Չորեքշաբթի, 10 Օգոստոսի 2016 19:02

Արմինֆո. Հայաստանի ապահովագրողները 2016 թվականի I կիսամյակում իրականացրել են 6,8 մլրդ դրամի կամ $ 14.3 մլն-ի ապահովագրական հատուցում (ըստ ապահովագրողների պորտֆելների հաշվետվությունների, ՀՀ ԿԲ ստանդարտներով), տարեկան կտրվածքով աճելով 7.8%: Միևնույն ժամանակ, ապահովագրական պրեմիաներն վելացել է միայն 0.7% տարեկան,  կազմելով 16.1 մլրդ. դրամ կամ $ 33,8 մլն. Ըստ ԱրմԻնֆո գործակալության կազմած` Հայաստանի ապահովագրական ընկերությունների Ռենկինգի, տարեկան աճ են ապահովել միայն չորս ընկերություններ, իսկ ամենամեծը` «Սիլ Ինշուրանս» ընկերությունը`20,8% և «Ռոսգոսստրախ-Արմենիան»` 17,3%, իսկ տարեկան անկում են գրանցվել «ԻՆԳՈ Արմենիան»` 8% և «Արմենիա Ինշունարսը»` 3.7%:

Ըստ ապահովագրության դասերի, հատուցումների գծով ամենաբարձր տարեկան աճն ապահովվել է ֆինանսական ռիսկերի ապահովագրության գծով`մոտ 12 անգամ, գույքի ապահովագրության գծով` 3.4 անգամ (հրդեհից և բնական աղետներից) և ցամաքային տրանսպորտի օգտագործումից բխող պատասխանատվության ապահովագրության գծով` 2.2 անգամ: Հատուցումների ամենամեծ անկումն արձանագրվել է ընդհանուր պատասխանատվության ապահովագրություն գծով`85,3% և արտասահման մեկնողների ապահովագրության գծով`28.4%: ԱՊՊԱ գծով հատուցումները տարեկան կտրվածքով 16.2%-ից դանդաղել են մինչև 2,8%, իսկ ԿԱՍԿՈ գծով` 15% -ից մինչև 5.7%: Առողջության ապահովագրության գծով հատուցումները տարեկան կտրվածքով աճել են 15,4%, դժբախտ պատահարների գծով նվազել են 12,5%, բեռնափոխադրումների գծով`10.8%: Ընդհանուր առմամբ, հաշվետու ժամանակահատվածում հատուցումներ չեն գրանցվել վարկային ռիսկերի ապահովագրության գծով (լիցենզավորված է միայն Ռոսգոսստրախ-Հայաստանը), ինչպես նաև օդային տրանսպորտի և դրա օգտագործումից բխող պատասխանատվության գծով (Ռոսգոսստրախ Արմենիա և Ինգո Արմենիա):

 

Ամենամեծ ծավալով ապահովագրական հատուցումներն ավանդաբար իրականացրել է «Ռոսգոսստրախ-Արմենիան» - 2,6 մլրդ դրամ (առաջին տեղը նաև պրեմիաների ծավալով) Երկրորդ տեղում է «ԻՆԳՈ Արմենիան» - 1.5 մլրդ դրամ: TOP-3 եզրափակում է «ՍԻԼ ԻՆՇՈՒՐԱՆՍ»-ը - 971.9 մլն. դրամ: Այնուհետև հաջորդում են` «ՆԱԻՐԻ ԻՆՇՈՒՐԱՆՍԸ» - 866,5 մլն դրամ, «ՌԵՍՈ» - 551,3 մլն դրամ և «Արմենիա Ինշուրանսը» - 344,9 մլն դրամ:

Ամենամեծ ծավալով ապահովագրական հատուցումներն ավանդաբար բաժին է ընկել ԱՊՊԱ հատվածին - 57.98% կամ 3,95 մլրդ դրամ, տարեկան աճը`64.34%: Առողջության ապահովագրություն մասնաբաժինը կազմել է ընդհանուր ծավալի 25,22% -ըկամ 1.7 մլրդ դրամով: ԿԱՍԿՈ հատվածում հատուցումները կազմել են 556.6 մլն.դրամ կամ ընդհանուր ապահովագրական հատուցումների 8.17%-ը, նախորդ տարվա` 9.34% -ի փոխարեն: Ֆինանսական վնասների ապահովագրության մասնաբաժինը կազմել է 6.16% կամ 419.3 մլն դրամ, նախորդ տարվա 0.52% -ի փոխարեն: Մնացած դասերով հատուցումների ծավալները տատանվում ենբ 1.2-59.5 մլն դրամի սահմաներում, որտեղ ընդհանուր պատասխանատվության ապահովագրության մասնաբաժինը կազմել է ընդհանուր հատուցումների 0.02%-ը, նախորդ տարվա 0.13% -ի փոխարեն, իսկ առավելագույն ծավալով հատուցում,ներն արձանագրվել են գույքի ապահովագրության հատվածում` 0,9%, նախորդ տարվա` 0 3%-ի փոխարեն:

Առաջին կիսամյակում Հայաստանի ապահովագրական ընկերություններն արձանագրել են շուրջ 86 հազար ապահովագրական պատահար, որի մեծ մասը` ավելի քան 64 հազարը` առողջության ապահովագրության գծով: ԱՊՊԱ հատվածում արձանագրվել 20 150 ապահովագրական պատահար: Ցամաքային տրանսպորտի ապահովագրական հատվածում (ԿԱՍԿՈ) արձանագրվել է 1007 պատահար: Ապահովագրական շուկայում ներկայումս գործում է 2 պարտադիր ապահովագրության տեսակ`ԱՊՊԱ-ն և բյուջետային աշխատողների պարտադիր բժշկական ապահովագրությունը:

Նշենք, որ Հայաստանի ապահովագրական շուկայում ներկայումս գործում են 6 ընկերություններ, որոնք ապահովագրական աշխատում են 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: Ապահովագրական 16 դասերի լիցենզիա ունի «ԻՆԳՕ Արմենիա» ընկերությունը (միակն է, որ զբաղվում է ջրային տրանսպորտի ապահովագրութամբ, որին ըստ լիցենզավորման դասերի թվով հաջորդում է «Ռոսգոսստրախ Արմենիա»-ն` ապահովագրության 15 դաս (միակն է վարկային ռիսկերի ապահովագրության ոլորտում): (30.06.2016 դրությամբ ՀՀ դրամի հաշվարկային փոխարժեքը կազմել է  476.68 դրամ/դոլար):