Արմինֆո. Տուրիստական սեզոնին ընդառաջ «Առէկսիմբանկ-Գազպրոմբանկի խումբ» ՓԲԸ-ն առաջարկում է զգալի զեղչեր պրեմիում կարգի չիպային քարտերի համար: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, «Ճամպրուկային տրամադրություն» հատուկ ակցիայի շրջանակներում հունիսի 27-ից մինչև սեպտեմբերի 30-ը ճանապարհորդական ապահովագրություն ձեռք բերող բոլոր հաճախորդներին Առէկսիմբանկն առաջարկում է պրեմիում կարգի MasterCard Gold կամ Visa Gold չիպային վճարային քարտեր` տարեկան սպասարկման վճարի 50% զեղչով և հաճախորդի կողմից նշված արժույթով (USD, EURО, RUR, AMD):
Աղբյուրի համաձայն, հանրապետության տարբեր առևտրային կետերում քարտով գնումներ կատարելիս MasterCard Maestro, MasterCard Standard, MasterCard Gold քարտապաններին (POS-տերմինալներից և e-commerce ծառայությունից օգտվող հաճախորդներին) տրամադրվում է 1% cash-back:
Ըստ ԱրմԻնֆո գործակալության` «Հայկական բանկերը քարտային բիզնեսում» վերլուծական տեղեկագրի, Առէկսիմբանկ-Գազպրոմբանկի խումբը 2016 թվականի ապրիլի 1-ի դրությամբ ունեցել է մոտ 32 հազար ակտիվ քարտ, որի մոտ 61% - ը կազմում են Visa քարտերը, իսկ ավելի քան 39% -ը`MasterCard քարտերը: Ակտիվ Visa քարտերի թվով բանկն զբաղեցնում է 9-րդ տեղը, իսկ ակտիվ MasterCard քարտերոց` 11-րդ տեղը: Տարեկան կտրվածքով մի փոքր անկում է տեղի ունեցել MasterCard քարտերով (1,5%), իսկ Visa քարտերով տեղի է ունեցել աննշան աճ (0,5%): Պլաստիկ գործարքների ծավալը 2015 թվականին կազմել է 54 մլրդ դրամ (11-րդ տեղ): Այդ թվում, 65% կամ 35 մլրդ դրամ կազմել են բանկոմատներով կատարված գործարքների ծավալը (10-րդ տեղ), տարեկան կտրվածքով աճը`6,2%: Սեփական` 286 POS- տերմինալների և 81 բանկոմատների թվով բանկն զբաղեցնում է 10-րդ տեղը: Visa և MasterCard քարտերին զուգընթաց բանկը թողարկում և սպասարկում է նաև տեղական ArCa քարտեր: Բանկի թողարկում և սպասարկում է նաև տեղական ArCa քարտերը: «Առէկսիմբանկ-Գազպրոմբանկի խումբը» Հայաստանում առաջինը դարձավ Visa քարտի սկզբունքային անդամ, թողարկելով առաջին Visa քարտերը և գործարկելով ինտերնետ-էկվայրինգի առաջին նախագիծը:
Նշենք, որ 2007 թվականի նոյեմբերին «Գազպրոմբանկ» ԲԲԸ-ն գնեց 1998 թվականին հիմնադրված հայկական Առէքսիմբանկի բաժնետոմսերի 80% -ը, 2008 թվականի հուլիսին իր մասնաբաժինը հասցնելով 94.15% -ի, իսկ 2008 թ. սեպտեմբերին Գազպրոմբանկը Ռայֆֆայզենբանկից գնեց նաև մնացած 5.85%-ը, դառնալով «Առէկսիմբանկ-Գազպրոմբանկի խումբ» ՓԲԸ 100% բաժնետերը: Ներկայումս «Գազպրոմբանկը» հանդիսանում է Ռուսաստանի երեք խոշորագույն բանկերց մեկը:
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
Արժեւորվող դրամին առնչվող դրամա. արդյո՞ք երկար կտեւի. Հայկազ Ֆանյան
Հայաստանի գնաճը սոցիալական աղետ է. տնտեսագետ