ՎՏԲ-Հայաստան Բանկ. Beeline – ի հետ համատեղ քարտի թողարկումը ևս մեկ քայլ է վարկային գծի ձևակերպման գործընթացի հեշտացմանն ընդառաջ

Արմինֆո. "ՎՏԲ-Հայաստան Բանկ" ՓԲԸ-ն և Beeline-ը գործարկում են նոր համատեղ քարտ, որը կարագացնի ու կպարզեցնի վարկային գիծ ստանալու գործընթացը:

Ինչպես ԱրմԻնֆո-ին հաղորդեցին բանկի մամուլի ծառակությունից, համագործակցության շրջանակներում Beeline հավատարիմ բաժանորդները հնարավորություն են ստանում ձևակերպել "ՎՏԲ-Հայաստան Բանկ" ՓԲԸ վարկային քարտ առավել պարզեցված ընթացակարգով:
Համատեղ քարտի առավելություններ են՝ պարզեցված ընթացակարգով քարտին վարկային գիծ ստանալու հնարավորությունը և վարկային գծի մարման արտոնյալ ժամանակահատված (մինչև 45 օր):
"Մեր նշանաբանն է՝ ծառայությունների պարզությունն ու հարմարավետությունը, և Beeline-ը ուրախ կլինի ընդլայնել դրա կիրառման սահմանները: ՎՏԲ-Հայաստան Բանկի հետ գործընկերության շնորհիվ մենք չենք սահմանափակվի սեփական պրոդուկտներով ու ծառայություններով, այլ նաև մեր հավատարիմ հաճախորդներին բացառիկ հնարավորություններ ստանալ ավանդական բանկային ծառայությունները զգալիորեն ավելի արագ, հեշտ ու հարմարավետ", - ասել է Հայաստանում Beeline-ի Գլխավոր տնօրեն Անդրեյ Պյատախինը: 
"Մենք ուրախ ենք համագործակցել Beeline-ի հետ և համոզված ենք, որ մեր տեխնոլոգիական և ֆինանսական հնարավորությունները թույլ կտան գործընկերոջ բաժանորդներին մասնակցել ծրագրին ավելի շահավետ պայմաններով: Beeline – ի հետ համատեղ քարտի թողարկումը ևս մեկ քայլ է վարկային գծի ձևակերպման գործընթացի հեշտացմանն ընդառաջ, որը տնտեսում է մեր հաճախորդների ժամանակը և ռեսուրսները”, - նշել է "ՎՏԲ-Հայաստան Բանկ" ՓԲԸ Գլխավոր տնօրեն-տնօրինության նախագահ Յուրի Գուսևը: 
ՎՏԲ-Հայաստան Բանկի և Beeline-ի համատեղ քարտ կարող են ստանալ լավ վարկային պատմություն ունեցող Beeline հավատարիմ բաժանորդները: Նախագծում մասնակցության մասին SMS ստանալուց հետո անհրաժեշտ է դիմել ՎՏԲ-Հայաստան Բանկի ցանկացած մասնաճյուղ՝ քարտի ձևակերպման համար: Անհրաժեշտ է ունենալ  միայն անձը հաստատող փաստաթուղթ և հանրային ծառայությունների համարանիշ / սոցիալական քարտ (կամ տեղեկանք դրա բացակայության մասին):
Լրացուցիչ տեղեկություններ կարելի է ստանալ՝այցելելով ՎՏԲ-Հայաստան Բանկի ցանկացած մասնաճյուղ կամ զանգահարելով Բանկի Միասնական տեղեկատու ծառայություն՝ 87-87 հեռախոսահամարով:

ԱրմԻնֆո ԼԳ պատրաստած «Հայկական բանկերը քարտային բիզնեսում» վերլուծական տեղեկատուի տվյալներով, ՎՏԲ-Հայաստան Բանկը ամրագրել է առաջատարի դիրքն ըստ ակտիվ քարտերի թվի` 2016թ. ապրիլի 1-ի դրությամբ շուրջ 497 հազար քարտ, տարեկան 24% աճով, ընդ որում միայն MasterCard-ի գծով ապահովվել է 5 անգամ աճ: 2013թ. դառնալով MasterCard  անդամ` բանկն առ այսօր կտրուկ թռիչք է գործել այդ քարտերի գծով առաջատար եռյակում` ավելի քան 78 հազար հատ, այդ ցուցանիշի գծով նույնպես հավակնում է առաջատարության: Բանկն առաջին տեղում է նաև պլաստիկ քարտերով գործարքների ծավալով` 2015 թվին ավելի քան 210 մլրդ դրամ` տարեկան 13% աճ: 2016թ. հունվարի 1-ի դրությամբ բանկն ուներ 345 սեփական POS-տերմինալ և 157 բանկոմատ: Մինչև  2013թ. ՎՏԲ-Հայաստան Բանկը թողարկում և սպասարկում էր միայն VISA միջազգային քարտեր, ինչից հետո նույն տարվա սեպտեմբերից դառնալով MasterCard Worldwide միջազգային վճարային համակարգի լիիրավ անդամ,  ձեռնամուխ եղավ Cirrus/Maestro, MasterCard Standard և MasterCard Gold քարտերի թողարկմանն ու սպասարկմանը: Դրանից զատ բանկը սպասարկում է նաև ArCa լոկալ քարտեր: Բանկն ունի սեփական պրոոցեսինգ: ՎՏԲ-Հայաստան Բանկը VISA International և MasterCard Worldwide միջազգային վճարային համակարգերի լիիրավ անդամ է:

Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ոչ միայն մայրաքաղաքում, այլև երկրի մարզերում: