Արմինֆո. ՎՏԲ-Հայաստան Բանկի հաճախորդների թիվը, որոնք սպառողական և լոմբարդային վարկեր ստանալիս ձևակերպել են դժբախտ պատահարներից ապահովագրություն, երկու անգամ ավելացել է: Այս մասին ԱրմԻնֆո գործակալության թղթակցի հետ զրույցում այսօր հայտարարել է ՎՏԲ-Հայաստան Բանկի մանրածախ բիզնեսի զարգացման դեպարտամենտի ղեկավար Իվան Տելեգինը:
«Ցածր տոկոսադրույքներով վարկառուների թիվը նախկինում չեր անցնում 20%-ից, բայց այսօր այս ցուցանիշը կրկնապատկվել է, հասնելով մոտ 37%-ի»,-ասել է նա, հավելելով, որ այդ աճն ապահովել է ընդամենը 1.5 ամիսում: Նրա կարծիքով, դա հաջողվեց հաճախորդերի հետ արդյունավետ աշխատելու արդյունքում, այս հարցում իրազեկության բարձրացման ուղղությամբ: «Այսպիսով, հաճախորդի համար բանկային պրոդուկտը դառնում է կրկնակի հետաքրքիր, քանի որ, առաջին հերթին, նա ապահովագրվում է դժբախտ պատահարներից, և երկրորդ, վարկն ստանում է ցածր տոկոսադրույքով»,-նշել է նա:
Նա նշել է նաև, որ ապահովագրություն ունեցող և ցածր տոկոսադրույքներով վարկեր ստացած հաճախորդների թիվը Ռուսաստանում հասնում է 65%-ի, ընդգծելով, որ «դեռ ձգտելու տեղ ունենք»:
2016 թվականի հուլիսին ՎՏԲ-Հայաստան Բանկը հայտրարեց, որ իր հաճախորդներին տրամադրում է բանկային շուկայի ծառայությունների ողջ փաթեթը` հարմարավետ պայմաններով: Այսուհետ, ձևակերպելով ՎՏԲ-Հայաստան Բանկում դժբախտ պատահարներից ապահովագրություն՝ առանց գրավի Ունիվերսալ սպառողական վարկի կամ ոսկու գրավով վարկի ձևակերպման պահին, հաճախորդը կապահովագրվի անկանխատեսելի հանգամանքներից և կստանա վարկի 1-1.5%-ով իջեցված տոկոսադրույք: Այսպիսով, հաճախորդը ոչ միայն ապահովագրված կլնի դժբախտ պատահարներից, այլ նաև կստանա ցածր տոկոսադրույքով վարկ: Ունիվերսալ վարկը տրամադրվում է հետևյալ պայմաններով`վարկի գումարը` սկսած 100 000-ից մինչև 4 000 000 ՀՀ դրամ, տարեկան նոմինալ տոկոսադրույքը` 17- 24%, վարկի մարման ժամկետը` մինչև 5 տարի: Իսկ ոսկու գրավով վարկի ձևակերպումը կատարվում է 20 րոպեի ընթացքում և ընդամենը մեկ այցելությամբ Բանկ: Վարկի առավելագույն գումարը կազմում է 3 մլն ՀՀ դրամ, նոմինալ տոկոսադրույքը` սկսած 22%-ից:
Ըստ ԱրմԻնֆո գործակալության` Հայաստանի բանկերի Ֆինանսական Վարկանիշի, ՎՏԲ-Հայաստան Բանկն իր հիմնական ցուցանիշներով ավանդաբար գտնվում է Հայաստանի բանկային համակարգի առաջատարների շարքում: 2016 թվականի հուլիսի 1-ի դրությամբ բանկի ընդհանուր կապիտալը կազմում է 41.2 մլրդ դրամ (5-րդ տեղ), ակտիվները` 278.3 մլրդ դրամ (4-րդ տեղ), վարկային ներդրումները`186,4 մլրդ դրամ (5-րդ տեղ), ֆիզիկական անձանց ժամկետային ավանդները` 92 մլրդ դրամ (4-րդ տեղ), իրավաբանական անձանց ցպահանջ պարտավորությունները`39.7 մլրդ դրամ (3-րդ տեղ): Կորպորատիվ վարկավորման գծով բանկն զբաղեցնում է հինգերորդ տեղը`107,4 մլրդ դրամ է, իսկ մանրածախի գծով`3-րդ տեղը - 78.8 մլրդ դրամ: Իր մասնաճյուղերի ցանցով ՎՏԲ-Հայաստան Բանկը հանդիսանում է շուկայի անվիճելի առաջատարը`67 մասնաճյուղ, իր ներկայությունն ապահովելով երկրի բոլոր մարզերում: ՎՏԲ-Հայաստան ՓԲԸ-ն միջազգային ՎՏԲ Ֆինանսական Խմբի մասնակից է դարձել 2004 թվականի ապրիլին: