Արմինֆո. ՎՏԲ-Հայաստան Բանկը, քարտերով անկանխիկ վճարումների աճը խթանելու նպատակով, հայտարարել է նոր ծառայության գործարկման մասին, որի շնորհիվ ամենօրյա գնումների/ծառայությունների դիմաց վճարումները ՎՏԲ-Հայաստան Բանկի քարտերով կլինեն ոչ միայն արագ ու հարմարավետ, այլ նաև շահավետ: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, սկսած 2016 թվականի հոկտեմբերից ՎՏԲ-Հայաստան Բանկի բոլոր MasterCard և VISA քարտապանները ստանում են cashback-պարգևատրումներ «Cashback N1» առևտրային ցանցում անկանխիկ գործարքների դիմաց:
Առևտրային/սպասարկման կետերի թիվը, որտեղ ՎՏԲ-Հայաստան Բանկի քարտապանները կարող են ստանալ cashback-պարգևատրումներ, Հայաստանի ողջ տարածքում հասնում է մոտ 300-ի։ Cashback-պարգևատրումների չափը կազմում է ծախվսած գումարի 15.9%-ը։ Նախորդ ամսվա ընթացքում «Cashback N1» ցանցում կատարված անկանխիկ գործարքների համար Cashback-պարգևատրումները հաճախորդի քարտային հաշվին կհաշվեգրվեն մինչև հաջորդ ամսվա 15-ը:
Նոր ծառայության մասին ավելի մանրամասն կարելի է ծանոթանալ ՎՏԲ-Հայաստան Բանկի մասնաճյուղերից, www.vtb.am կայքից, կամ զանգահարել 87-87 հեռախոսահամարով, Բանկի միասնական տեղեկատվական ծառեայությանը, ինչպես նաև http://onecard.am/best-partners.html:
Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական տեղեկագրի, ՎՏԲ-Հայաստան Բանկ պլաստիկ շուկայի առաջատարն է ոչ միայն քարտերի քանակով, այլ նաև գործարքների ծավալներով: Այսպես, 2016 թվականի ապրիլի 1-ի դրությամբ բանկի ակտիվ քարտերի թիվը կազմել է 496,6 հազար, իսկ գործարքների ընդհանուր ծավալը 2015 թվականին գերազանցել է 210.3 մլրդ դրամը: Բանկը պլաստիկ շուկայի առաջատարն է նաև Visa քարտերով, որոնք 2016 թվականի ապրիլի 1-ին կազմել են ավելի քան 418.2 հազար, տեղ զբաղեցնելով առաջատար եռյակում, իսկ MasterCard քարտերի թիվը կազմել է 78.3 հազար, որոնց թիվը 2016 թվականի աեաջին եռամսյակում կտրուկ աճել է գրեթե 5 անգամ, իսկ Visa քարտերն աճել են 8.7%, արդյունքում, ՎՏԲ-Հայաստան քարտերի ընդհանուր թիվն ավելացրել է 23.8%, և որպես հետևանք, քարտերով գործարքների ծավալը տարեկան կտրվածքով ավելացել է 12.8%, հիմնականում, պայմանավորված բանկոմատներով կատարվող գործարքների 21.3% աճով: Բանկի ակտիվ քարտերի մեջ Visa քարտերը 2016-ի ապրիլի 1-ին կազմել են 84%: Նույն ամսաթվով Բանակն ուներ 157 բանկոմատ, որից 78-ը մայրաքաղաքում: Տարեկան կտրվածքով չփոխելով բանկոմատների ընդհանուր թիվը, բանկն էապես ընդլայնել է POS-թերմինալների իր ցանցը, 298 – ից մինչև 345-ի: Բացի այդ, ՎՏԲ-Հայաստան Բանկը և ԱԿԲԱ-Կրեդիտ Ագրիկոլ Բանկն ստեղծվել են բանկոմատների համատեղ ցանց, որը կազմված է ավելի քան 345 բանկոմատներից Հայաստանի ողջ տարածքում: Բանկոմատների թվով բանկն զբաղեցնում է երկրորդ տեղը, իսկ սեփական POS-թերմինալների ցանցով տեղ է զբաղեցրել առաջատար տասնյակում:
Մինչև 2013թ. ՎՏԲ-Հայաստան Բանկը թողարկում և սպասարկում էր միայն VISA միջազգային քարտեր, ինչից հետո նույն տարվա սեպտեմբերից դառնալով MasterCard Worldwide միջազգային վճարային համակարգի լիիրավ անդամ, ձեռնամուխ եղավ Cirrus/Maestro, MasterCard Standard և MasterCard Gold քարտերի թողարկմանն ու սպասարկմանը: Դրանից զատ բանկը սպասարկում է նաև ArCa լոկալ քարտեր: Բանկն ունի սեփական պրոոցեսինգ: ՎՏԲ-Հայաստան Բանկը VISA International և MasterCard Worldwide միջազգային վճարային համակարգերի լիիրավ անդամ է:
Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ոչ միայն մայրաքաղաքում, այլև երկրի մարզերում:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը