Արմինֆո. Օգոստոսի 31-ին ՎՍՀ-ում ՀՀ դեսպան Ռաիսա Վարդանյանը հանդիպում ունեցավ Վիետնամի նախագահ Չան Դայ Կուանի հետ:
Ինչպես ԱրմԻնֆո գործակալությանը տեղեկացվել է ՀՀ ԱԳՆ մամուլի ծառայությունից,
զրույցի ընթացքում կողմերը քննարկեցին հայ-վիետնամական օրակարգին առնչվող հարցեր և տարբեր ոլորտներում հարաբերությունների զարգացման հեռանկարները:
Դեսպան Վարդանյանը Վիետնամի նախագահին փոխանցեց ՀՀ Նախագահ Սերժ Սարգսյանի շնորհավորական ուղերձը` երկրի անկախության տոնի առթիվ:
Ռաիսա Վարդանյանը նաև հանդիպում ունեցավ Վիետնամի վարչապետ Նգույեն Սուան Ֆուկի հետ:
Վարչապետ Նգույեն Սուան Ֆուկը վերահաստատեց Վիետնամի կառավարության պատրաստակամությունը խորացնելու և ընդլայնելու բարեկամ Հայաստանի հետ հարաբերություններն առևտրատնտեսական, ֆինանսական, ներդրումային, կրթական, մշակույթի և այլ ոլորտներում: Այս համատեքստում կարևորվեցին երկկողմ փոխգործակցության զարգացմանն ուղղված ձեռնարկվող քայլերը:
