Հայաստանի առևտրի ոլորտում 2016 թվականի հունվար-մայիսին անկումը դանդաղել է 0.1%, ինչը պայմանավորված էր մեծածախ առևտրի աճով

Արմինֆո. 2016 թվականի հունվար-մայիսին, 2015 թվականի նույն ժամանակահատվածի համեմատ առևտրի ոլորտում ընդհանուր հասույթը  նվազել է 0.1% (նախորդ տարվա անկումը` 8,6%), մինչև 774.3 մլրդ. դրամ ($ 1.6 մլրդ): Այս միտումը պայմանավորված էր շուկայական առևտրի տեմպերի անկման դանդաղումով` 4,6% -ից մինչև 4.2%, ինչպես նաև մեծածախ առևտրի և ավտոմեքենաների առևտրի դրական տրենդերով: Մասնավորապես, հունվար-մայիսին մեծածախ առևտուրն աճել է 5.2%, մինչև 307.5 մլրդ. դրամ ($ 633,8 մլն.), նախորդ տարվա 11,3% անկման փոխարեն: Իսկ միայն մայիսին ապրանքաշրջանառությունը Հայաստանում աճել է 5.3%, մինչև 173,3 մլրդ. դրամ ($ 362.2 մլն):

Ըստ ՀՀ Ազգային վիճակագրական ծառայության տվյալների, մանրածախ առևտրի հատվածում անկումը հունվար-մայիսին դանդաղել է 4,2% (նախորդ տարվա անկումը` 6,9%), կազմելով 439.6 մլրդ. դրամ ($ 906.2 մլն): Միայն մայիսին, մանրածախ առևտրի հասույթն աճել է 6.8%, մինչև 98,2 մլրդ դրամ ($ 205,3): Դրա կառուցվածքում ամենամեծ շրջանառությունն ապահովել են խանութները (այդ թվում նաև սուպերմարկետները) - 332 մլրդ դրամ կամ 75,5% (տարեկան աճը`2,1%), մյուս առևտրի օբյեկտները` 60.4 մլրդ դրամ կամ 13,7% (տարեկան անկումը`28.6%), որին հաջորդում են սպառողական շուկաները` 29.2 մլրդ կամ 6.6% (տարեկան անկումը`4,2%), կրպակները`11 մլրդ կամ 2.5% (տարեկան անկումը` 3.4%), իսկ գյուղատնտեսական շուկաները`7 մլրդ կամ 1.7% (տարեկան աճը` 0.8%):

Ավտոմեքենաների առուվաճառքի ընդհանուր ծավալը 2016 թվականի հունվար-մայիսին 10.7% անկումը կտրուկ փոխարինել է 10,7% աճով, մինչև 27,2 մլրդ դրամ ($ 56.1 մլն): Միայն  մայիսին ավտոմեքենաների առևտրի ծավալն աճել է 26.4%, մինչև 8 մլրդ դրամ ($ 16.8 մլն):

Հայաստանի ընդհանուր առևտրաշրջանառության կառուցվածքում առյուծի բաժինը (56,8%) բաժին է ընկնում մանրածախ առևտրին, 39.7% -ը` մեծածախին և 3.5% -ը` ավտոմեքենաների առուվաճառքին:

ՀՀ դրամի միջին հաշվարկային փոխարժեքը 2016 թվականի մայիսին կազմել է 478.37 դրամ/$ 1, իսկ հունվար-մայիսին`485.13 դրամ / 1 $: