Ուրբաթ, 5 Օգոստոսի 2016 20:08

Արմինֆո. Հայաստանի ՏՏ ոլորտի շուկայի տարեկան շրջանառությունը գերազանցում է 650 մլն.դոլարը: Այս մասին ԱրմԻնֆո գործակալության թղթակցի հետ զրույցում հայտարարել է ՀՀ էկոնոմիկայի փոխնախարար Էմիլ Տարասյանը: Նրա խոսքով, շուկայի տարեկան միջինացված ծավալների աճը կազմում է 17-20%: Նա նաև նշել է, որ շուկայի 70%-ն ուղղված է արտահանմանը, իսկ մնացածն ուղղվում է ներքին շուկայում օգտագործվող պրոդուկտներին:

Խոսելով շուկայի կառուցվածքի մասին, փոխնախարարն ընդգծել է, որ շուկայի հիմնական մասն ընկնում է ՎԵԲ ծրագրավորմանը, կան պատվերներ նաև լոգիստիկայի գծով: Էլեկտրոնային առևտրի ծավալները մեծ չեն ներքին շուկայի սահմանափակության պատճառով: Սակայն, աուտսորսինգի մասնաբաժինը ՏՏ ոլորտում բավականին բարձր է` շուկայի 80%-ը: Կառավարության կողմից տրամադրված արտոնությունների շնորհիվ, ինչպես ենթակառուցվածքների տրամադրման նոլորտում, այնպես էլ հարկման, Հայաստանում աուտսորսինգի գծով աշխատող բազմաթիվ ֆրիլանսերների շրջանում սկսել են ձևավորվել սթարթափների խմբեր, որոնք միավորված են ընդհանուր գաղափարով և արդյունքի հասնելու ակնկալիքներով, ինչը թույլ է տալիս էապես կարգավորել այդ հատվածը, այն մասնակիորեն այն դուրս բերել ստվերից: «Սա նոր տրենդ է շուկայում, որը հուսադրում է`անցում աուտսորսինգից դեպի սեփական պրոդուկտների նախագծերի իրականացմանը»,-ընդգծել է փոխնախարարը:

 

 Նա տեղեկացրել է, որ ՏՏ ոլորտում գրանցվել է ավելի քան 110 սթարթափ, որոնցից մոտ 100-ն արդեն ունի լիցենզիա և օգտվում է օրենսդրական արտոնություններից: «Հարկային արտոնություններից բացի, կառավարոթյունն այդ ոլորտի համար ստեղծել է բարենպաստ ներդրումային միջավայր: Դա առաջին հերթին «Ալյանս» ԱԱԳ-ն է, ինչպես նաև ԱԱՀ վճարումը 3 տարով հետաձգելու հնարավորությունը`անհրաժեշտ սարքավորումներ ներմուծելիս»: Տարասյանը տեղեկացրել է սթարթափների համար նախատեսվող օրենսդրական փոփոխությունների մասին: Նախարարությունն առաջարկել է հանել ժամանակավոր սահմանափակումները, որոնց համաձայն նախագծերի գծով հայտերի ժամկետը սահմանափակված է մինչև 2017 թվականի նոյեմբերը, իսկ արտոնյալ ժամկետը սահմանված է մինչև 2020 թվականը: «Ղեկավարվելով դրական վիճակագրությամբ և ունենալով ոլորտի զարգացման որոշակի դինամիկա, մենք կառավարությանն առաջարկեցինք հանել հայտերի ներկայացման ժամկետների սահմանափակումները և որոշեցինք արտոնյալ ժամկետը սահմանել 5 տարի, որը բավարար է ինկուբացիոն փուլի և ինովացիոն պրոդուկցիան շուկան դուրս բերելու համար»,-նշել է փոխնախարարը:

Ըստ փոխնախարարի, վատ չի աշխատում նաև 3 տարի առաջ ստեղծված «Գրանատուս» միակ վենչուրային ֆոնդը, որի 6 մլն.դոլար կապիտալը հավասարաչափ բաշխված է  կառավարության և մասնավոր ներդրողների միջև: Ֆոնդն արդեն ստորագրել է 8 պայմանագիր, 4 մլն.դոլար ընդհանուր գումարով:

Տարասյանը տեղեկացրել է, որ էկոնոմիկայի նախարարությունն այսօր աշխատում է ՏՏ ոլորտի նոր ռազմավարության վրա, քանի որ նախորդ փաստաթուղթն ընդունվել է դեռ 2008 թվականին և էապես ծերացել է: «Այն ժամանակ մենք նպատակ էինք դրել բարձրացնել ինտերնետի տարածման մակարդակը, ապահովել դրա մատչելիությունը, արագությունը, հիմնել շուկայի ենթակառուցվածքը, ստեղծել ԱԱԳ-ներ, տեխնոպարկեր: Այսօր մեր առջև ծառացել են ավելի բարդ և գլոբալ խնդիրներ – ապահովել շուկայի աստիճանաբար և դինամիկ զարգացումը պետական լուրջ նախագհծերի աջակցության միջոցով, որոնք ի վիճակի են էապես օգուտ տալ տնտեսությանը, ինչպես նաև երկրի ռազմա-արդյունաբերական համալիրին: Դա հնարավոր է ենթակառուցվածքների զարգացմանն արված էական ներդրումների միջոցով, հատոկ ուշադրություն հատկացնելով ռազմավարական ուղղություններին: Պետք է ստեղծվի միասնական հարթակ, որտեղ կհանդիպեն պատվիրատուն, պրոդուկտը և էքսպերտիզան, DARPA (Առաջակարգ պաշտպանական հետազոտական նմախագհծերի գործակալություն), կամ SBIR (Small Business Innovation Research Program) հանրահայտ սխեմաների օրինակով: Մենք հաճախ ենք խոսում ինովացիաների մասին ռազմական ոլորտում, բայց այդ նույն ինովացիաները կարելի է հաջողությամբ ներդնել նաև առօրյա կյանքում` ծառայությունների ոլորտում, արդյունաբերությունում, գյուղատնտեսությունում»,-ընդգծել է փոխնախարարը: