Արմինֆո. Հունիսի 17-ին Պետերբուրգի միջազգային տնտեսական համաժողովի շրջանակներում տեղի է ունեցել ԵՏՀ Կոլեգիայի նախագահ Տիգրան Սարգսյանի աշխատանքային հանդիպումը ՙԳազպրոմ՚ ընկերության վարչության նախագահ Ալեքսեյ Միլերի հետ:
Հանդիպման ընթացքում կողմերը քննարկել են Եվասիական տնտեսական միության գազի ընդհանուր շուկայի ձևավորման հարցը: Հիշեցնենք, որ Եվրասիական տնտեսական Բարձրագույն խորհրդի (ԵՏԲԽ) նիստին, որը կայացել է մայիսի 31-ին Աստանայում, հաստատվել է Եվրասիական տնտեսական միության գազի ընդհանուր շուկայի ձևավորման հայեցակարգը:
Այդ առնչությամբ Տիգրան Սարգսյանն առաջարկել է սիստեմատիկ հանդիպումներ անցկացնել ՙԳազպրոմի՚ ներկայացուցիչների մասնակցությամբ՝ գազի ընդհանուր շուկայի ձևավորման հարցում առաջընթացի համար:
Եվրասիական տնտեսական հանձնաժողովը (ԵՏՀ) Եվրասիական տնտեսական միության մշտական գործող կարգավորող մարմինն է: Այն իր գործունեությունը սկսել է 2012 թվականի փետրվարի 2-ից: Եվրասիական տնտեսական հանձնաժողովի հիմնական կոչումը ԵԱՏՄ գործունեության և զարգացման պայմանների ապահովումն է, ինտեգրման հետագա զարգացման առաջարկների մշակումը: Ներկայումս ԵՏՀ կազմում ընդգրկված են հինգ երկրներ՝ Հայաստանի Հանրապետությունը, Բելառուսի Հանրապետությունը, Ղազախստանի Հանրապետությունը, Ղրղզստանի Հանրապետությունը և Ռուսաստանի Դաշնությունը:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |