Արմինֆո. «Հայաստանի էլեկտրական ցանցեր» ՓԲԸ մտադիր է առաջիկա տարիներին հասնել կորուստների 9% մակարդակի: Սեպտեմբերի 14-ին լրագրողների հետ հանդիպմանն այդ մասին հայտարարել է ընկերության գլխավոր տնօրեն Կարեն Հարությունյանը:
Նրա ասելով, 2016 թվականի հունվար-օգոստոս ամիներին ՀԷՑ կորուստները կազմել են շուրջ 10%: «Իհրակե, տարեվերջին այդ ցուցանիշը փոքր-ինչ կաճի, քանի որ նոյեմբեր-դեկտեմբեր ամիսներին ընկերությունն անխուսափելիորեն տեխնոլոգիական կորուրստներ կունենա: Սակայն արդյունքում` ընկերությունը ոչ միայն կտեղավորվի ՀԾԿՀ սահմանած ցուցանիշում, այլև, նույնիսկ, հնարավոր է, տարին ավարտի կորուստների ավելի ցածր մակարդակով», - նշել է գլխավոր տնօրենը, հիշեցնելով, որ ավելի վաղ կարգավորողն` ի դեմս ՀԾԿՀ, սահմանել էր կորուրստների 11,02% մակարդակ:
Փուլ առ փուլ ներդնելով ASKO համակարգ, շահունակել է Կ.Հարությունյանը, կկրճատվեն նաև աշխատավարձի ծախսերը, քանի որ էլեկտրիկների անհրաժեշտությունը վերանում է: Դրանց կփոխարինեն օպերատորները հաճախորդների սպասարկման կենտրոններում: Նորագույն տեխնոլոգիաների ներդրման շնորհիվ ընկերության աշխատակիցների թիվը կկրճատվի 8000-ից մինչև 7100: Ընդ որում, կրճատման տակ ընկած անձինք, ելնելով սեփականատիրոջ սոցիալական քաղաքականությունից, կամ կտեղափոխվեն ընկերության այլ տեղամասեր, կամ նրանց մինչև հոկտեմբերի 1-ը տրամադրվում է այլ աշխատանքի անցնելու համար ադապտացման իրավունք: Եվ կրճատումները կշարունակվեն: Ներկայում ամեն բան արվում է կորուստները կրճատելու և բաժանորդների սպասարկման որակը բարձրացնելու համար, ինչը, վերջնական արդյունքում, կհանգեցնի նաև սակագնային մարժայի կրճատման:
Գլխավոր տնօրենն ընդգծել է, որ ՀԷՑ-ը երբեք հանդես չի գա որպես սակագների բարձրացման նախաձեռնող: «Մեր ներդրումային ծրագիրը նպատակաուղղված է սպառողների համար լրացուցիչ բեռի բացառմանը:», - ընդգծել է Կ.Հարությունյանը, հիշեցնելով, որ մինչև 2020 թիվը 100 մլրդ դրամ արժողությամբ ծրագիրը նպատակաուղղված է ինչպես սակագների, այնպես էլ կորուրստների կրճատմանը: Ընդ որում, ինչպես և բուն ներդրումները, այնպես ՀԱԷԿ առաջիկա կանգնեցում պլանային-նախազգուշական վերանորոգման ոչ մի կերպ չեն անդրադառնա սպառողների համար վերջնական սակագնի վրա: «Մեր ներդրումային ծրագիրը մշակվել է ելնելով տարբեր հանգամանքներից, որոնք հաշվի են առնում մաև այդ երկու գործոնները», - ընդգծել է գլխավոր տնօրենը, հիշեցնելով, միևնույն ժամանակ, որ նոր սակագների սահմանման առանձնաշնորհը կարգավորողինն է: «Ամեն դեպքում, ամեն ինչ արվում է սակագնի աճ թույլ չտալու համար», - նշել է Կ.Հարությունյանը: 100 մլրդ դրամ ներդրումային միջոցներից 41,1 մլրդ դրամ կուղղորդվի էլեկտրաենթակայանների վերանորոգմանը, հիմնական սարքավորման փոխարինմանը: «Խոսքը վերաբերում է աննախադեպ ներդումների, որոնց իրականացումից հետո կարելի է խոսել իրավիճակի փոքր-ինչ բարելավման մասին: Սակայն, նույնիսկ, դրանից հետո ցանցերի համակարգը դեռ հեռու կլինի կատարելությունից: Այդ առնչությամբ բանակցություններ են վարվում էներգետիկական սարքավորում արտադրող միջազգային ընկերությունների հետ` արտոնյալ պայմաններով գույքի ներգրավման շուրջ, ինչը թույլ կտա արագացնել ցանցերի արդիականացման գործընթացը», - ասել է ընկերության գլխավոր տնօրենը:
Նա նաև նշել է, որ ծրագրի իրացումը կօգնի կրճատել նոր բաժանորդների միացման ժամկետները: 2014 թվականի հունվար-օգոստոս ամիսներին կատարվել է 2300 միացում, 2015 թվականին` 1940 միացում, 2016 թվականին այդ ցուցանիշն արդեն կազմել է 3100: Ծրագրին համապատասխան, աշխատանքների զգալի մասը կիրականացվի Երևանի կենտրոնում, որը կապահովվի հզորությունների լրացուցիչ ծավալներով, ինչը պայմաններ կստեղծի մայրաքաղաքի հետագա զարգացման համար:
Խոսելով պարտքերի մասին` գլխավոր տնօրենը հաղորդել է, որ ժամկետանց դեբիտորական պարտքերի պորտֆելի 90%-ը կազմում են «Նաիրիտի» (1,4 մլրդ դրամ) և «Վանաձոր Քիմպրոմի» (1,3 մլրդ դրամ) հնադեպ պարտքերը:
Նա նաև հերքել է Ղարաբաղի էլեկտրացանցերը ձեռք բերելու հնարավորության վերաբերյալ տեղեկատվությունը: «Ընկերությունը մտադիր չէ ձեռք բերել Լեռնային Ղարաբաղի էլեկտրացանցերը: Այդ մասին տեղեկություններն իրականությանը չեն համապատասխանում», - նշել է Կ.Հարությունյանը: