Ուրբաթ, 30 Սեպտեմբերի 2016 20:25
Կարինա Մելիքյան

ՀՀ ԿԲ երկրի 2016 թվականի տնտեսական աճի իր կանխատեսումը հավանաբար կվերանայի, նախկին` 2.7-3.6%-ից դեպի դանդաղման կողմը

ՀՀ ԿԲ երկրի 2016 թվականի տնտեսական աճի իր կանխատեսումը հավանաբար կվերանայի, նախկին` 2.7-3.6%-ից դեպի դանդաղման կողմը

Արմինֆո. ՀՀ Կենտրոնական բանկի չի բացառում երկրի 2016 թվականի տնտեսական աճի իր կանխատեսման փոփոխությունը նախկին` 2.7-3.6%-ից դեպի դանդաղման կողմը: Այս մասին այսօր կայացած մամուլի ասուլիսում հայտարարել է ՀՀ ԿԲ Դրամավարկային դեպարտամենտի ղեկավար Վահագն Գրիգորյանը, պատասխանելով ԱրմԻնֆո գործակալության թղթակցի հարցին, միաժամանակ հավելելով, որ կանխատեսման փոփոխությունը կհրապարակվի նոյեմբերին, ԿԲ 2016 թվականի Դրամավարկային քաղաքականության նորացված տարբերակում: Ակնկալվող փոփոխությունը ԿԲ-ն պայմանավորում է նրանով, որ 2016-ի առաջին կիսամյակում արձանագրված բարձր տնտեսական աճից հետո երրորդ եռամսյակի ցուցանիշները վկայում են տնտեսական աճի հեռանկարների վատթարացման մասին:

Այս տարվա 2-րդ եռամսյակի դրամավարկային քաղաքականության ծրագրում ԿԲ վերանայել էր Հայաստանի 2016 թվականի տնտեսական աճի կանխատեսումը, դեպի արագացման կողմը` նախորդ 1.5-2.6% -ից մինչև 2.7-3.6%, այն պայմանավորելով սպասվածից ավելի աճի տեմպերով արդյունաբերական հատվածում և ծառայությունների ոլորտում: Մասնավորապես, արդյունաբերական հատվածում աճի կանխատեսումը 2016 թվականին արագացել է մինչև 3.2-4%, նախորդ`1.3-2.1% փոխարեն, շինարարության գծով կանխատեսումը վատթարացել է մինչև մինուս 0.8-0.4% (նախորդ կանխատեսումը` մինուս 0.8-ից մինչև դրական 0.2%), ծառայությունների ոլորտում աճի կանխատեսումն արագացել է մինչև 3.8-4.4%, նախորդ` 1.8-2.4% փոխարեն, իսկ ագրոհատվածում աճի կանխատեումը գրեթե պահպանվել է` 4-5%, նախորդ` 4.2-5% փոխարեն: Բացի այդ, ՀՀ ԿԲ 2016 թվականի համար կանխատեսում է ֆիզիկական անձանց տրանսֆերտների ծավալների 6-8% կրճատում, նախորդ` 9-12% փոխարեն (դոլարով), այն պայմանավորելով Ռուսաստան տնտեսական աճի տեմպերով և ռուբլու արժեզրկման սպասելիքների չեզոքացումով: Արդյունքում, ընթացիկ հաշվի դեֆիզիտը ՀՆԱ նկատմամբ սահմանվել է 1-2 միջակայքում, իսկ միջնաժամկետ հեռանկարում կհասնի 2-3%-ի, նախկին`3-4% փոխարեն:

Հիշեցնենք, որ ԱՄՀ-ն բարելավվել է Հայաստանի 2016 թվականի տնտեսական աճի կանխատեսումը` 2,25-2,5%, նախորդ 2,2% փոխարեն: ՀԲ-ն 2016-ին ակնկալում Հայաստանի տնտեսական 1.9% աճ (նախկին կանխատեսումը` 2,5%), 2017-2018 թվականներին 2,8% -2,9% արագացումով: ՎԶԵԲ-ը Հայաստանի տնտեսական աճը կանխատեսում է 2%: Ըստ ՀՀ ԿԲ կանխատեսումների, ՀՆԱ-ի 2016 թվականի աճը վերանայվել է դեպի արագացման կողմը`1.5-2.6%-ից մինչև 2.7-3.6%, բայց սպասվում է հերթական վերանայումը դեպի դանդաղման կողմը: ՀՀ 2016 թվականի պետական ​​բյուջեով Հայաստանի ՀՆԱ աճը 2016-ին կկազմի 2.2%, ՀՆԱ-ի ինդեքս-դեֆլյատորը նախատեսվում է 4%, 12-ամսյա գնաճը`4% մակարդակի վրա (+/- 1.5%): Ըստ ՀՀ Ազգային վիճակագրական ծառայության տվյալների, Հայաստանի ՀՆԱ աճը 2015 թվականին կազմել է 3%, 2014-ի 3,5% -ի փոխարեն: Ըստ վիճակագրական տվյալների, տնտեսական ակտիվության 2016-ի հունվար-օգոստոսին աճել է 2.4%, 2015-ի 3.9% -ի փոխարեն, իսկ աճի արագացումը հիմնականում խթանել է արդյունաբերության ոլորտը (7%), ինչպես նաև ծառայությունների ոլորտը (8%), իսկ գյուղատնտեսության ոլորտում աճը կազմել է ընդամենը 4.1%: Միևնույն ժամանակ, առևտրի ոլորտում արձանագրվել է բացասական դինամիկա`0.4%, իսկ շինարարության ոլորտում և էներգետիկ համալիրում անկումը համապատասխանաբար կազմել է` 7,5% և 5,9%: 2014 թ. նույն ժամանակահատվածում (հունվար-օգոստոս),  տնտեսական ակտիվության աճը կազմել էր 4.1%: Վերջերս, սեպտեմբերի 20-ին տեղի ունեցած տնտեսական ֆորումում ՀՀ միջազգային տնտեսական ինտեգրման և բարեփոխումների նախարար Վաչե Գաբրիելյանը հայտարարեց, որ 2016 թվականին Հայստանում տնտեսական աճը կլինի 2.5-3.5% միջակայքում: 


Նորություններ


Արտ. փոխարժեքները
22.01.2021
RUB6.95-0.10
USD518.44-0.45
EUR631.101.12
GBP708.34-4.20
CAD408.32-2.94
JPY50.01-0.16
CNY80.230.03
CHF585.871.14



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000