Հինգշաբթի, 13 Հոկտեմբերի 2016 17:46

Արմինֆո. Հայաստանի ՀՆԱ-ի կառուցվածքում օտարերկրյա ներդրումների մասնաբաժինը նվազել է մինչև 1.7%: Այս մասին հոկտեմբերի 13-ին կայացած մամուլի ասուլիսում հայտարարել է Գործատուների հանրապետական միության նախագահ Գագիկ Մակարյանը: «8 տարի առաջ ՀՆԱ կառուցվածքում օտարերկրյա ներդրումները կազմում էին մոտ 8.7%, որոնք 2014 թվականին իջան մինչև 3.7%: Այսօր այդ ցուցանիշը ցածր է 2%-ից»,-մեկնաբանել է նա:

 

Հղում կատարելով ՀՀ նախագահի և պատվիրակության վերջերս կայացած այցը Նյու Յորքի ներդրումային համաժողովին, որը նվիրված էր Հայաստանին, Մակարյանը հույս է հայտնել, որ այդ առումով այն կլինի արդյունավետ: «Ներդրումային ֆորումի ընթացքում Հայաստանն իրեն ցույց տվեց բարձր մակարդակով, ներկայացնելով մեր հնարավորությունները ԵՄ և ԵԱՀԿ համագործակցության շրջանակներում, ինչը կարևոր գործոն է ներդրողների համար: Եվ այս առումով կառավարության համար շատ կարևոր է երկրի դիրքերն ամրապնդելու նպատակով ձեռնարկել քայլեր, որոնք ուղղված կլինեն կոռուպցիայի դեմ պայքարին և ստվերային տնտեսության կրճատմանը»,-նշել է նա:

 

Ըստ Մակարյանի, Հայաստանի առավելություններից մեկՆ ԷԼ ոչ թանկ, բայց որակյալ աշխատուժն է: Հայաստանը պետք է հստակ քայլեր իրականացնի, ուղղված կրթության զարգացմանը, արտադրական միջավարի բարելավմանը, մասնավորապես, արտադրության տեխնոլոգիաների արդիանացմանը, հավելել է նա: Ըստ Մակարյանի, Հայաստանի մեկ աշխատողի աշխատունակությունը տարեկան կտրվածքով կազմում է 8.6 հազար դոլար, մինչդեռ Եվրոպայում այդ ցուցանիշը կազմում է 110-120 դոլար: «Մենք մինչ օրս աշխատում ենք ֆեոդալական եղանակով, սկսած գյուղից և վերջացրած գործարաններով: Եկել է այդ ամենը փոխելու ժամանակը»,-ընդգծել է նա:

 

Գ.Մինասյանն անհրաժեշտություն է համարում օտարերկրյա ներդրումների ներգրավումը, ինչպես նաև տեղական ներդրումների խթանումը: Նրա կարծիքով, այս մոտեցումը բարենպաստ ազդեցություն կթողնի Հայաստանի ինովացիոն բլոկի զարգացման վրա, հավելելով, որ այդ ուղղությամբ առաջարկները ներկայկացվել են ՀՀ կառավարությանը, որի հետ փորձագետը մեծ հույսեր է կապում:

 

Ըստ ՀՀ Ազգային վիճակագրական ծառայության տվյալների, ԱՄՆ-ից Հայստանի տնտեսության իրական հատվածին ուղղված զուտ ներդրումների հոսքը 2016 թվականի հուլիսի 1-ին (I կիսամյակում) կազմել է 564,2 մլն դրամ, ընդ որում, ՕՈՒՆ-ի միայն բացասական ցուցանիշը հասել է 1.2 մլրդ դրամի: Միացյալ Նահանգներից ներդրումները հիմնականում ուղղվել են ՏՏ ոլորտին, ֆինանսական միջնորդությանը, զբոսաշրջությանը և էներգետիկ համալիրին: Իսկ ընդհանուր ներդրումների զուտ ներհոսքը Հայաստանի տնտեսության իրական հատվածում նույն ամսաթվով կազմել է մինուս 16.9 մլրդ դրամ,ընդ որում, միայն ՕՈՒՆ գծով զուտ հոսքը դեպի տնտեսության իրական հատված կազմել է  դրական 16,6 մլրդ դրամ (նախորդ տարվա, համապատասխանաբար`81.9 մլրդ դրամի և 30.7 մլրդ դրամի համեմատ): Նշենք, որ արդեն ավելի քան երկու տարի վիճակագրական տվյալներում, մեթոդաբանության վերանայման հետևանքով, ներդրումների վերաբերյալ տվյալներում չի նշվում ներհոսքի և արտահոսքի բացարձակ արժեքը, այլ միայն բերվում է այդ ցուցանիշների սալդոն: (ՀՀ դրամի հաշվարկային փոխարժեքը 2016 թվականի հուլիսի 1-ին կազմել է 476.68 դրամ / $ 1):