ՎՏԲ-Հայաստան Բանկն ընդգրկվել է 2016թ.-ի առաջին կիսամյակում վճարված հարկերի ծավալով Հայաստանի առևտրային բանկերի առաջատարների ցուցակում

Արմինֆո. ՎՏԲ–Հայաստան Բանկն 2016թ.-ի 1-ին կիսամյակի տվյալներով ներառվել է Հայաստանի բանկային համակարգի առաջատարների թվում` պետական բյուջե վճարելով մոտ 2,024 մլրդ դրամ, միաժամանակ զբաեղեցնելով Հայաստանի առևտրային բանկերի ցուցակում 2-րդ և հանրապետության խոշորագույն հարկատուների ցուցակում 26-րդ տեղերը: Այդ մասին են վկայում Հայաստանի կառավարությանն առընթեր Պետական Եկամուտների Կոմիտեի  2016թ.-ի առաջին կիսամյակի արդյունքների մասին հրապարակված տվյալները:

1000 խոշոր հարկատուների ցուցակում ընդգրկվել են ՀՀ-ում գործող բոլոր առևտրային բանկերը, որոնց մասնաբաժինը կազմել է հաշվետու ժամանակաշրջանում վճարված հարկերի 5.6%-ը: Ընդհանուր առմամբ 1000 խոշորագույն հարկատուներն 2016թ.-ի առաջին կիսամյակի ընթացքում պետական բյուջե են վճարել 346,7 մլրդ դրամ:

Ընդհանուր առմամբ, Հայաստանի բանկային համակարգը 2016  թվականի առաջին կիսամյակում հարկերի գծով պետբյուջե է ուղղորդել 19.4 մլրդ դրամ, ինչը 13,7% պակաս է  մեկ տարվա վաղեմության ցուցանիշից: Այդ գումարի ավելի քան 90% կամ 17.4 մլրդ դրամ վճարվել է ուղիղ հարկերի գծով (այդ թվում շահութահարկ և եկամտահարկ)` 15%-ով  զիջելով մեկ տարվա վաղեմության ցուցանիշին: 2016 թվականի առաջին կիսամյակի արդյունքներով Հայաստանի խոշորագույն հարկատուների առաջին հարյուրյակում հայտնվել են 19 գործող բանկերից (2015 թ. առաջին կիսամյակի 15-ի դիմաց): Դրանց թվում առաջին հնգյակում են Ամերիաբանկը, ՎՏԲ–Հայաստան Բանկը, Արդշինբանկը, ACBA-Credit Agricole Bank-ը և Հայբիզնեսբանկը, որոնցից չորսն առաջին հնգյակում էին նաև մեկ տարի առաջ: 2016 թվի առաջին կիսամյակում բանկերի առաջին հնգյակը հարկերի գծով պետբյուջե է ուղղորդել 10.1 մլրդ դրամ (տարեկան անկումը 16,3%), դրանից 9.3 մլրդ դրամ ուղիղ հարկերի գծով (տարեկան անկումը 16,8%):

ԱրմԻնֆո ԼԳ պատրաստած «Հայաստանի բանկերի ֆինանսական վարկանիշի» տվյալների համաձայն, Հայաստանի բանկային համակարգի միագումար կուտակված շահույթը 2016 թվականի առաջին կիասմյակում  կազմել է 152.5 մլրդ դրամ` տարեկան կտրվածքով կրճատվելով 3,5%-ով: 2016 թվականի առաջին կիսամյակը բանկային համակարգն ավարտել է  16.65 մլրդ դրամ հաշվեկշռային շահույթով (36,2% տարեկան աճ), որը հարկերի վճարումից հետո կապահովեր 12.4 մլրդ դրամի մակարդակի զուտ շահույթ` 58,7% տարեկան աճով: Միայն երկրորդ եռամսյակում բանկային համակարգի զուտ շահույթն ավելացել է 3 անգամ` հասնելով 9.3 մլրդ դրամի: (դոլարի նկատմամբ դրամի հաշվարկային փոխարժեքը  30.06.16 դրությամբ կազմել է 476.68 դրամ/1դոլար):