Արմինֆո. 2016թ.-ի հունիսի 13-ից «Ազգային Հիփոթեքային Ընկերություն» վերաֆինանսավորում իրականացնող վարկային կազմակերպություն ՓԲԸ-ի (ՎՎԿ ՓԲԸ) զեղչատոկոսային պարտատոմսերը թույլատրվել են առևտրի ՆԱՍԴԱՔ ՕԷՄԷՔՍ Արմենիայի պարտատոմսերի ազատ (Cbond) շուկայում, ինչպես նաև թույլատրվել են նշված պարտատոմսերով հասցեական առևտուրը և ռեպո գործարքների կնքումը: Ինչպես ԱրմԻնֆո գործակալությանը տեղեկացվել է Բորսայի մամուլի ծառայությունից, ցուցակված արժեթղթերը ներառում են 10,000 ՀՀ դրամ անվանական արժեքով 63,730 հատ պարտատոմս (ISIN - AMNMCCB1EER1), որոնք բորսայում շրջանառվելու են NMCCB1E բորսայական հապավմամբ:
Աղբյուրի համաձայն, նշված պարտատոմսերը տեղաբաշխվել էին ՆԱՍԴԱՔ ՕԷՄԷՔՍ Արմենիայում ս.թ. մայիսի 20-ին, որի ընթացքում կնքվել էր 17 գործարք` 573,728,510.55 ՀՀ դրամ ընդհանուր գումարով: Պարտատոմսերի կտրման գինը կազմել է 8,996.63 ՀՀ դրամ, կտրման եկամտաբերությունը`11%, իսկ միջին կշռված եկամտաբերությունը` 10.9169%:
ՆԱՍԴԱՔ ՕԷՄԷՔՍ Արմենիայում շրջանառվող այլ գործիքներին կարող եք ծանոթանալ ընկերության պաշտոնական կայքի (www.nasdaqomx.am) «Ֆինանսական գործիքներ» բաժնից:
Նշենք, որ «Ազգային Հիփոթեքային Ընկերություն» վերաֆինանսավորում իրականացնող վարկային կազմակերպություն Փակ Բաժնետիրական Ընկերությունը գրանցվել և լիզենզավորվել է ՀՀ կենտրոնական բանկի խորհրդի 2011 թվականի հոկտեմբերի 19-ի թիվ 1/1167 Ա որոշմամբ (գրանցման վկայականի համարը` թիվ 26, 16.06.2009թ վարկային գործունեության լիցենզիա թիվ 26): Ընկերության միակ հիմադիրն ու բաժնետերը հանդիսանում է ՀՀ կենտրոնական բանկը: Ներկայումս ընկերության կորպորատիվ պարտատոմսերի երեք թողարկումներ (NMCCB2A, NMCCB2B և NMCCB2C) ցուցակված են ՆԱՍԴԱՔ ՕԷՄԷՔՍ Արմենիայի կորպորատիվ պարտատոմսերի հիմնական ցուցակում:
Այս երեք թողարկումները ֆոնդային բորսայում շրջանառությանն են թույլատրվել 2014 թվականից, այդ թվում, NMCCB2A – մայիսի 15-ից, NMCCB2B - հուլիսի 11-ից և NMCCB2C - հոկտեմբերի 22-ից: NMCCB2A թողարկման ծավալը կազմում է 1 մլրդ դրամ (10 հազար հատ, յուրաքանչյուր 100 հազար դրամ անվանական արժեքով), NMCCB2B - 1.2 մլրդ դրամ (120 հազար հատ, յուրաքանչյուրը 10 հազար դրամ անվանական արժեքով), NMCCB2C - 1 մլրդ.դրամ (100 հազար հատ, յուրաքանչյուրը 10 հազար դրամ անվանական արժեքով): Շրջանառության Ժամկետները. NMCCB2A - 3 տարի, NMCCB2B - 5 տարի և NMCCB2C - 3 տարի. Եկամտաբերությունը. NMCCB2A - 10%, NMCCB2B 12%, NMCCB2C - 10%: Արժեկտրոնների վճարումnն այս թողարկումներով իրականացվում են յուրաքանչյուր վեց ամիսը մեկ: Նշված պարտատոմսերի շրջանառության ժամկետը լրանում է 2017 թվականին: Մասնավորապես, NMCCB2A - ապրիլի 23-ին, NMCCB2B - հունիսի 24-ին, NMCCB2C - հոկտեմբերի 7-ին:
Հիշեցնենք, որ Հիշեցնենք, որ 2001 թվականից գործող «Հայկական ֆոնդային բորսաե ՓԲԸ-ն 2007 թ. նոյեմբերին վերակազմավորվեց բաց բաժնետիրական ընկերության, իսկ 2009 թվականի հունվարի 26-ից վերանվանվեց «ՆԱՍԴԱՔ ՕԷՄԷՔՍ Հայաստանե բորսայի: 2009 թվականի հունիսի 5-ին, 2009 թ. ՆԱՍԴԱՔ ՕԷՄԷՔՍ Արմենիան դարձավ Հայաստանի Կենտրոնական Դեպոզիտարիայի միանձնյա սեփականատերը: 2008 թվականի հունվարի 7-ից OMX ընկերությունը (ներկայումս - NASDAQ OMX) դարձավ NASDAQ OMX Արմենիա ֆոնդային բորսայի 100% բաժնետերը: 2015 թվականին ՆԱՍԴԱՔ ՕԷՄԷՔՍ Արմենիա բորսայում կնքվել է կորպորատիվ պարտատոմսերի 226 գործարք` 453.5 մլն դրամ ծավալով (2014-ին` 343 գործարք և 1.1 մլրդ դրամ): Հայաստանի ֆոնդային շուկայի կապիտալիզացիան 2015-ին աճել է 42%, կազմելով 103.8 մլրդ. դրամ (2014-ին` 73 մլրդ դրամ, 2013-ին `61.7 մլրդ. դրամ): Բաժնետոմսերով նախորդ տարում կնքվել է 140 գործարք, իսկ ծավալը կազմել է 4.3 մլրդ. դրամ (2014-ին` 213 գործարք և 28.8 մլրդ.դրամ):
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը