Արմինֆո. Հայաստանում Ռուսաստանի դեսպան Իվան Վոլինկինը համարում է, որ անդամակցությունը Եվրասիական տնտեսական միությանը (ԵԱՏՄ) մեծ դիվիդենտներ է բերել Հայաստանին՝ չնայած այդ միության հասցեին այսօր հնչող սուր քննադատությանը:
«Այդ ամբողջ քննադատությունը Եվրասիական տնտեսական միության հասցեին միանգամայն անհիմն էե, - երեքշաբթի օրը «Ազատությանե հետ զրույցում հայտարարել է դեսպանը՝ հիմնավորելով. «Արդյունքներն են․ մասնավորապես, ընթացիկ տարվա առաջին ամիսներին աճել է ապրանքաշրջանառությունը Հայաստանի և Ռուսաստանի միջև, ինչպես միանշանակորեն հայտարարվեց երեկ Սանկտ Պետերբուրգում երկու նախագահների զրույցի ժամանակ՚:
Ռուսաստանի իշխանությունները բազմիցս հայտարարել են, որ արևմտյան ապրանքների փոխարեն ռուսաստանյան շուկա ավելի մեծ ծավալով ապրանքներ կներմուծվեն ԵԱՏՄ անդամ երկրներից, մասնավորապես՝ գյուղատնտեսական արտադրանք Հայաստանից:
Ի պատասխան հարցին՝ արդյոք իրականությանը համապատասխանում է տարածված կարծիքը, թե հայկական գյուղմթերքը այդպես էլ չի կարողացել լրացնել ռուսաստանյան շուկայում առաջացած բացը, Վոլինկինն ասել է․ «Միանշանակ է, որ անցյալ տարի հայկական գյուղատնտեսական արտադրանքի արտահանումը հսկայական աճ է արձանագրել: Պարզապես Հայաստանը փոքր երկիր է և չի կարող ամբողջովին գրավել ռուսաստանյան շուկանե:
Անդրադառնալով ռուս-վրացական սահմանին բեռնատարների կիլոմետրանոց հերթերին՝ դեսպանը հավաստիացրել է «Բոլորովին վերջերս որոշում է կայացվել, որ Հայաստանի համար պետք է առանձնացվի հատուկ գիծե:
Ինչ վերաբերում է Ռուսաստանը Հայաստանին կապող երկաթուղուն, որը անցնում է Աբխազիայի տարածքով, դեսպանը փոխանցել է, որ այդ ուղղությամբ որոշ աշխատանքներ ընթանում են, և Հայաստանի համար անչափ կարևոր այդ երկաթգիծը ապագայում կարող է վերաբացվել:
Սանկտ Պետերբուրգում Պուտին - Սարգսյան - Ալիև հանդիպման մասին հարցին Իվան Վոլինկինն արձագանքել է «Հանդիպումը նորմալ է անցել: Դրա վերաբերյալ բոլոր մեկնաբանությունները տվել է Սերգեյ Վիկտորովիչ Լավրովըե:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |