդգծել է Աբգարյանը: Նա հույս է հայտնել, որ առաջիկա ապագայում արտահանման ապահովագրության պրոդուկտներն աստիճանաբար կսկսեն լայն պահանջարկ ձեռք բերել Հայաստանում, նպաստելով հայ արտահանողների մրցունակության բարձրացմանը:

ԱրմԻնֆո գործակալության թղթակցի հետ զրույցում Աբգարյանը նշել է, որ ընթացիկ շաբաթ հուշագրի ստորագրոթյուն է նախատեսվում հայկական հերթական բանկի հետ: «Կարծում եմ, որ մինչև տարեվերջ կկարողանանք ստորագրել մոտ 8 հուշագիր: Մենք բաց ենք բանկերի հետ համագործակցության համար, որոնք ցանկանում են աշխատել առևտրի ֆինանսավորման ուղղությամբե,-եզրափակել է նա:

«Հայաստանի արտահանման ապահովագրական գործակալությունե ԱՓԲԸ-ն հիմնադրվել է Հայաստանի Հանրապետության կառավարության որոշմամբ 2013 թվականի հոկտեմբերի 23-ին արտահանմանն ուղղված արդյունաբերական քաղաքականության շրջանակներում:

Ընկերությունը տրամադրում է ապահովագրություն ՀՀ ռեզիդենտ արտահանող Ընկերությունների կողմից  մատակարարված ապրանքի դիմաց օտարերկրյա գնորդի կողմից կամ պայմանագրով նրա անունից վճարման պարտավորություն ունեցող բանկի կողմից չվճարման հետևանքով կրած ֆինանսական վնասներից: Մատուցվող ապահովագրական ծառայությունները հանդիսանում են  արդյունավետ լուծում հաճախորդների արտահանման ռիսկերի կառավարման համար: Ընկերության միակ բաժնետերը Հայաստանի Հանրապետությունն է: 

Ըստ ՀՀ Ազգային վիճակագրական ծառայության տվյալների, 2016 թվականի առաջին եռամսյակում Հայաստանի արտաքին առևտրի հշվեկշռի դեֆիցիտի նվազել է 23%, կազմելով $ 428,7 մլն, ինչը, ըստ վիճակագրության, պայմանավորված է արտահանել 22.2% աճով, մինչև $ 514,5 մլն, իսկ ներմուծումը նվազել է 3,5%, մինչև $ 943,2 մլն: Այսպիսով, ապրանքաշրջանառությունն աճել է 4,2%, մինչև $ 1,458 մլրդ, ընդ որում, աճ է արձանագրվել բոլոր հիմնական ուղղություններով, այդ թվում`ԱՊՀ - 8.1%, մինչև $ 450,4 մլն (երկրի ընդհանուր արտաքին առևտրաշրջանառության 30.9%-ը), հեռավոր արտասահման - 4.2%, մինչև $ 652 մլն (44,7%), իսկ ԵՄ երկրների հետ նվազել է 0,1%, մինչև $ 355,2 մլն (24,4%): Արտահանումը դեպի ԱՊՀ երկրներ աճել է 72.1%, մինչև $ 106 մլն, իսկ ներմուծումը նվազել է 3%, մինչև $ 344,4 մլն: Արտահանումը դեպի ԵՄ երկրներ աճել է 11.3%, մինչև $ 150,3 մլն., իսկ ներմուծումը նվազել է 7.1%, մինչև $ 204.9 մլն: Աճել է նաև արտահանումը դեպի հեռավոր արտասահմանյան երկրներ - 15% -ով, մինչև $ 258,1 մլն, իսկ ներմուծումը նվազել է 1,9%, մինչև $ 393.9 մլն: