Արմինֆո. 2016 թվականի առաջին կիսամյակում ՀՀ աշխատանքի և սոցիալական հարցերի նախարարության Զբաղվածության պետական գոծակալության կողմից իրականացվող աջակցության 11 ծրագրերի իրականացմանը ներգրավվել է 8468 մարդ (այդ թվում 580 հաշմանդամ), ինչը կազմում է աշխատանք փնտրող քաղաքացիների ընդհանուր թվի 8.8%-ը: Այս մասին այսօր կայացած մամուլի ասուլիսում հայտարարել է Զբաղվածության պետական գործակալության ղեկավար Արտակ Մանգասարյանը, նշելով, որ աջակցության պետական ծրագրերի շրջանակներում մասնակիցներն աշխատանքի են տեղավորվել ժամանակավոր և մշտական հիմունքներով:
Բարձր գնահատելով իրականացվող ծրագրերի արդյունավետությունը, Մանգասարյանը հաղորդել է, որ «Աշխատաշուկայում ամնրցունակ անձանց աշխատանքի տեղավորման դեպքում գործատուին աշխատավարձի մասնակի փոխհատուցման և հաշմանդամություն ունեցող անձին ուղեկցողի համար դրամական օգնության տրամադրում» ծրագրին ներգրավվալ է 235 գործազուրկ, «Գործազուրկին այլ վայրում աշխատանքի տեղավորման աջակցության տրամադրում» ծրագրին` 9 գործազուրկ քաղաքացի, «Աշխատաշուկայում անմրցունակ անձանց գործատուներին այցելության համար դրամական օգնության տրամադրում» ծրագրին` 888 անմրց ունակ անձ, «Աշխատաշուկայում անմրցունակ անձանց աշխատանքի տեղավորման դեպքում գործատուին միանվագ փոխհատուցման տրամադրում» ծրագրին`365 քաղաքացի, «Գործազուրկների և աշխատանքից ազատման ռիսկ ունեցող աշխատանք փնտրող անձանց մասնագիտական ուսուցման կազմակերպում» ծրագրին`1009 քաղաքացի: «Սեզոնային զբաղվածության խթանման միջոցով գյուղացիական տնտեսությանն աջակցության տրամադրում ծրագրին` 6016 քաղաքացի, այդ թվում` 4638-ի հետ կնքվել է պայմանագիր և տրամադրվել 290 հազար դրամի աջակցություն` հողատարածքների մ,շակման համար: Ըստ Մանգասարյանի, այս ծրագրի իրականացման արդյունքում մշակվել է 7193 հա հողատարածք: Նոր պիլոտային ծրագրի շնորհիվ աշխատանքի է տեղավորվել 165 քաղաքացի: Իսկ 5 քաղաքներում աշխատանքի տոնավաճառների կազմակերպման ծրագրի արդյունքում, որին մասնակցել են 46 ձեռնարկատերեր և 5610 աշխատանք փնտրող անձինք, կնքվել է աշխատանքի տեղավորման 131 պայմանագիր:
Մամուլի ասուլիսում Մանգասարյանը հնչեցրել է նաև վիճակագրական տվյալներ, որոնց համաձայն առաջին կիսամյակում հաջողվել է աշխատանքի տեղավորել 4757 քաղաքացիների, ինչը 4.2% ավելի է նախորդ տարվա ցոցանիշից, պարզաբանելով, որ ներկայումս երկրում կա 96.4 հազար գործազուրկ, որը կազմում է աշխատանք փնտրող քաղաքացիների ընդհանուր թվի 81.2%-ը, որտեղ կանայք կազմում են 68.6%, երիտասարդները` 24.5%, իսկ հաշմանդամները` 3.5%:
Ըստ ՀՀ Կենտրոնական բանկի նորացված կանխատեսման, 2016 թվականին Հայաստանում գործազրկության մակարդակը կկազմի 18.3%, նախկինում կանխատեսված`18.1%-ի փոխարեն, և որ այս ցուցանիշը 2017-2018 թվականներին ամեն տարի կնվազի 0.2%: Ըստ ՀՀ Ազգային վիճակագրական ծառայության տվյալների, գործազրկության մակարդակը Հայաստանում 2013-2015 թվականներին ավելացել է`16,2%-ից մինչև 18,5%, այդ թվում, 2015 թվականին կազմել է 18,5%, 2014-ին`17.6% և 2013-ին`16.2 %: