Ուրբաթ, 1 Հուլիսի 2016 13:08
Կարինա Մելիքյան

Տնտեսական ակտիվությունը Հայաստանում 2016 թ. հունվար-մայիսին աճել է 5.5%, արդյունաբերության հատվածի և ծառայությունների ոլորտի բարձր տեմպերի շնորհիվ

Տնտեսական ակտիվությունը Հայաստանում 2016 թ. հունվար-մայիսին աճել է 5.5%, արդյունաբերության հատվածի և ծառայությունների ոլորտի բարձր տեմպերի շնորհիվ

Արմինֆո. Տնտեսական ակտիվությունը Հայաստանում 2016 թվականի հունվար-մայիսին տարեկան կտրվածքով աճել է 5.5%, այդ թվում, արտահանումն աճել է 20.1%: 2015-ի մայիսին համեմատ 2016-ի մայիսին տնտեսական ակտիվությունն աճել է 5.5%, իսկ միայն մայիսին`6.6%: Մեկ տարի առաջ, 2015-ի հունվար- մայիսին 2014-ի նույն ժամանակահատվածի համեմատ, տնտեսական ակտիվությունն աճել էր 2.7%, մայիսին` 2014-ի մայիսին համեմատ`2.8%, իսկ միայն մայիսին` 7.1%: Համեմատության համար նշենք, որ 2014-ին տնտեսական ակտիվությունը հունվար- մայիսին տարեկան կտրվածքով աճել էր 4%, իսկ միայն մայիսին`8.9%:

Ըստ ՀՀ Ազգային վիճակագրական ծառայության նախնական տվյալների, տնտեսական ակտիվության աճը 2016-ի հունվար- մայիսին հիմնականում պայմանավորեցին` արդյունաբերական հատվածը – 8.8%, ծառայությունների ոլորտը – 8.6%, գյուղատնտեսության ոլորտը – 4.7%: Միևնույն ժամանակ, առևտրի ոլորտում առայժմ բացասական դինամիկա է – 0.1%, իսկ շինարարական հատվածի տարեկան անկումը կազմել է 7.9%, իսկ էներգետիկայի ոլորտի անկումը`1.9%: 

Արդյունաբերական արտադրության գների ինդեքսը 2016 թվականի հունվար-մայիսին, 2015-ի նույն ժամանակահատվածի համեմատ, նվազել է 3.1%, 2016-ի մայիսին, 2015-ի մայիսին համեմատ` 1.9%, իսկ միայն 2016-ի մայիսին աճել է 1.7%: 2015 թվականի հունվար- մայիսին, 2014-ի նույն ժամանակահատվածի համեմատ, արդյունաբերական արտադրության գների ինդեքսն աճել էր 5%, 2015-ի մայիսին, 2014-ի մայիսին համեմատ` 5.1%, իսկ միայն 2015-ի մայիսին նվազել էր 0.5%:

Ամսական կտրվածքով տնտեսական ակտիվության աճի համար վճռական խթան հանդիսացան` գյուղատնտեսական ոլորտը – 52.2% և շինարարության ոլորտը` 43.8% աճով, որոնց հաջորդում են` ծառայությունների և առևտրի ոլորտները, համապատասխանաբար կազմելով` 6% և 5.3%: Արդյունաբերական հատվածը և էներգետիկ համալիրը 2016 թվականի մայիսին աչքի ընկան, համապատասխանաբար` 3.9% և 17.5% անկումով, մինչդեռ, դրանից մեկ տարի առաջ, մայիսին, այս ոլորտներում աճը համապատասխանաբար կազմել էր` 0.5% և 4.6%:

Տարեկան կտրվածքով աճի տեմպերով առաջատարներն են`արդյունաբերական հատվածը – 9.1%, ծառայությունների ոլորտը - 5.8%, գյուղատնտեսության ոլորտը – 5.8%, առևտրի ոլորտը – 1% մլրդ.դրամ: Իսկ շինարարության և էներգետիկայի ոլորտներում արձանագրվել է բացասական դինամիկա, համապատասխանաբար կազմելով` 9% և 21.7%:

Ըստ վիճակագրական տվյալների, 2016 թվականի հունվար-մայիսին բացարձակ ծավալներով առաջատարներն են`առևտրի ոլորտը – 774.3 մլրդ դրամ ($ 1,6 մլրդ), արդյունաբերական հատվածը -533.5 մլրդ դրամ ($ 1.1 մլրդ), ծառայությունների ոլորտը -  468.1 մլրդ դրամ ($ 964.8 մլն), գյուղատնտեսությունը – 175.5 մլրդ դրամ ($ 361.03 մլն) և շինարարության ոլորտը – 90.4 մլրդ դրամ ($ 186.3 մլն): Էլեկտրաէներգիայի արտադրության ծավալը 2016-ի հունվար- մայիսին կազմել է 3097.3 մլն կՎտժամ, իսկ միայն մայիսին`530.7 մլն կՎտժամ:

Միևնույն ժամանակ, Հայաստանի արտաքին առևտրի շրջանառության ծավալը 2016 թվականի հունվար- մայիսին կազմել է 918.3 մլրդ.դրամ ($ 1892.7 մլրդ), տարեկան աճը`6.8%: Դրա կառուցվածքում արտահանման ծավալների տարեկան աճը կազմել է 20.1%, մինչև 318.6 մլրդ դրամ ($ 656.9 մլն), իսկ ներմուծման տարեկան աճը`0.9%, մինչև 599,7 մլրդ դրամ ($ 1235.8 մլն): Միայն 2016-ի մայիսին արտաքին առևտրի շրջանառությունը կրճատվել է 7.2%, մասնավորապես, արտահանումն ընկել է 9.5%, ներմուծումը`3%, իսկ 2015-ի մայիսի համեմատ արտաքին առևտրի շրջանառությունն աճել է 2.1%, հիմնականում արտահանման`8.4% աճի և ներմուծման 1.1% անկման հաշվին: Մեկ տարի առաջ, 2015-ի հունվար-մայիսին արտաքին առեւտրի շրջանառությունը նվազել էր 32,3% (միայն մայիսին`3.9%), ինչը պայմանավորված էր ներմուծման 38.2% և արտահանման`15.2%անկման հաշվին (միայն մայիսին ներմուծումը նվազել 7,6%, իսկ արտահանումը`3.1%): Համեմատության համար նշենք, որ Հայաստանի արտաքին առևտրի շրջանառությունը 2014-ի հունվար-մայիսին արձանագրել էր տարեկան 2.3% աճ, այդ թվում, արտահանման աճը կազմել էր 3,2%, իսկ ներմուծման աճը` 2%: Միայն 2014 թ. մայիսին արտաքին առեւտրի շրջանառությունը նվազել էր 5%, քանի որ արտահանման ծավալները նվազել էին 5.2%, իսկ ներմոծման ծավալները` 4,3%:

ՀՀ դրամի միջին հաշվարկային փոխարժեքը 2016 թվականի մայիսին կազմել է 478,37 դրամ/$ 1, իսկ հունվար- մայիսին`485.13 դրամ / $ 1, 2015 թվականի մայիսին` 480.25 դրամ/$ 1 – ի և 2015-ի հունվար- մայիսի`477.22 դրամ/$ 1 – ի համեմատ:


Նորություններ


Արտ. փոխարժեքները
15.01.2021
RUB7.13-0.03
USD522.53-2.92
EUR634.35-4.97
GBP712.78-4.62
CAD411.77-2.95
JPY50.41-0.12
CNY80.85-0.31
CHF588.83-3.49



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000