Երեթշաբթի, 23 Օգոստոսի 2016 19:24
Կարինա Մելիքյան

ՀՀ ԿԲ կանխատեսում. Առաջիկա երեք տարիներին ԱՊՊԱ գծով վնասաբերությունը 50% տոկոսից կաճի մինչև 55 տոկոս

ՀՀ ԿԲ կանխատեսում. Առաջիկա երեք տարիներին ԱՊՊԱ գծով վնասաբերությունը 50% տոկոսից կաճի մինչև 55 տոկոս

Արմինֆո. Հայաստանի ապահովագրական ընկերությունների ապահովագրական պրեմիաները 2016-2018 թվականներին կաճեն 19,9%, իսկ դրանց մասնաբաժինը ՀՆԱ-ի կառուցվածքում կհասնի 0.59%-ի (զարգացող երկրներում այն կազմում է 1.35%, իսկ զարգացած երկրներում`3.51%): Բնակչության մեկ շնչին ընկնող ապահովագրավճարը 2017 թվականի վերջում կկազմի 12 247 դրամ ($ 26, զարգացող երկրներում`$ 67 , իսկ զարգացած երկրներում`$ 1577):

Ըստ ՀՀ Կենտրոնական բանկի`«Ապահովագրական համակարգի 2016-2018 թվականների զարգացման հեռանկարները» կանխատեսման պաշտոնական փաստաթղթի,  ապահովագրական պրեմիաների ծավալներում կշարունակի է գերակշռել ԱՊՊԱ-ն`55.7%, որից բավականին ետ կմնան` բժշկական ապահովագրությունը`15,9%, գույքի ապահովագրությունը հրդեհից և բնական աղետներից`9.4%, ԿԱՍԿՈ-ն`7.6%:

Ապահովագրական հատուցումները 2016-2018 թվականներին մեկ տարում կավելանան 7,8%, իսկ վերաապահովագրմանն ուղղվող գումարը կնվազի տարեկան 4.4%, իսկ վերջինիս մասնաբաժինն ապահովագրական հատուցումներում կնվազի 6,6%, մինչև 4.6%: Հատուցումների կառուցվածքում առյուծի բաժինը կկազմեն ԱՊՊԱ-ն - 62.9% (2015-ին` 68%) և առողջության ապահովագրությունը - 23.5% (2015-ին` 24%), իսկ ԿԱՍԿՈ-ի մասնաբաժինը կկազմի 7,6% (2015-ին `7,9%):

ԱՊՊԱ գծով վնասաբերությունը 2016-2018 թվականներին կավելանա 4 տոկոսային կետով, և կտատանվի 54-55% միջակայքում, բժշկական ապահովագրության գծով կավելանա 3 տոկոսայիօն կետով, մինչև 70%, ԿԱՍԿՈ գծով կնվազի 1,5 տոկոսային կետով, մինչև 43,9%, իսկ հրդեհից և բնական աղետներից գույքի ապահովագրության գհծով կավելանա 5 տոկոսային կետով, մինչև 12%:

Ապահովագրական ընկերությունների ակտիվները 2016-2018 թվականներին տարեկան միջինը հաշվով կաճի 6,3%: Դրանց կառուցվածքում ավանդների մասնաբաժինը բանկերում 2016-2018 թվականներին  կաճեն 35,8% -ից մինչև 37.9%, ներդրումներն արժեթղթերում կմնան գրեթե անփոփոխ`19% - ից մինչև 18,8%:

Այն ապահովագրական ընկերությունների պարտավորությունները 2016-2018 թվականներին տարեկան միջին հաշվով կաճեն 4,2%, որտեղ առյուծի բաժինը կկազմեն տեխնիկական պահուստները`77%, 2015-ի`71% -ի փոխարեն: Ներգրավված փոխառությունների մասնաբաժինը երեք տարում կնվազի 8,4% -ից մինչև 5,9%, իսկ ապահովագրական պրեմիաներում վերաապահովագրության մասնաբաժինը կավելանա 4,8% -ից մինչև 5,4%: Ընդ որում, վերջիններիս բացարձակ արժեքը տարեկան միջինհաշվով կաճի 1,4%, և դրանց մասնաբաժինն ապահովագրական ընդհանուր պրեմիաներում կկրճատվի 1.8 տոկոսային կետով, մինչև 11.1%:

Ապահովագրական ընկերությունների ընդհանուր կապիտալը 2016-2018 թվականներին տարեկան միջին հաշվով կաճի 9.3%, ինչը հիմնականում պայմանավորված կլինի չբաշխված շահույթի աճով: Կանոնադրական կապիտալի մասնաբաժինն ընդհանուր կապիտալում երեք տարում կնվազի 87%, մինչև 66.6%, իսկ շահույթի մասնաբաժինը կավելանա 6% -ից մինչև 27.6%: Ապահովագրական ընկերությունը դիվիդենտների վճարելուն կնախընտրեն կապիտալիզացիան: Կապիտալի համարժեքության նորմատիվը 2016-2018 թվականներին կաճի ավելի քան 23,1 տոկոսային կետով, մինչև 192.6% (պահանջվող նորմատիվը`100%), ինչն իր հերթին պայմանավորված է նորմատիվային ընդհանուր կապիտալի զգալի աճով: 2016-2018 թվականներին Հայաստանի ապահովագրական ընկերություններն ակնկալում են շահութաբերության աճ, մասնավորապես, շահույթի մեծությունը երեք տարիներին կկրկնապատկվի: Ակտիվների շահութաբերության (ROA) և կապիտալի եկամտաբերության (ROE) նորմատիվները 2018 թվականի վերջին համապատասխանաբար կկազմեն`6% և 13%, 2015 թվականի 3,3%-ի և 8,6% -ի փոխարեն:

Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, 2016 թվականի հուլիսի 1-ին ապահովագրական պրեմիաների ընդհանուր ծավալը կազմել է 15.8 մլրդ դրամ, իսկ ապահովագրական հատուցումների ընդհանուր գումարը` 6.2 մլրդ.դրամ (ըստ IFRS ստանդարտների): Արդյունքում, ապահովագրական համակարգը 2016-ի I կիսամյակը եզրափակել է 2,6 մլրդ դրամ զուտ շահույթով: Իսկ ըստ ապահովագրական ընկերությունների պխորտֆելների հաշվետվությունների (ՀՀ ԿԲ ստանդարտներով), ապահովագրական պրեմիաները կազմել են 16.1 մլրդ դրամ, իսկ հատուցումները`6.8 մլրդ դրամ: Ապահովագրական պրեմիաների կառուցվածքում խոշորագույն մասնաբաժինը պատկանում է ԱՊՊԱ հատվածին`58.3% և բժշկական ապահովագրությանը`19.1%: Իսկ հատուցումների գծով առյուծի բաժինը նույնպես պատկանում է ԱՊՊԱ-ին`57.98%, իսկ բժշկական ապահովագրության մասնաբաժինը կազմել է 25,22%:

Նշենք, որ Հայաստանի ապահովագրական շուկայում ներկայումս գործում են 6 ընկերություններ, որոնք աշխատում են ապահովագրական 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: (ՀՀ դրամի հաշվարկային փոխարժեքը 30.06.2016-ին կազմել է 476.68 դրամ/դոլար):


Նորություններ


Արտ. փոխարժեքները
25.01.2021
RUB6.88-0.07
USD518.36-0.08
EUR629.39-1.71
GBP708.600.26
CAD407.68-0.64
JPY49.94-0.07
CNY79.97-0.26
CHF584.07-1.80



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000