Արդյունաբերական արտադրության ծավալը Հայաստանում աճել է վերամշակման ոլորտի դինամիկայի բարելավման հաշվին

Արմինֆո. Արդյունաբերական արտադրության ծավալը Հայաստանում 2016 թվականի հունվար-հուլիսին նախորդ տարվա նույն ժամանակահատվածի համեմատ աճել է 7.9% (նախորդ տարվա աճը`4.1%), մինչև 777.4 մլրդ.դրամ ($ 1.6 մլրդ): Դինամիկայի արագացմանը հիմնական ավանդն են ներդրել լեռնահումքային ոլորտը և վերամշակման արդյունաբերությունը: Ըստ ՀՀ Ազգային վիճակագրական ծառայության տվյալների, Հայաստանում միայն 2016-ի հուլիսին արդյունաբերական արտադրության ծավալը նվազել է 6.2% (2015-ի հունիսի անկումը` 2.6%), ապահովելով 117.7 մլրդ.դրամի ծավալ:

2016-ի հունվար-հուլիսին, 2015-ի նույն ժամանակահատվածի համեմատ, հանքարդյունաբերության և բաց հանքավայրերի շահագործման ոլորտում արձանագրվել է 19% աճ, մինչև 144.3 մլրդ դրամ (նախորդ տարվա աճը`34.4%): Իսկ միայն հուլիսին լեռնահումքային ոլորտն արձանագրել է 22.1 մլրդ.դրամի ծավալ, տարեկան աճը` 20.6%: Վերամշակող արդյունաբերության ծավալը հունվար-հուլիսին աճել է 3.5% (նախորդ տարվա անկումը`3.1%), մինչև 469.01 մլրդ դրամ, որից 74.5 մլրդ.դրամը հուլիսին:

Ընդ որում, հունվար-հուլիսին վերամշակող արդյունաբերության ոլորտում  ծավալների զգալի աճ է արձանագրվել ոսկերչությունում - 80.8% (նախորդ տարվա աճը` 41.9%),

կահույքի արտադրությունում – 42.8% (նախորդ տարվա աճը`25.6%), հագուստի արտադրության ոլորտում – 32.7% (նախորդ տարվա աճը`2.4%), ծխախոտի արտադրության ոլորտում – 13.6% (նախորդ տարվա աճը`52.1%), համակարգիչների, էլեկտրոնային և օպտիկական սարքավորումների ոլորտում – 12.9% (նախորդ տարվա անկումը`4.1%), մեքենաների ու սարքավորումների ոլորտում – 10.4% (նախորդ տարվա աճը` 4%), հյութերի արտադրությունում – 8.2% (նախորդ տարվա անկումը`22.1%), սննդամթերքի ոլորտում – 6.4% (նախորդ տարվա անկումը` 9.6%): Իսկ տարեկան էական անկում է արձանագրվել պատրաստի մետաղական արտադրանքի ոլորտում -17.5% (նախորդ տարվա անկումը`15.8%), հիմնական մետաղների ոլորտում – 10.7% (նախորդ տարվա անկումը` 10.8%) և տեքստիլ արդյւոնաբերության ոլորտում – 7.3% (նախորդ տարա անկումը`13.1%): Վերամշակման ոլորտում արտադրության ծավալներով առաջատարներն են`սննդի արտադրությունը (162.4 մլրդ. դրամ), հիմնական մետաղների արտադրությունը (81 մլրդ.դրամ), ծխախոտի արտադրությունը (66.3 մլրդ դրամ), հյութերի արտադրությունը (57.1 մլրդ.դրամ) և ոսկերչությունը (18.8 մլրդ.դրամ):

Էլեկտրաէներգիայի, գազի, գոլորշու և լավորակ օդի մատակարարումը 2016-ի հունվար-հուլիսին ավելացել է 12.3% (նախորդ տարվա աճը`2.8%), մինչև 151.7 մլրդ դրամ: Ընդ որում, միայն հուլիսի աճը կազմել է 8.1%, մինչև 19.3 մլրդ դրամ: Ընդ որում,  էլեկտրաէներգիայի արտադրությունը, փոխանցումը և բաշխումը 2016-ի հունվար-հուլիսին ավելացել է 16.6% մինչդեռ գազի արտադրության և գազային վառելիքի համակարգի միջոցով գազի մատակարարման ծավալը կրճատվել է 4.5%

Եկամուտները ջրամատակարարունից, թափոնների մաքրումից և վերամշակումից, ինչպես նաև երկրորդային հումքի արտադրությունից, հունվար-հուլիսին աճել են 7.1% (նախորդ տարվա աճը` 10.2%), մինչև 12.5 մլրդ դրամ, միայն հուլիսի աճը`3.6%, մինչև 1.9 մլրդ. դրամ: Ընդ որում, այդ հատվածի աճը հիմնականում պայմանավորված էր ջրի հավաքման, մշակման և բաշխման աշխատանքներով – 21.8%, իսկ միայն հուլիսի անկումը`0.1%:

Հիշեցնենք, որ Հայաստանում արդյունաբերական արտադրանքի ծավալի աճը 2015 թ. արագացրել է`2,7% -ից մինչև 5,2%, կազմելով 1.3 տրլն. դրամ ($ 2.8 մլրդ): Ընդ որում, արդյունաբերական հատվածի վերընթաց տրենդը հիմնականում ապահովում էր հանքահումքային արդյունաբերության հաշվին (2015-ին` 87,8%, 2014-ին`2,5%), մինչդեռ վերամ,շակող արդյունաբերության տրանդը 2014-ի 10% աճից հետո 2015-ին արձանագրել է 7,6% անկում:

ՀՀ դրամի միջին փոխարժեքը ԱՄՆ դոլարի նկատմամբ 2016 թվականի հունիսին կազմել է 476.52 դրամ/դոլար, իսկ հունվար-հուլիս ամիսներին`482.81 դրամ/դոլար: