Ուրբաթ, 8 Հուլիսի 2016 17:09

Արմինֆո. Այսուհետ ՎՏԲ-Հայաստան Բանկի և ՌՈՍԳՈՍՍՏՐԱԽ ԱՐՄԵՆԻԱ ապահովագրական ընկերության հաճախորդները կարող են վարկային միջոցներով ձեռք բերել ԱՊՊԱ և ԿԱՍԿՈ ապահովագրական վկայագրեր

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, 

ՎՏԲ-Հայաստան Բանկը ՌՈՍԳՈՍՍՏՐԱԽ ԱՐՄԵՆԻԱ ապահովագրական ընկերության հետ համատեղ գործարկում են բացառիկ պրոդուկտ՝ ՌՈՍԳՈՍՍՏՐԱԽ ԱՐՄԵՆԻԱ ընկերության ԱՊՊԱ և ԿԱՍԿՈ ապահովագրական վկայագրերի վարկային միջոցներով ձեռքբերման ծրագիրը: Տվյալ վարկի ձևակերպմամբ հնարավորություն կընձեռնվի ձեռք բերել ապահովագրական վկայագրեր, ինչը կնվազեցնի հաճախորդի ֆինանսական ծանրաբեռնվածությունը:

ԱՊՊԱ և ԿԱՍԿՈ ապահովագրական վկայագրերի ձեռքբերումը և միաժամանակ վարկի ձևակերպումը հնարավոր է կատարել ինչպես ՌՈՍԳՈՍՍՏՐԱԽ ԱՐՄԵՆԻԱ գրասենյակներում, այնպես էլ ՎՏԲ-Հայաստան Բանկի մասնաճյուղերում: Վարկի ձևակերպումը կտևի ոչ ավելի քան 20 րոպե և չի պահանջի  հավելյալ փաստաթղթեր, բացի ապահովագրական վկայագրի կնքման համար անհրաժեշտ փաստաթղթերից՝ անձ հաստատող փաստաթուղթ, սոցիալական քարտի համարանիշ և տրանսպորտային միջոցի տեխնիկական անձնագիր: Վարկը տրամադրվում է 1 տարի ժամկետով:

Վարկի տրամադրման պայմանների վերաբերյալ ավելի մանրամասն տեղեկություններ կարելի է ստանալ, զանգահարելով ՎՏԲ-Հայաստան Բանկի Միասնական տեղեկատվական կենտրոն՝ 87-87 հեռախոսահամարով կամ այցելել Բանկի 67 մասնաճյուղերից մեկը:

Նշենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004 թվականի ապրիլին: Ներկայումս ռուսաստանյան խոշորագույն «ՎՏԲ Բանկ» ՀԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես գտնվում է ՀՀ բանկային համակարգի առաջատարների թվում: Ներկայումս բանկն ունի ամենալայն մասնաճյուղային ցանցը ողջ երկրում` 67 մասնաճյուղ: Բանկն առաջատարների եռյակում է սպառողական վարկերի գծով, 2016 թվականի ապրիլի 1-ի դրությամբ ապահովելով 64 մլրդ.դրամի ծավալ: Բանկի ընդհանուր վարկային պորտֆելում սպառողական վարկերը կազմում են 30%:

Հիշեցնենք, որ ՌՈՍԳՈՍՍՏՐԱԽ ԱՐՄԵՆԻԱ ապահովագրական փակ բաժնետիրական ընկերությունը հիմնադրվել է 2008 թվականի մայիսին և գործում է Հայաստանի Հանրապետության կողմից 2008 թվականի մայիսի 20-ին տրված «ոչ կյանքի ապահովագրությունե իրականացման ԱՊՈ թիվ 0009 լիցենզիայով: Ընկերությունը մտնում է ՌՈՍԳՈՍՍՏՐԱԽ Ընկերությունների Խմբի (Ռուսաստան) մեջ: Ընկերության կանոնադրական կապիտալը կազմում է 4,5 միլիարդ դրամ: ՌՈՍԳՈՍՍՏՐԱԽ ԱՐՄԵՆԻԱ ընկերությունը ներկայացված է Հայաստանի բոլոր քաղաքներում, ունի 50 գրասենյակ, այդ թվում`19 մասնաճյուղ, որից 15-ը գործում է Երևանում, իսկ 35-ըւ`Հայաստանի մարզկենտրոններում և խոշոր քաղաքաներում: 2011 թվականի դեկտեմբերին ՌՈՍԳՈՍՍՏՐԱԽ ԱՐՄԵՆԻԱ ապահովագրական ընկերությունն առաջինը Հայաստանում աշխարհահռչակ Moody International կազմակերպությունից ստացավ ISO 9001:2008 ստանդարտին համապատասխանության սերտիֆիկատ: Ընկերությունն արդեն վեց տարի անընդմեջ հանդիսանում է շուկայի առաջատարը ԱՊՊԱ հատվածում` հատուցումների գծով, առաջատարը դառնալով նաև ԿԱՍԿՈ հատվածում: 2016 թվականի հունվարի 1-ի դրությամբ ընկերությունն ԱՊՊԱ գծով իրականացրել է 3.04 մլրդ.դրամի ապահովագրական հատուցում, կսմ ԿԱՍԿՈ գծով` 300.2 մլն դրամի, իսկ ապահովագրական պրեմիաները ԱՊՊԱ գծով կազմել են 5.8 մլրդ դրամ, իսկ ԿԱՍԿՈ գհծով` 556 մլն դրամ: «Ռոսգոսստրախ Արմենիան» առաջատարն է նաև մեկ պատահարով իրականացվբած հատուցման միջին գումարով, որը 2016 թվականի առաջին եռամսյակի արդյունքներով կազմել է 212 հազար դրամ, մինչդեռ, ապահովագրական հատուցումների միջին շուկայական գումարն ԱՊՊԱ գհծով Հայստանում կազմել է 188 հազար դրամ: 2015 թվականը «Ռոսգոսստրախ-Արմենիան» եզրափակել է 1.1 մլրդ դրամ զուտ շահույթով, ամրապնդելով առաջատարի իր դիրքերը նաև այս ցուցանիշով: