Արմինֆո.
«Անելիք Բանկը» շարունակելով ընդլայնել իր կողմից տրամադրվող վարկատեսակների շրջանակը, այս անգամ իր հաճախորդներին ներկայացնելով «ԱՐԱԳ ՄԻՋՈՑՆԵՐ» նոր վարկատեսակը:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, տվյալ վարկատեսակը վերականգնվող վարկային գիծ է, ինչը հնարավորություն է տալիս հաճախորդին յուրաքանչյուր 6 ամիսը մեկ երկարաձգել վարկի ժամկետը ևս 6 ամսով, բայց ոչ ավել, քան 10 տարով: Վարկի տարեկան տոկոսադրույքը կազմում է 24%: Այս վարկատեսակից օգտվելիս, հաճախորդն, առանց եկամուտը հաստատող փաստաթղթերի ներկայացման, կարող է ընդամենը 24 ժամվա ընթացքում ստանալ 150.000 ՀՀ դրամ կանխիկ գումար:
«Անելիք Բանկի նոր վարկային պրոդուկտները ստեղծվում են մեր հաճախորդների պահանջարկների ուսումնասիրման հիման վրա: Եթե հարկավոր է շտապ գումար օրինակ` վերանորոգման, բժշկական, ճամփորդական կամ այլ ծախսերը հոգալու կամ ապրանքներ ձեռք բերելու համար, ապա «Անելիք Բանկը» կօգնի իրականացնել ձեր ծրագրերը»,- նշել է «Անելիք Բանկ» ՓԲԸ Հասարակության հետ կապերի պատասխանատու Աստղիկ Մարտիրոսյանը:
Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, 2016 թվականի մանրածախ վարկավորման գծով Անելիք Բանկը հուլիսի 1-ի դրությամբ գտնվում է լավագույն տասնյակում, այդ ուղղությամբ կենտրոնացնելով իր վարկային պորտֆելի ավելի քան 50% -ը: Բանկն արագորեն ընդլայնում է մանրածախ վարկավորման իր տեսականին, 2013 թվականին ներդնելով «Պարզ Արագ» փաթեթը, որի շրջանակներում արդեն հասցրել է գործարկել սպառողական վարկավորման մի շարք գրավիչ և մատչելի տեսակներ, պարբերաբար վերանայելով վարկավորման պայմանները դեպի ավելի մատչելիության և մեխանիզմների պարզեցման կողմը: «Պարզ Արագ» վարկային փաթեթը մեկնարկել է 2013 թվականի վերջին և 2015 թվականին Անելիք Բանկի մանրածախ վարկավորման զինանոցում արդեն կային մի շարք ներդրված և հաջողությամբ աշխատող մանրածախ վարկային պրոդուկտներ: Դրանք են` «Հարսանեկան», «Տոնական», «Արագ +», «Պարզ-Արագ», «Պարզապես-Արագ հիփոթեքային» (քարտային), «Պարզ-Արագ Էքստրա», «Պարզ-Արագ Առաջընթաց», «Տուրիստական» (զբոսաշրջային փաթեթ ձեռք բերելու համար), «Պարզ-Արագ» ՓՄՁ բիզնես-վարկերի համար պրոդուկտները, որոնց մի մասը քարտային վարկեր են: Բացի այդ, 2015 թվականին այդ փաթեթի շրջանակներում բանկը ներդրեց «Պարզ-Արագ Ունիվերսալ» քարտային վարկերը և ռեվոլվերային վարկային գիծը: Նշենք, որ Անելիք Բանկի միանձնյա սեփականտերն է լիբանանյան Credit Bank S.A.L.-ը, որը 2013 թվականի 4-րդ եռամսյակում իր մասնաբաժինը 89.95%-ից հասցրեց 100%-ի:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Փաշինյանի կառավարությունը ոչ մի առնչություն չունի տնտեսական աճի հետ. Սուրեն Պարսյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը