Արմինֆո. ԱՐԱՐԱՏԲԱՆԿԸ գերակատարեց 2017 թվականից նախատեսվող կապիտալի նորմատիվը: Ինչպես ԱրմԻնֆո գործակալությանը տեղեկացվել է ԱՐԱՐԱՏԲԱՆԿԻ լրատվական ծառայություննից, բաժնետոմսերի 8.5 մլրդ. դրամ ծավալով լրացուցիչ էմիսիայի շնորհիվ նորմատիվային կապիտալն ընթացիկ տարվա 3-րդ եռամսյակում հաջողվեց ավելացնել 38.6%, 22.007 մլրդ.դրամից մինչև 30.507 մլրդ.դրամ: Նշենք, որ 2017 թվականի հունվարի 1-ից ուժի մեջ է մտնում բանկերի ընդհանուր կապիտալի նվազագույն չափի նորմատիվը, որը պետք է կազմի առնվազն 30 մլրդ.դրամ, ներկայիս 5 մլրդ.դրամի փոխարեն:
Տեղաբաշխման ընթացքում, ինչպես ԱրմԻնֆո-ին տեղեկացրել են բանկից`առանց հստակ թվեր և անուններ նշելու, հաջողվել է ներգրավել նոր մինորիտար ֆիզիկական անձ հանդիսացող բաժնետերերի, բայց էմիսիային հիմնականում մասնակցել են նախիկին մաժորիտար բաժնետերի մի մասը: Հիշեցնենք, որ 2016 թվականի հուլիսի 1-ի դրությամբ ԱՐԱՐԱՏԲԱՆԿԻ մաժորիտար բաժնետերերն են`Հայաստանի նավթի առևտրով զբաղվող խոշորագույն «Ֆլեշ» ընկերությունը` կապիտալում 64,24% մասնակցությամբ, EBRD` 25%+1 բաժնետոմս, Rural Impulse Fund II (բելգիական Incofin Investment Management - Incofin IM կառուցվածքում է)`10%:
Բանկում տեղեկացրել են, որ էմիսիայի շրջանակներում բաժնետոմսերի տեղաբաշխումն ավարտվել է նախատեսված ժամկետից` հոկտեմբերի 26-ից 4 օր շուտ: Էմիսիայի անցկացման մասին որոշումն ընդունվել էր հունիսի 17-ին, բաժնետերերի ընդհանուր Ժողովում, մասնավորապես, տեղաբաշխման մեկնարկը նախատեսված էր հուլիսի 20-ին, իսկ ավարտը`սեպտեմբերի 30-ին:
Տեղաբաշխման արդյունքները պետք է հաստատվեն բաժնետերերի ընդհանուր Ժողովում, որից հետո Բանկի կանոնադրությունում կկատարվեն համապատասխան փոփոխություններ, հետագայում դրանք Կենտրոնական բանկում գրանցելու համար:
Ըստ ԱրմԻնֆո գործակալության` Հայաստանի բանկերի ֆինանսական վարկանիշների, ԱՐԱՐԱՏԲԱՆԿԻ նորմատիվային ընդհանուր կապիտալը 2016 թ. հուլիսի 1-ին կազմել են 22.007 մլրդ.դրամ, 24% եռամյա աճով (2013-ի առաջին կիսամյակի համեմատ): Բանկի կանոնադրական կապիտալը 2013-ից մինչև 2016-ի հուլիսի 1-ը կազմել է 8.3 մլրդ.դրամ: Վերջին անգամ, չհաշված վերը նշված համալրումը, Բանկի կանոնադրական կապիտալում հաջողվել է ներարկումներ կատարել 2012-ի վերջին, ներգրավելով նոր բաժնետիրոջ – բելգիական Incofin Investment Management (Incofin IM) միկրոֆինանսավորող կառավարող հիմնադրամին, ի դեմս Rural Impulse Fund II-ի: 2016 թվականի հուլիսի 1-ի դրությամբ ԱՐԱՐԱՏԲԱՆԿՆ ուներ 85 բաժնետեր, որոնց մեծ մասը ֆիզիկական անձինքն են: Ռեզիդենտների մասնաբաժինը կանոնադրական կապիտալում նույն օրվա դրությամբ կազմել է 65%, իսկ մնացած 35%-ը կազմում է ոչ ռեզիդենտների մասնաբաժինը, իսկ ընդ որում, իրավաբանական անձանց մասնաբաժինը կապիտալում կազմում է 99.24%, իսկ ֆիզիկական անձանց մասնաբաժինը` 0.76%:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը