«ՀԱՅԷԿՈՆՈՄԲԱՆԿե ԲԲԸ-ն ձեռնամուխ է լինելու 5 մլրդ.դրամ ծավալով հասարակ (սովորական) բաժնետոմսերի 13-րդ թողարկմանը

ԱրմԻնֆո: ՀԱՅԷԿՈՆՈՄԲԱՆԿԸ հունիսի 17-ից ձեռնամուխ է լինելու 5 մլրդ.դրամ ծավալով հասարակ (սովորական) բաժնետոմսերի 13-րդ թողարկմանը, շուկայական արժեքով կամ 856.2 մլն.դրամ անվանական արժեքով: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, կթողարկվի 342466 հատ սովորական բաժնետոմս, յուրաքանչյուրը 2,500 ՀՀ դրամ անվանական արժեքով, տեղաբաշխման գինը կլինի 14600 ՀՀ դրամ: Բաժնետոմսերի տեղաբաշխման ժամկետը ավարտը նախատեսում է`2016 թվականի սեպտեմբերի 30-ին: ՀՀ Կենտրոնական բանկը թողարկման ազդագիրը հրապարակել է այս տարվա հունիսի 8-ին:

 

ՀԱՅԷԿՈՆՈՄԲԱՆԿՆ իր բաժնետոմսերն իր բաժնետոմսերի բաց բաժանորդագրությունը հայտարարում է, հաշվի առնելով բաժնետոմսերի  նախորդ  հաջողված թողարկումների փորձը, որոնք ցուցակված են «ՆԱՍԴԱՔ ՕԷՄԷՔՍ ԱՐՄԵՆԻԱե ԲԲԸ-ի "B" հարթակում: 

12-րդ թողարկաման արդյունքում Բանկի բաժնետերերի թիվն ավելացել է մոտ 1600 -ով: Ներկայումս բանկն ունի 3014 բաժնետեր, ինչը խոսում է բանկի նկատմամբ աճող վստահության մասին:

 

Ս.թ. հունիսի 24-ին կայանալիք Բանկի բաժնետերերի տարեկան ժողովի հաստատմանն է ներկայացվելու Բանկի 2015 թվականի արդյունքներով բաժնետերերին 14% շահաբաժին վճարելու հարցը: 2015 թվականը բանկը եզրափակել է 368.8 մլն.դրամ զուտ շահույթով: Բայց թե այդ գումարի որ մասը կուղղվի կապիտալի համալրմանը, իսկ որքանը` դիվիդենտներին, կորոշեն բաժնետերերը:

 

Հիշեցնենք, որ ՀԱՅԷԿՈՆՈՄԲԱՆԿԻ և ԲՏԱ Բանկի միավորման արդյունքում միավորված ՀԱՅԷԿՈՆՈՄԲԱՆԿԻ նորմատիվային կապիտալը, որը 2017 թվականից պետք է կազմի առնվազն 30 մլրդ.դրամ, ընթացիկ տարվա ապրիլի 1-ին ավելացավ 4 մլրդ.դրամով: Հաշվի առնելով եռամսյակային շահութաբերությունը, ապա 13-րդ թողարկման միջոցով ՀԱՅԷԿՈՆՈՄԲԱՆԿԸ կարող է լիովին համալրել ընդհանուր կապիտալը, հասցնելով այն նորմատիվային շեմին: «Մեր հիմնական մաժորիտար բաժնետերերն արդեն պակասը համալրելու պատրաստակամություն են հայտնել, եթե լինի դրա անհրաժեշտությունըե,- ԱրմԻնֆո-ի հետ զրույցում հայտարարել է Բանկի վարչության նախագահ Արմեն Նալջյանը: Նա նշել է, որ նորմատիվային կապիտալի համալրումը չի խոչընդոտի դիվիդենտային քաղաքականությանը, քանի որ, լինելով հրապարակային բանկ, ՀԱՅԷԿՈՆՈՄԲԱՆԿՆ իր կորպորատիվ քաղաքականության շրջանակներում պետք է նաև դիվիդենտներ վճարի իր բաժնետերերին, որոնց չափերը կորոշի ընդհանուր ժողովը:

 

Ըստ ԱրմԻնֆո գործակալության`Հայաստանի բանկերի Ռենկինգի, ՀԱՅԷԿՈՆՈՄԲԱՆԿ-ի ընդհանուր կապիտալը, միավորված ԲՏԱ Բանկի կապիտալի հետ միասին, կազմել է 25 մլրդ.դրամ, տարեկան աճը` 80%: Բանկի կանոնադրական կապիտալը 2016-ի առաջին եռամսյակում աճել է 2.7 անգամ, մինչև 12.9 մլրդ.դրամ: Կուտակված շահույթը կազմել է 2.8 մլրդ.դրամ, իսկ ԲՏԱ Բանկի հետ միասին` 1.5 մլրդ.դրամ: «ՀԱՅԷԿՈՆՈՄԲԱՆԿե ԲԲԸ մաժորիտար բաժնետերերն են`ՎԶԵԲ - 11,05%, Սարիբեկ Սուքիասյան - 25.9%, Խաչատուր Սուքիասյան`14,38%, Ռոբերտ Սուքիասյան - 14,97%, Էդուարդ Սուքիասյան - 11.18%: Ընդհանուր առմամբ, Սուքիասյան ընտանիքին է պատկանում Բանկի բաժնետոմսերի 66,43% մասնաբաժինը: Բանկի մոտ 3000 բաժնետերերից ավելի քան 2800-ը հանդիսանում են ֆիզիկական անձինք, որոնց ընդհանուր մասնաբաժինը կազմում է 79%: 

 

Հիշեցնենք, որ Հայէկոնոմբանկը հանդիսանում է Հայաստանի հնագույն բանկերից մեկը և ստեղծվել է ԽՍՀՄ բանկային համակարգի վերակառուցման արդյունքում, հանդիսանալով Բնակսոցբանկի իրավահաջորդը: Գրանցվել է ՀՀ Կենտրոնական բանկում` որպես Բաց Բաժնետիրական Ընկերություն (Գրանցում թիվ 1): 1997 թվականին Հայէկոնոմբանկի մեծամասնական վերահսկող բաժնետեր դարձան Սուքիասյանների ընտանիքի անդամները: 2004-ին, բանկը պայմանագիր ստորագրեց ՎԶԵԲ- հետ, ներգրավելով բանկին իր սեփական կապիտալում` 25% + 1 մասնաբաժնով: ՀԱՅԷԿՈՆՈՄԲԱՆԿ-ի ակտիվները 2016-ի ապրիլի 1-ին կազմել են 108,2 մլրդ դրամ (տարեկան աճը`23.8%), այդ թվում, վարկային ներդրումները`60.4 մլրդ.դրամ (տարեկան աճը` 20%), ընդհանուր պարտավորությունները` 88.5 մլրդ դրամ (տարեկան աճը`15.8%): Բանկն ունի 40 մասնաճյուղ, որից 19-ը գտնվում է Երևանում, 20-ը Հայաստանի մարզերում, իսկ 1–ը` Ղարաբաղում: