Արմինֆո. «Գազպրոմ Արմենիան» պահպանում է առաջատարությունը Հայաստանի խոշոր հարկատուների շրջանում: Պետական եկամուտների կոմիտեի (ՊԵԿ) տվյալներով, 2016 թվականի 9 ամիսներին ընկերությունը հարկերի գծով 29.6 մլրդ դրամ է փոխանցել պետբյուջե:
Առաջատար հնգյակում երկրորդ տեղն զբաղեցնում է ՀԷՑ-ը` ավելի քան 14 մլրդ դրամ, երրորդ տեղում է «Գրանդ Տոբակո» հայ-կանադական ՀՁ` 12.8 մլրդ դրամ, չորրորդ տեղում «Ղ-Տելեկոմն» է (VIVA Cell - MTS)` 10.4 մլրդ դրամ և առաջատարների հնգյակը եզրափակում է «Թեղուտ» ընկերությունը` ավելի քան 9 մլրդ դրամ: Արդյունքւմ առաջատար հնգյակը ընթացիկ տարվա 9 ամինրեին 75.7 մլրդ դրամ ընդհանուր գումարի հարկեր են փոխանել պետբյուջե:
2016 թվականի 9 ամիսներին 1000 խոշոր հարկատուները հարկերի գծով 326 մլրդ դրամ են ուղղորդել պետբյուջե, ինչը 5%-ով կամ 15.5 մլրդ դրամով ավելի է 2015 թվականի նույն ժամանակահատվածի ցուցանիշից: Ընդ որում խոշոր բիզնեսը հարկային մուտքերի աճն ապահովել է իրացման շրջանառության 2,5% նվազման ֆոնին: ՊԵԿ խշոր հարկատուների տեսչության ղեկավար Ռաֆիկ Մաշադյանը հոկտեմբրի 6-ին մամուլի ասուլիսւոմ նշել է, որ ծխախոտի արտադրությամբ զբաղվող 4 ձեռնարկություններում 9 ամիսներին հարկային վճարումների աճը կազմել է 6.7 մլրդ դրամ: Ծառայությունների մատուցմամբ զբաղվող 29 ձեռնարկությունները հարկային վճարումներն ավելացրել են գրեեթ 4.7 մլր դրամով, ճանապարհաշինական 15 ընկերությունները` գրեթե 1.8 մլրդ դրամով, իսկ վառելիք ներմուծողներն ու արտահանողները` գրեթե 1 մլրդ դրամով: Պարենային ապրանքներ ներմուծող 27 ընկերությունները հարկային վճարումներն ավելացրել են 900 մլն դրամով:
Նա նշել է, որ հարկային վարչարարությունը խստացվել է նաև մանրածախ առևտրի ոլորտում: Այնպիսի խոշոր ցանցերւոմ ստուգումների արդյունքում, ինչպես` «Ալեքս Գրիգ», «ՍԱՍ Գրուպ»,«Էվրիկա Գրուպ», «Նոր Զովք», «իԻրնա Մարկետ»,արձանագրվել է պետբյուջե վճարման ենթակա ավելի քան 401 մլն դրամ լրացուցիչ գումար: Ոգելից խմիչքներ ներմուծողների շրջանում ստուգումնր են անցկացվել «Անդակոյում»,«Սարգիս- Կարոլինայում»,«Ադամիումում», ինչի արդյունքում հայտնաբերվել է շուրջ 150 մլն դրամ պակասորդ, ինչի առնչությամբ այդ ընկերությունների համար սահմանվել է 75 մլն դրամ տուգանք: «Թռչնաֆաբրիկաներում ինտենիվ ստուգոջմները հայտնաբերել են իրացման ծավալնրեի 20% աճ: Նույնպիսի պատկեր է սուպերմարկետներում` իրացման 20%աճ», - նշել է Ռ. Մաշադյանը: Նա հավելել է, որ «Արմենիա միջազգային օդանավակայաններ» ընկերությունում ստուգման արդյունքում հայտնաբերվել են գրեթե 600 մլն դրամ լրացուցիչ հարկային պարտավորություններ, իսկ հարկային եկամուտներն ընկրությունն ավելացրել է, ընդհանուր առմամբ, ավելի քան 4 մլրդ դրամով:
«Վարչարարության արդյունավետության բարձր արդյունքները հերթական անգամ վկայում են, րո ՊԵԿ հավատարիմ է ստվերային շրջանառության բացահայտմանն ու արմատախիլ անելուն նպատակաուղղված նպատակային քաղաքականությանը` հարկային եկամուտնրի հետագա աճի նպատակով», - փաստել է Ռ. Մաշադյանը:
Նշենք, որ մեկ տարի առաջ, 2015 թվականի 9 ամիսներին խոշոր հարկատուների առաջատար հգյակում էին«Գազպրոմ Արմենիա» ՓԲԸ, Զանգեզուրի պղնձամոլիբդենային կոմբինատը, Որոտան ՀԷԿ, «Ղ-Տելեկոմը» և ՀԷՑ-ը: