Երկուշաբթի, 1 Օգոստոսի 2016 17:03

Արմինֆո. Տնտեսական ակտիվությունը Հայաստանում 2016 թվականի առաջին կիսամյակում աճել է 4.7%, իսկ արտահանումն ավելացել է 16.7%: Այս տարվա հունիսին, 2015-ի հունիսի համեմատ տնտեսական ակտիվությունն աճել է 1,9%, միայն 2016 - ի հունիսին`12,5%: Մեկ տարի առաջ, 2015 թվականի I կիսամյակում, 2014-ի նույն ժամանակահատվածի համեմատ, տնտեսական ակտիվությունն աճել էր 4,2%, հունիսին, 2014-ի հունիսի համեմատ`8.5%, իսկ միայն հունիսին`15,7%: Համեմատության համար նշենք, որ 2014 թվականի հունվար-հունիսին  տնտեսական ակտիվությունն աճել էր 3,4%, իսկ միայն հունիսի աճը կազմել էր 7,9%:

Ըստ ՀՀ Ազգային վիճակագրական ծառայության տվյալների, Հայաստանում 2016 թվականի առաջին կիսայակում տեղի ունեցած տնտեսական ակտիվության աճը հիմնականում պայմանավորեցին` արդյունաբերական ոլորտը`8,9%, ծառայությունների ոլորտը`8.3%, գյուղատնտեսության ոլորտը`3.3 %: Միևնույն ժամանակ առևտրի ոլորտը գտնվում է 0.3% բացասական դինամիկայում, իսկ անկում են արձանագրել շինարարական ոլորտը` 7.8% և էներգետիկ համալիրը`4.9%:

Արդյունաբերական արտադրանքի գների ինդեքսը 2016 թվականի առաջին կիսամյակում 2015-ի նույն ժամանակահատվածի համեմատ նվազել է 2.4%, 2016-ի հունիսին, 2015-ի հունիսի համեմատ աճել է 1,3%, իսկ միայն 2016-ի հունիսին աճել է 0,1%:

Իսկ ամսական կտրվածքով (հունիս), տնտեսական աճին վճռորոշ խթան տվեցին գյուղատնտեսական ոլորտը, համախառն արտադրության ծավալները բարձրացնելով 98.3% (2015-ի հունիսի աճը` 79,2%), շինարարության ոլորտը`21.6% (2015-ի հունիսի աճը` 21%), որոնց ավել համեստ տեմպերով հաջորդում են` առևտրի ոլորտը`15.4% (նմախորդ տարվա աճը`16.2%), արդյունաբերական հատվածը`11,4% (նախորդ տարվա աճը`10.2%), ինչպես նաև ծառայությունների ոլորտը`9% (նախորդ տարվա աճը`9,2%): Էներգետիկ համալիրում 2016 թվականի հունիսին անկումը կազմել է 4,1%, իսկ 2015-ի հունիսի անկումը` 6.3%:

Տարեկան կտրվածքով աճ է արձանագրվել միայն արդյունաբերական հատվածքում 8,9% և ծառայությունների ոլորտում `6,6%, իսկ անկում է արձանագրվել գյուղատնտեսական ոլորտում`0,2%, առևտրի ոլորտում`0 3%, շինարարության ոլորտում `7,7% և էներգետիկ համալիրում`19.9%:

Ըստ վիճակագրական տվյալների 2016 թվականի առաջին կիսամյակում բացարձակ արժեքով առջևում է առևտրի ոլորտը, 973.5 մլրդ դրամ ծավալով ($ 2 մլրդ): Երկրորդ տեղում է արդյունաբերական հատվածը`659,7 մլրդ դրամ ($ 1.4 մլրդ), երրորդն է ծառայությունների ոլորտը`583.1 մլրդ դրամ ($ 1.2 մլրդ), չորրորդ տեղում է գյուղատնտեսության ոլորտը`254.3 մլրդ դրամ ($ 525,5 մլն), հինգերորդն է շինարարության ոլորտը` 125.1 մլրդ դրամ ($ 258,5 մլն): Էլեկտրաէներգիայի արտադրության ծավալը 2016 թվականի հունվար-հունիսին կազմել է 3606.2 մլն կՎտժ, որից միայն հունիսին`508.9 մլն կՎտժ:

Միևնույն ժամանակ, Հայաստանի արտաքին առևտրի շրջանառությունը 2016 թվականի հունվար-հունիսին կազմել է 1099.3 մլրդ. դրամ ($ 2272,5 մլն), տարեկան աճը`2,7%: Դրա կառուցվածքում արտահանման ծավալների տարեկան աճը կազմել է 16,7%, մինչև 394.2 մլրդ դրամ ($ 815 մլն), իսկ ներմուծման տարեկան անկումը` 3,7%, մինչև  705.1 մլրդ. դրամ ($ 1457,5 մլն): Միայն 2016-ի հունիսին արտաքին առևտրի շրջանառությունն աճել է 4,8%,  արտահանման` 9.2% և ներմուծման` 2.3% աճի հաշվին, իսկ 2015-ի հունիսի համեմատ արտաքին առևտրի շրջանառությունը նվազել է 7,3%, ներմուիծման ծավալների 11,8% անկման և արտահանման ծավալների`1,2% աճի հաշվին: Մեկ տարի առաջ, 2015 թվականի հունվար-հունիսին արտաքին առևտրի շրջանառությունը նվազել էր 20.6% (միայն հունիսին աճելով 14.5%), ինչը պայմանավորված էր, հիմնականում ներմուծման 27.2% և  արտահանման 1.3% անկման պատճառով (միայն հունիսին ներմուծումն աճեց 11.8%, իսկ արտահանումը`19.7%): Համեմատության համար նշենք, որ 2014 թվականի հունվար-հունիսին Հայաստանի արտաքին առևտրի շրջանառությունն աճել էր 1%, քանի որ արտահանումն ավելացել էր 0.8%, իսկ ներմուծումը` 1.1%: Միայն 2014-ի հունիսին արտաքին առջտրի շրջանառույթունը կրճատվել էր 4,7%, քանի որ ներմուծման անկումը կազմել էր 9.8%, իսկ արտահանմանը` 11.1%:

ՀՀ դրամի միջին հաշվարկային փոխարժեքը 2016 թվականի հունիսին կազմել է 477.53 դրամ / $ 1, իսկ հունվար-հունիսին `483.86 դրամ / $ 1, 2015-ի հունիսի` 475.12 դրամ / $ 1 – ի և 2015-ի հունվար-հունիսի 476,87 դրամ / $ 1 – ի համեմատ: