Արմինֆո. Փոքր և միջին ձեռնարկությունների համագործակցութնա ասոցիացիայի փոխնախագահ Սամսոն Գրիգորյանը համոզված է, որ նոր Հարկային օրենսգիրքը կարող է լուրջ պրոբլեմների պատճառ դառնալ բիզնեսում: Այս մասին նա հայտարարել է այսօր, ՀՀ նոր Հարկային օրենսգրքին նվիրված մամուլի ասուլիսում:
Նրա խոսքով, հարկային օրենսգիրքը գերլիազորություններ է ընձեռում ՀՀ Պետեկամուտների կոմիտեին: «Պետական եկամուտների կոմիտեն ստանում է լիազորություններ, որոնք իրենց կարևորությամբ համապատասխանում են դատական ատյաների իրավունքներին»,-հայտարարել է նա, հավելելով, որ առանձին դեպքերում կոմիտեին կարող է տրամադրվել ձեռնարկատիրոջ գույքի նկատմամբ իրավունքների սահմանափակման լիազորություններ, առանց դատարանի որոշման: «Եվ նույնիսկ այն դեպքում, երբ գործարարը դիմում է դատական ատյաններին, իր հարցը լուծելու համար, նա պետք է անպայման վճարի տուգանք: Միայն դրանից հետո դատարանը ձեռնամուխ է լինում գործի քննմանը: Ստացվում է, որ Օրենսգիրքն ստեղծվել է ավելի շուտ պատժիչ նպատակներով և կրում է ֆիսկալ բնույթ»,-պարզաբանել է նա:
Գրիգորյանը կարծիք է հայտնել, որ առաջարկվող Հարկային օրոնսգիրքն ավելի շատ կնպաստի ոչ թե բիզնեսի զարգացմանը, այլ հակառակը, բիզնեսի դեգրադացմանը Հայաստանում: «ԱԱՀ հարկման շեմի իջեցումը, ըստ Նոր Օրենսգրքի, կնպաստի, որպեսզի հայ գործարարները սկսեն ավելի զարգացնել իրենց բիզնեսն արտասահմանում, ինչն ավելի ձեռնտու կլինի նրանց, բայց բացասական հետևանքներ կունենա հայաստանյան շուկայի համար»,-հայտարարել է նա: Ըստ նրա, այն ձեռնարկատերերը, որոնք կմնան Հայաստանում, ստիպված կլինեն արտադրության համար անհրաժեշտ հումքը լավագույն դեպքում ներմուծել այլ երկրներից:
Գրիգորյանը հավաստել է, որ եկամտահարկի շեմի իջեցման արդյունքում ձեռնարկատերերն ստիպված կլինեն չգրանցել նոր աշխատողների, կամ էլ կրճատել աշխատակազմը, ինչը կբերի գործազրկության զարգացմանը:
«Մենք առաջարկում ենք հետ կանչել նոր Օրենսգիրքը և լրջորեն քննարկել յուրաքանչյուր կետը: Մենք առաջարկում ենք նաև մինչև 300 հազար դրամ աշխատավարձի դեպքում հրաժարվել եկամտահարկից, կամ եկամտահարկը կրճատել մինչև 5-10%, նախատեսվող 23% փոխարեն, որն ամրագրված է նոր Հարկային օրենսգրզում»,-եզրափակել է Գրիգորյանը:
Նշենք, որ հունիսի 15-ին ՀՀ Ազգային ժողովն առաջին ընթերցմամբ ընդունել է նոր Հարկային օրենսգրքի նախագիծը:
Տնտեսագետ. Հայաստանում համընդհանուր բժշկական ապահովագրության համակարգը փողերի լվացման հերթական խարդախություն է
Փորձագետ․ Հայաստանը տարածաշրջանի էլեկտրաէներգետիկ հանգույց դառնալու իրական հնարավորություն ունի
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները