Ուրբաթ, 30 Սեպտեմբերի 2016 18:19

Արմինֆո. Ռուսաստանյան «Միր» վճարային համակարգի արտասահմանյան էքսպանսիայի պլանների մասին դեռ վաղ է խոսելը: Այս մասին հայտարարել է ՎՏԲ24 Բանկի ղեկավար Միխայիլ Զադորնովը Երևանում կայացած մամուլի ասուլիսում, պատասխանելով ԱՊՀ երկրների տարածքում ռուսաստանյան «Միր» բանկային քարտերի էմիսիայի և էկվայրինգի հնարավորության վերաբերյալ ԱրմԻնֆո գործակալության թղթակցի հարցին: Բանկիրը նշել է, որ «Միր» համակարգի համար արտասահման դուրս գալը դեռ առաջնահերթություն չի հանդիսանում, գլխավորն էմիսիայի ապահովումն է, քարտերի սպասարկումը և էկվայրինգը Ռուսաստանի ներսում, բանկոմատների և խոշոր մանրածախ ցանցերի միջոցով:

Միևնույն ժամանակ, նա ընդգծել է, որ դեպի Հայաստան և Վրաստան ռուսաստանյան տուրիստական հոսքերն սկսել են մեծանալ, հետևաբար, բանկը կքննարկի այդ երկրներում «Միր» համակարգի քարտապանների սպասարկման հնարավորության հարցը:

Նա տեղեկացրել է, որ ընթացիկ տարվա հոկտեմբերից ՎՏԲ բանկոմատների ցանցը Ռուսաստանի տարածքում կընդունի «Միր» քարտերը, իսկ մինչ այդ ինտենսիվ աշխատտանքներ են ընթանում ծրագրային ապահովման տեղադրման և Ռուսաստանի խոշորագույն առևտրի ցանցերում անհրաժեշտ ենթակառուցվածքների ստեղծման ուղղությամբ, մասնավորապես, ՎՏԲ գործընկերների մոտ, այդ թվում`«Մագնիտ», Metro և «Լենտա» ցանցերում, ապահովելով այդ քարտերի էկվայրինգի 70%-ը: Ընդհանւորպես, բանկիրը նշել է, որ «Միր» քարտերն առայժմ նախատեսված չեն Ռուսաստանի սահմաններից դուրս թողարկման համար:

ՎՏԲ24-ի ղեկավարը նշել է, որ ՎՏԲ Խումբը հետագայում էլ կաշխատի միջազգային վճարային համակարգերի շրջանակներում ծառայությունների և քարտերի հնարավորությունների ընդլայնման ուղղությամբ: Ներկայումս ՎՏԲ-Հայաստան Բանկի քարտերն արդեն սպասարկվում են Խմբի բոլոր բանկոմատներում, առանց միջնորդավճարի, ՎՏԲ միասնական պրոցեսինգի շրջանակներում, ինչը շատ հարմար է Խմբի հաճախորդների համար: «Շատ կարևոր է «ՎՏԲ-Հայաստան Բանկի» քարտապաններին թույլ տալ օգտվել բազմաթիվ ծառայություններից Ռուսաստանի տարածքում, և հակառակը, քրոս-սահմանային հնարավորություններ ապահովելով հաճախորդների համար: Մենք կընդլայնենք քարտային ծառայությունների և պրոդուկտների շարքը, կախված մեր հաճախորդների ցանկություններից»,-ընդգծել է բանկիրը:

Նա տեղեկացրել է, որ ներկայումս ՎՏԲ Բանկն ապահովում է Ռուսաստանի քարտային շուկայի 15%-ը, իսկ Խմբի գործընկերների հետ միասին`17-18%-ը: Այս ցուցանիշները մոտ են այն մասնաբաժնին, որն ապահովում է ՎՏԲ-Հայաստան Բանկը տեղական շուկայում:

Նշենք, որ ըստԱրմԻնֆո գործակալության` «Հայաստանի բանկերը քարտային բիզնեսում» վերլուծական տեղեկագրի, ՎՏԲ-Հայաստան Բանկը հանդիսանում է պլաստիկ շուկայի առաջատարը, ինչպես քարտերի քանակով, այնպես էլ գործարքների ծավալներով: 2016 թվականի ապրիլի 1-ի դրությամբ բանկն ունեցել է 496,6 հազար ակտիվ քարտ, իսկ գործարքների ընդհանուր ծավալը 2015-ին գերազանցել է 210.3 մլրդ դրամը: Բանկը պլաստիկ շուկայի առաջատարն է ոչ միայն քարտերի ընդհանուր քանակով, այլ նաև Visa քարտերով - ավելի քան 418.2 հազար, իսկ MasterCard քարտերով գտնվում է առաջատարների եռյակում - 78.3 հազար քարտ: 2016 թվականի առաջին եռամասյակում տեղի ունեցած` ակտիվ MasterCard քարտերի 5 անգամյա կտրուկ աճի, Visa քարտերի 8% աճի հաշվին բանկի ակտիվ քարտերի ընդհանուր քանակն աճեց 23.8%: Արդյունքում, քարտերով գործարքների ընդհանուր ծավալն աճեց 12.8%, հիմնականում բանկոմատներով գործարքների հաշվին` 21.3%: Իր հիմնական ցուցանիշներով Բանկն ավանդաբար գտնվում է Հայաստանի բանկային համակարգի առաջատարների շարքում:

Նշենք, որ հունիսի 3-ին Երևանում ստորագրվել է «Armenian Card» ՓԲԸ և «ՎՔԱՀ» ԲԸ (НСПК, ռուսաստանյան «Мир» վճարային համակարգի օպերատոր) միջև մտադրությունների մասին համաձայնագիրը: Կողմերը պայմանավորվել են ապահովել «ArCa»a և «Мир» վճարային քարտերի փոխադարձ սպասարկումը իրենց մասնակիցների վճարային ենթակառուցվածքներում: Ինչպես նշել է ՎՔԱՀ վարչության նախագահ Վլադիմիր Կոմլևը, համաձայնագրի ընդլայնման հարցով աշխատանքներ են ընթանում Բելառուսի «Արմենիան քարդ» համակարգի հետ: «Հայկական վճարային համակարգի հետ հարցն արդեն գտնվում է գործնական հարթությունում: Իսկ մնացած երկրների վճարային համակարգերի հետ պատրաստվում ենք քննարկմումներին, իսկ հետագայում` ճանապարհային քարտերի ստեղծմանը»,-պարզաբանել է ՎՔԱՀ ներկայացուցիչը: 2016 թվականի նոյեմբերին ՎՔԱՀ-ը նախատեսում է հանդիպումներ անցկացնել ԵԱՏՄ երկրների ազգային վճարային համակարգերի և ազգային բանկերի ներկայացուցիչների հետ: «Անհրաժեշտ է ավարտին հասցնել իրավաբանական և պայմանագրային հարցերը, որպեսզի փոխկապակցվեն բոլոր շահերը: Յուրաքանչյուր վճարային համակարգ ունի իր սեփական սակագնային քաղաքականությունը: Եթե մենք խոսում ենք համակարգերի ինտեգրման մասին, ուրեմն պետք է լինի միասնական սակագնային քաղաքականություն»,-պատմել էր Կոմլևը: