Արմինֆո. Հայաստանի նոր Հարկային օրենսգրքի նախագիծը հակասում է ՏՏ-ոլորտի զարգացման ռազմավարությանը: Այս մասին հունիսի 17-ին կայացած մամուլի ասուլիսում հայտարարել է Հայաստանի Ինֆորմացիոն տեխնոլոգիաների ձեռնարկությունների միության (UITE) փոխտնօրեն Հայկ Չոբանյանը:
Նրա խոսքով, վերջին 3 տարիներին, ոլորտի զարգացման նոր ռազմավարության ընդունման շնորհիվ, երկրում արձանագրվեցին ոչ մեծ տեղաշարժեր: Սակայն, ՏՏ-ոլորտի այդ բոլոր ձեռքբերումները, «հարկային ռեֆորմների» շնորհիվ, կարող են ամբողջովին չեզոքացվել: «Փաստաթուղթն ուղղված է Հայաստանի տնտեսական զարգացմանը դեմ և արմատապես հակասում է երկրի զարգացման շահերին: Կարող եմ ամենայն պատասխանատվությամբ նշել, որ նախագիծը վտանգում է ոչ միայն ներդրումների հետագա ներգրավումը, այլ նաև բիզնեսի զարգացմանն ընդհանրապես»,-հայտարարել է Չոբանյանը:
Նա հայտարարել է, որ ՏՏ-ոլորտում այսօր արդեն հարկային բեռը կազմում է մոտ 40% (եկամտահարկ + ԱԱՀ): «Եկամտահարկի փոփոխությունը 25-30% կավելացնի հարկային բեռը գործատուի համար: Իսկ այդ հսկայական բեռին մենք չենք կարող դիմանալ»,-հայտարարել է Չոբանյանը:
Նա նշել է, որ ներկայումս Հայաստանի ՏՏ-ոլորտում աշխատում է 15 հազար մարդ, իսկ միջին աշխատավարձը կազմում է 1800-2000 դոլար: «Ոլորտի ներկայացուցչների համար անընդունելի է հարկային բեռի ավելացումը: Վստահ եմ, որ 15 հազար աշխատակիցները չեն կարող մի կողմ քաշվել և այդպես մնալ, հարկային բեռի ավելացումը կբերի բողոքի փողոցային ակցիաների»,-հայտարարել է Չոբանյանը:
Հիշեցնենք, որ հունիսի 14-ին ՊԵԿ պետի տղակալ Վախթանգ Միրումյանը նշել է, որ ներկայիս 187 հազար դրամ միջին աշխատավարձի պայմաններում (ընթացիկ փոխարժեքով մոտ 390 դոլար), եկամտահարկ կարելի է վճարելի մի փոքր ավելի քիչ (նախկին 47000 դրամի փոխարեն 46360 դրամ): Հարկային բեռնվածությունը կհավասարվի 204 հազար դրամ աշխատավարձի ժամանակ, իսկ հետո կսկսի բարձրանալ: Այլ խոսքերով, միջին աշխատավարձ ստացողները կվճարեն 340 հազար դրամով ավելի պակաս եկամտահարկ, իսկ այնուհետև կսկսի բարձրանալ: Ներկայումս մինչև 120 հազար աշխատավարձ ստացողներն ամսական վճարում են 24.4%, 120-ից մինչև 2 մլն.դրամ ստացողները` 26%, 2 մլն.դրամից ավելի ստացողները` 36%: Այսինքն, հարկը զգալիորեն բարձրանում է միայն 2 մլն.դրամի ժամանակ: Նման աշխատավարձ հանրապետությունում ստանում է մոտ 800 մարդ: Իսկ մինչ այդ հարկը գործնականում չէր աճում (24.4-ից մինչև 26%), այսինքն, պրոգրեսիվ սանդղակ չկար, նշել է Միրումյանը: Դրա համար էլ Հարկային օրենգրքով առաջարկվում է մի փոքր իջեցնել համեմատաբար ցածր աշխատավարձերի հարկերը և բարձրացնել բարձր աշխատավարձերի հարկերը: Այսպես, մինչև 120 հազար դրամ աշխատավարձի դեպքում թող վճարվի ոչ թե 24.4%, այլ 23%, 120-ից մինչև 1 մլն.դրամի դեպքում` 28%, իսկ 1 մլն. դրամից բարձր աշխատավարձի դեպքում` 33%: Ինչպես և նախկինում էր, տոկոսադրույքները թող ուժի մեջ մտնեն աճողական կարգով: Այսինքն, ամսական 1.5 մլն. դրամ ստացողը թող առաջին 120 հազարի դիմաց վճարի 23%, հաջորդ 880 հազար դրամի դիմաց` 28%, իսկ 1 մլն.դրամը գերազանցող գումարի դիմաց` 33%:
Հիշեցնենք, որ հունիսի 15-ին Հայաստանի Ազգային ժողովն առաջին ընթերցմամբ ընդունեց Հարկային օրենսգրքի նախագիծը: Ծրագիրն ընդունվեց ձայների` 68 «կողմ», 21 «դէմ» և 18 «ձեռնպահ» հարաբերակցությամբ: Օրինագծին դեմ հանդես եկան բոլոր կուսակցությունները, բացի Հայաստանի Հանրապետական կուսակցությունից: Նույնիսկ ՀՅԴ Դաշնակությունը, որը հանդիսանում է իշխող կոալիցիայի մաս, հայտարարել էր, որ համաձայն չէ նախագծի հետ: Օրենսգրքի 2-րդ ընթերցումը նախատեսվում է աշնանը:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Փաշինյանի կառավարությունը ոչ մի առնչություն չունի տնտեսական աճի հետ. Սուրեն Պարսյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը