Երեթշաբթի, 20 Սեպտեմբերի 2016 13:43

Արմինֆո. Սեպտեմբերի 20-ից  «ՎՏԲ-Հայաստան Բանկը» գործարկում է "ՅՈՒՆԻՍՏՐԻՄ" դրամական փոխանցումներն ուղարկելու շուրջօրյա հնարավորություն՝ Բանկի կայքի միջոցով http://vtb.am/online_transactions/:

Ինչպես ԱրմԻնֆո-ին հաղորդեցին բանկի մամուլի ծառայությունից, փոխանցումներն իրականացվում են անմիջականորեն Բանկի կայքում՝ հաճախորդների կողմից իրենց Visa կամ MasterCard վճարային քարտերի (որոնք թողարկված են ինչպես «ՎՏԲ-Հայաստան Բանկի», այնպես էլ այլ բանկերի կողմից) մնացորդների շրջանակներում:

Աղբյուրի համաձայն, փոխանցման գործընթացը տեղի է ունենում ակնթարթորեն, անվտանգ և ապահով: Ուղարկված փոխանցումները կարելի է ստանալ ցանկացած «ՅՈՒՆԻՍՏՐԻՄ» անհասցե դրամական փոխանցումների  կետում` Ռուսաստանում, ԱՊՀ և Եվրոպայի երկրներում: Բանկի կայքի միջոցով «ՅՈՒՆԻՍՏՐԻՄ» դրամական փոխանցում կատարելիս գանձվում է միջնորդավճար՝ փոխանցման 3%-ի չափով: Փոխանցումներ կարելի է ուղարկել ՌԴ ռուբլով, ԱՄՆ դոլարով և Եվրոյով, որտեղ դուրսգրումը կիրականացվի ռուսական ռուբլիով: Մեկ դրամական փոխանցման առավելագույն գումարը կազմում է 75.000 ռուսական ռուբլի (համարժեք այլ արժույթով):

Ծառայության վերաբերյալ մանրամասն տեղեկություններ կարող եք ստանալ, այցելելով ՎՏԲ-Հայաստան Բանկի կայք՝ www.vtb.am, Բանկի մասնաճյուղերում, ինչպես նաև զանգահարելով Բանկի Միասնական տեղեկատվական ծառայություն՝ 87-87 հեռախոսահամարով:

«ՎՏԲ-Հայաստան Բանկը» «Յունիստրիմ» համակարգի հետ սկսել է համագործակցել 2011 թվականից, դառնալով ՀՀ-ից դրամական փոխանցումների ուղարկման գծով առաջատարներից մեկը: Ակտիվ համատեղ միջոցառումների և ակցիաների շնորհիվ 2016 թվականին «Յունիստրիմ» համակարգով փոխանցումներն զբաղեցրել են բանկի դրամական փոխանցումների ընդհանուր ծավալի 40%-ը:

Հիշեցնենք, որ «ՎՏԲ-Հայաստան Բանկում» գործում են դրամական փոխանցումների MoneyGram, «Aversե, «Յունիստրիմե, «Արագ փոստե («Fast Emailե), «InterExpressե, «Intel Expressե, «Անելիքե, «Ria Money Transferե, «Sigue Money Transferե համակարգը, ինչն էլ, իր հերթին, երկրի բնակչությանը մատուցվող բանկային ծառայությունների ոլորտում բանկին ապահովում է բարձր մրցունակություն:

Նշենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկե ՀԲԸ հանդիսանում է «ՎՏԲ-Հայաստան Բանկե ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ: