Ուրբաթ, 7 Հոկտեմբերի 2016 20:01

Արմինֆո. Հայաստանի սպառողական շուկայում 2016 թվականի սեպտեմբերին արձանագրվել 0.1% գնաճ, ինչը պայմանավորված է ոչ պարենային ապրանքների 0,2% և ծառայությունների սակագների 0.6% աճով, իսկ պարենային ապրանքներն էժանացել են 0.3%: Հունվար-սեպտեմբերին 3,7% գնանկումը պայմանավորված էր պարենային ապրանքների`5.9% և ոչ պարենային ապրանքների`3.5% էժանացումով, իսկ ծառայությունների սակագներն իջել են 0.7%:

 

Ինչպես ԱրմԻնֆո գործակալությանը տեղեկացվել ՀՀ Ազգային վիճակագրական ծառայությունից, սպառողական գների միջին ամսական անկումը հունվար-սեպտեմբերին կազմել է 0,4%, նախորդ տարվա անկումը`0.2%: 2016-ի հունվար-սեպտեմբերին, 2015-ի հունվար-սեպտեմբերին համեմատ, սպառողական գների ինդեքսը կազմել է 98.4%, այդ թվում, պարենային ապրանքների համար`96.3%, ոչ պարենային ապրանքների` 97.9% և ծառայությունների սակագների համար`102.2%, իսկ սեպտեմբերին, 2015-ի սեպտեմբերի համեմատ այս ցուցանիշները համապատասխանաբար կազմել են` 98,1%, 96,7%, 96,2% և 101,4%:

 

Ըստ վիճակագրության, սեպտեմբերի գնանկումը (0.3%, ներառյալ ոգելից խմիչքը և ծխախոտը) պարենային ապրանքների շուկայում հիմնականում պայմանավորված էր բանջարեղենի և կարտոֆիլի  4,8% էժանացումով: Հետազոտվող 13 խումբ ապրանքներից 8-ում հաշվետու ամսում արձանագրվել է գների 4,8-0,1% անկում, 4-ում` 0,3-4,6% թանկացում, իսկ մեկում մնացել են անփոփոխ: Մասնավորապես, բանջարեղենի խմբում սեպտեմբերի առավել զգալիորեն էժանացել են` գազար - 21.7%, սոխը - 21.2%, վարունգը - 20.9%, կաղամբը - 10.1%, բազուկը - 7.2 %, ծաղկակաղամբը - 6.5%, կարտոֆիլը - 6.5%, լոլիկը - 3,8%, կանաչ պղպեղը - 2,8%, կանաչ լոբին - 0,4%: Դրան զուգահեռ թանկացել են` սոխը - 33.1%, սմբուկը - 30,8%, կանաչին - 19%, սխտորը - 13%, սունկը - 1.3%: Կաթնամթերքը սեպտեմբերին էժանացել է 0.5%, մսամթերքը` 0,2%, բայց թանակցել են` շաքարավազը - 4,6%, ձուն - 1%, մրգեղենը - 1%, ձկնեղենը, խմիչքները և ծխախոտը - 0.3-0.4%: Իսկ պտուղներից ամենի շատ թանկացել են`դեղձը - 18.3% և նարինջը - 10.8%, իսկ էժանացել են` խաղողը և սալորը - 23,7-28,2%:

 

Ոչ պարենային ապրանքների խմբում սեպտեմբերին գների աճը կազմել է 0,2%, ինչը հիմնականում պայմանավորված էր կոշկեղենի - 4,4%, հագուստի և գործածքեղենի - 3.1%, կենցաղային տեխնիկայի - 1.3%, ոսկերչական իրերի և գրասենյակային պարագաների - 1% թանկացումներով: Դրան զուգահեռ, 0,1-1,4% էժանացել են` դեղերը, լվացող միջոցները, կոսմետիկան և շինանյութը: Բենզինի և դիզելային վառելիքի գները սեպտեմբերին չեն փոխվելի, իսկ հունվար-սեպտեմբեր բենզինի գինն իջել է 9,3%, իսկ դիզելային վառելիքինը` 17.7%: Ոչ պարենային ապրանքների գների ամենամեծ աճն արձանագրված է մայրաքաղաքում` 0,7%:

 

Ինչ վերաբերում է ծառայությունների սակագներին, դրանց աճը սեպտեմբերին կազմել է  0,6%, ինչը պայմանավորված էր բնակարանային ծառայությունների`1.5%, հանգստի կազմակերպման`1,6%, կրթության ոլորտի ծառայություններրի`2% թանկացումներով: Դրան զուգահեռ, էժանացել են ծառայությունները տրանսպորտի բնագավառում`1.5% (պայմանավորված ավիատոմսերի 4,9% էժանացումով), մշակույթի ոլորտում`1,4% և բժշկական ծառայությունների ոլորտում`0,1%:

 

Նկատենք, որ Հայաստանի սպառողական շուկայում 2015-ի սեպտեմբերին արձանագրվել էր 0.1% գնաճ, ինչը պայմանավորված էր ոչ պարենային ապրանքների`0.6% թանկացումով, չնայած, որ պարենային ապրանքների գները և ծառայությունների սակագները մնացել էին անփոփոխ: 2015-ի հունվար-սեպտեմբերին գնանկումը կազմել էր 2%, պայմանավորված պարենային ապրանքների 6.2% էժանացումով (բացառությամբ ոգելից խմիչքի և ծխախոտի), իսկ ոչ պարենային ապրանքները թանկացել էին 3.6%, ծառայությունների սակագները`1,1%: 2015-ի հունվար-սեպտեմբերին, 2014-ի հունվար-սեպտեմբերի համեմատ, սպառողական գների ինդեքսը կազմել էր 104.7%, այդ թվում, պարենային ապրանքներինը`104.6%, ոչ պարենային ապրանքներինը`105,9%, ծառայությունների սակագներինը`103.2%, իսկ 2015 թ. սեպտեմբերին 2014-ի սեպտեմբերի համեմատ, համապատասխանաբար`103.3%, 102.3%, 106.1%, և 101, 6%: Սպառողական գների միջին ամսական անկումը 2015-ի հունվար-սեպտեմբերին կազմել էր 0,2%, նախորդ տարվա 0.1% փոխարեն: