Հինգշաբթի, 6 Հոկտեմբերի 2016 12:02
Ալեքսանդր Ավանեսով

Ռուսաստանն ու Հայաստանը քննարկել են գյուղատնետսության ոլորտում համագործակցության հարցեր

Ռուսաստանն ու Հայաստանը քննարկել են գյուղատնետսության ոլորտում համագործակցության հարցեր

Արմինֆո. Հայաստանի Հանրապետության գյուղատնտեսության նախարար Իգնատի Առաքելյանը Մոսկվա կատարած այցի շրջանակում նախօրեին հանդիպում է ունեցել Ռուսաստանի Դաշնության գյուղատնտեսության նախարարի առաջին տեղակալ Ջամբուլատ Խաթուովի հետ:

ՌԴ գյուղատնտեսության նախարարության պաշտոնական կայքէջի տեղեկացմամբ` Ջամբուլատ Խաթուովը շնորհավորել է Հայաստանի գյուղատնտեսության նախարարին պաշտոնում նշանակվելու առթիվ և մաղթել արդյունավետ աշխատանք երկրի ագրոարդյունաբերական համալիրի զարգացման գործում:

Հանդիպման ընթացքում կողմերը քննարկել են գյուղատնտեսության ոլորտում հետագա համագործակցության հեռանկարները, այդ թվում` նաև Հայաստանում ջերմոցային տնտեսությունների և ինտենսիվ այգիների զարգացման հարցը` տեղական պտուղ-բանջարեղենը դեպի ռուսաստանյան առևտրային ցանցեր արտահանելու հնարավորությամբ:

Հանդիպումը կազմակերպվել է «Ոսկե աշուն-2016» 18-րդ ռուսաստանյան ագրոարդյունաբերական ցուցահանդեսի շրջանակում:

Ավելի վաղ ԱրմԻնֆո-ն, վկայակոչելով ՀՀ գյուղնախարարության մամուլի ծառայությունը, հաղորդել էր, որ գերատեսչության ղեկավար Իգնատի Առաքելյանը մտադիր է Ռուսաստանի մայրաքաղաքում բարձրացնել Հայաստանից ՌԴ խաղողի հումքի վրա ոգելից խմիչքների արտահանման հարցը: Այցի շրջանակում նախատեսվում են Իգնատի Առաքելյանի հանդիպումներ ՌԴ ներմուծող և առևտրային ընկերությունների ներկայացուցիչների հետ:

Նշենք, որ 2016 թվականի հունվար-օգոստոս ամիսներին Հայաստանի և Ռուսաստանի միջև արտաքին առևտրի շրջանառության տարեկան դինամիկան հասել է դրական 11,6%-ի նախորդ տարվա բացասական 12,5%-ի համեմատ` կազմելով 803.6 մլն դոլար: Ռուսաստանը պահպանում է առաջատարությունը ոչ մաիայն այդ ցուցանիշի, այլև արտահանման և ներմուծման գծով` համապատասխանաբար 223.3 մլն և 580.3 մլն դոլար, տարեկան դինամիկայի կտրուկ բարելավմամբ` առաջինը 30% անկումից  62,1% աճի և երկրորդի անկման  7,7%-ից մինչև 0,4% դանդաղման:

Ինչպես վկայում են Հայաստանի մաքսային ծառայության տվյալները, Հայաստանից գինու արտահանումը ռուսական շուկա 2016 թվականի առաջին կիսամյակում 20,5% ավելացել է նախորդ տարվա նույն ժամանակահատվածի համեմատ` հասնելով 604,2 հազար լիտրի: 2016 թվականի հունվար-հունիս ամիսներին Ռուսաստան արտահանված  հայկական գինու մաքսային արժեքը կազմել է 1,8 մլն դոլար` 2015 թվականի նույն ժամանակահատվածի 1,2 մլն դոլարի դիմաց: Ընդհանուր առմամբ, 2016 թվականի առաջին կիսամյակում արտահանված հայկական գինու ընդհանուր ծավալը 2015 թվականի առաջին կիսամյակի համեմատ ավելացել է 24,7%-ով, մինչև 779,9 հազար լիտր, իսկ առնվազն 80%-անոց էթիլային սպիրտինը` 2,2 անգամ, մինչև 10 մլն լիտր: Միևնույն ժամանակ, ռուբլու փոխարժեքի տատանումների առնչությամբ Ռուսաստանի շուկայում  ստեղծված բարդ իրավիճակի հետևանքով 2015 արձանագրվել է Հայաստանից գինիների արտահանման 31,5%-ով անկում` մինչև 1 451,6 հազար լիտր:


Նորություններ


Արտ. փոխարժեքները
22.10.2020
RUB6.420.01
USD494.31-0.06
EUR584.77-0.71
GBP647.001.65
CAD375.87-1.25
JPY47.190.06
CNY74.270.24
CHF544.93-1.58



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000