Արմինֆո. Վարչապետ Կարեն Կարապետյանն այսօր ընդունել է չինական «AVIC Internationalե միջազգային կորպորացիայի նախագահ Լիու Ջունի գլխավորած պատվիրակությանը:
Վարչապետը ողջունել է պատվիրակության այցը Հայաստան և նշել, որ ՀՀ կառավարությունը պատրաստ է փոխշահավետ համագործակցության:
Շնորհավորելով Կարեն Կարապետյանին ՀՀ վարչապետի պաշտոնում նշանակվելու կապակցությամբ՝ Լիու Ջունը նշել է, որ «AVIC Internationalե-ը հետաքրքրված է Հայաստանում ներդրումային ծրագրեր իրականացնելու հարցում և ներկայացրել է կորպորացիայի գործունեության ուղղությունները:
Զրուցակիցները քննարկել են մի շարք, այդ թվում՝ տրանսպորտի, էներգետիկայի, ավիացիայի, գյուղատնտեսության ոլորտներում համագործակցության և համատեղ ծրագրերի հեռանկարները:
Վարչապետ Կարապետյանը ողջունել է մեր երկրի տնտեսությունում ներդրումներ կատարելու «AVIC Internationalե-ի նախաձեռնությունը և ՀՀ կառավարության անունից համագործակցությանն օժանդակելու պատրաստակամություն հայտնել: Կառավարության ղեկավարը հանձնարարականներ է տվել համապատասխան գերատեսչություններին՝ ըստ ոլորտների համատեղ ավելի առարկայական քննարկել հնարավոր ներդրումային ծրագրերը:
Հիշեցնենք, որ այսօր ՀՀ էկոնոմիկայի նախարարի պաշտոնակատար Արծվիկ Մինասյանը լրագրողներին հայտնել էր, որ իր գլխավորած գերատեսչությունը բանակցություններ է վարում Չինաստանից ընկերությունների հետ՝ լուրջ ներդրումներ ներգրավելու նպատակով: Այդ ընկերությունների թվում Մինասյանը նշել էր ՙMCC Overseas՚-ը, ՙChina National Building Materials Group Corporation՚-ը, ՙSinoma International Engineering՚-ը և այլն: Նշենք, որ ՀՀ պաշտոնական վիճակագրության համաձայն, Հայաստանի և Չինաստանի միջև արտաքին առևտրաշրջանառությունն ընթացիկ տարվա 7 ամիսներին կազմել է $218.8 մլն, արտահանումը կազմել է $45.3 մլն, իսկ չինական ապրանքների և ծառայությունների ներմուծումը՝ $173.5 մլն: Անցած տարվա նույն ժամանակաշրջանի համեմատ երկրների միջև առևտրաշրջանառությունը նվազել է 19,2%-ով՝ չինական ներմուծման 5,3% աճի և հայկական արտահանման 57,2% անկման պայմաններում:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |