Արմինֆո. ՀՀ Էկոնոմիկայի նախարարությունը բանակցություններ է վարում Չինաստանից ընկերությունների հետ՝ լուրջ ներդրումներ ներգրավելու նպատակով: Այդ մասին այսօր լրագրողներին հայտնել է ՀՀ էկոնոմիկայի նախարարի պաշտոնակատար Արծվիկ Մինասյանը: Այ ընկերությունների թվում Մինասյանը նշել է ՙMCC Overseas՚-ը, ՙChina National Building Materials Group Corporation՚-ը, ՙSinoma International Engineering՚-ը և այլն: Հայաստանի կառավարությունը չինացի գործընկերների հետ բանակցություններ է վարում պղնձաձուլական գործարան, ինչպես նաև ցեմենտի, ապակու և պեռլիտի արտադրության ձեռնարկություններ ստեղծելու շուրջ: ՙՉինական կողմին ներկայացվել են ներդրումային նախագծեր, և կարծում եմ, մոտ ժամանակներս կկարողանանք լուրջ ներդրումեր ներգրավել Չինաստանից՚,- նշել է Մինասյանը:
Հիշեցնենք, որ, ինչպես ընթացիկ տարվա հունիսի 6-ին Հայաստան ժամանած Չինաստանի Ժողովրդական Հանրապետության Պետական խորհրդի առաջին փոխվարչապետ Ճան Գաոլիի հետ հանդիպմանը հայտարարել էր այդ ժամանակ ՀՀ կառավարության ղեկավար Հովիկ Աբրահամյանը, Հայաստանն ու Չինաստանը վերջին տարիներին մեծ հաջողությունների են հասել տնտեսական հարաբերությունների զարգացման գործում, զգալիորեն ավելացել է երկկողմ առևտրաշրջանառությունը՝ հասնելով գրեթե կես միլիարդ դոլարի: «Վերջին շրջանում ակտիվացել են քննարկումները Հայաստանի տնտեսությունում չինական խոշորամասշտաբ ներդրումների իրականացման ուղղությամբ: Հայկական կողմը ողջունում և խրախուսում է չինական պետական և մասնավոր կապիտալի ներգրավումը Հայաստանի տնտեսության մեջ: Հայաստանը բաց է չինական ընկերությունների գործունեության համար և պատրաստ է իրականացնել համապատասխան աշխատանքներ՝ նոր և հեռանկարային ներդրումային ծրագրերի իրականացման համարե,- նշել էր Աբրահամյանը:
Հիշեցնենք, որ Սյունիքի մարզում պղնձաձուլական գործարան կառուցելու ծրագրեր Հայաստանում առաջացել են 2005-2006 թթ.: Ստեղծվել էր գրասենյակը, որը ձեռնամուխ էր եղել հստակ հաշվարկների: Այդ ժամանակ նախագծի ընդհանուր արժեքը գնահատվում էր $200-250 մլն: Գործարանի վերամշակման հզորությունը պետք է կազմեր տարեկան 60 հազար տոննա: Փորձագետների կարծիքով, նոր գործարանը թույլ կտար վերամշակել Հայաստանում ստացված ողջ խտանյութը: Նախագծի իրականացումը կարող էր վերակենդանացնել տնտեսության մեքենաշինության և հաստոցաշինության ճյուղերը: Համաշխարհային տնտեսական ճգնաժամի հետևանքով նախագիծը մոռացության մատնվեց: Ինչպես հայտնում է ռուսական մամուլը, Հայաստանից արտահանվող պղնձի խտանյութի վերաձուլման հիմնական վայրը 2000-ական թթ.
Բուլղարիան էր, որտեղ գտնվում է գերմանական «Aurubis՚ մետաղագործական կոնցեռնի պղնձաձուլական գործարանը։ Չինաստանի մասնաբաժինը 4-5 տարի առաջ համեմատաբար քիչ էր (20 տոկոսի սահմանում), սակայն վերջին տարիներին սկսել է աճել։ 2015 թվականին դադարեցվել են մատակարարումները Շվեյցարիա և Իսպանիա և փոքր-ինչ ավելացել է արտահանումը Սերբիա, որտեղ գարնանը բացվել է տարածաշրջանում խոշոր «Բոր՚ լեռնամետաղագործական համալիրը։ Նշենք, որ Չինաստանը ակտիվորեն պղնձի խտանյութ է գնում աշխարհի բոլոր երկրներից։ Ինչպես հայտնում է ScrapRegister կայքը՝ վկայակոչելով ՉԺՀ մաքսային տվյալները, 2015 թվականին պղնձի խտանյութի ներկրումը երկիր աճել է 17.75 տոկոսով՝ կազմելով 11.87 մլն տոննա։
Նշենք, որ ՀՀ պաշտոնական վիճակագրության համաձայն, Հայաստանի և Չինաստանի միջև արտաքին առևտրաշրջանառությունն ընթացիկ տարվա 7 ամիսներին կազմել է $218.8 մլն, արտահանումը կազմել է $45.3 մլն, իսկ չինական ապրանքների և ծառայությունների ներմուծումը՝ $173.5 մլն: Անցած տարվա նույն ժամանակաշրջանի համեմատ երկրների միջև առևտրաշրջանառությունը նվազել է 19,2%-ով՝ չինական ներմուծման 5,3% աճի և հայկական արտահանման 57,2% անկման պայմաններում:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը