Արմինֆո. Ռուսաստանի բանկերի ասոցիացիայի ղեկավար Գարեգին Թոսունյանը պատրաստ չէ քնադատել ֆինանսական ռեգուլյատորներին, բայց նաև համաձայն չէ շուկայի խաղացողների ավելորդ խոշորացման քաղաքականության հետ: Հայ-ռուսական միջտարածաշրջանային համագործակցության ֆորումի շրջանակներում, պատասխանելով ԱրմԻնֆո գործակալության թղթակցի հարցին, թե արդյո՞ք նա հայաստանյան շուկայից օտարերկրյա կապիտալով երեք բանկերի`M&A գործարքների միջոցով հեռացումը չի համարում երկրի համար չարդարացված հեղինակային ռիսկեր, Թոսունյանը նշել է, որ այդ հարցով բազմաթիվ անգամ արտահայտել է իր դիրքորոշումը:
«Ավելորդ խոշորացումը խախտում է մրցակցային միջավայրը, հետևաբար, ես կողմ եմ, որպեսզի ոչ թե սանդղակները բարձրացվեն մինչև անհասանալի բարձրություն, այլ հակառակը, որպեսզի շուկան դիվերսիֆիկացվի և մրցակցությունը բարձրանա»,-ընդգծել է Թոսունյանը:
Նա ընդգծել է, որ բազմաթիվ երկրներում, որտեղ 5 խոշորագույն բանկերն զբաղեցնում են ակտիվների 70-80%-ը, նման ռեգուլյատիվ սանդղակներ չկան, չկան սահմանափակումներ: «Այնտես շուկան է, իր յուրահատկության և զարգացման հիման վրա, որոշ մասնակիցներին ստիպում է միավորվել, որպեսզի մրցունակ լինեն միջազգային տրան-սազգային շուկաներում: Ընդ որում, նրանք այնքան էլ մտահոգված չեն, որ իրենց կողքին գործում են ուրիշները, ավելի մանր խաղացողներ, որոնք աշխատում են սեփական նիշաների շրջանակներում, սպասարկելով, օրինակ, փոքր և միջին բիզնեսին: Նրանք քաշում են այդ հատվածն իրենց կողմը, ու դա նորմալ է, քանի որ խոշոր խաղացողները, որպես կանոն, դեֆորմացնում են շուկան, անկարող լինելով զբաղեցնել ֆինանսական շուկայի բոլոր նիշաները»,-նշել է Թոսունյանը:
Ըստ Բանկիրի, Ռուսաստանի բանկային հանրությանը հաջողվեց կագնեցնել բանկերի նորմատիվային կապիտալի բարձրացման գործընթացը`300 մլն.ռոբլու մակարդակում: «Այժմ կրկին սկսվել են խոսակցությունները միլիարդի մասին, և նույնիսկ 3 միլիարդի մասին, բայց այդ մասին խոսում են զգուշորեն, այն էլ դեվալվացիոն գործընթացների համատեքստում: Իսկ Հայաստանն այդ առումով ինձ զարմացնում է, քանի որ 30 մլրդ. դրամը, ինչպես նաև 100 մլրդ դրամը, շատ քիչ կապ ունեն անվտանգության բարձիկի ստեղծման հետ: Ես չեմ կիսում too big to fail տեսությունը: Այնտեղ կան մեծ ռիսկեր: Ես չեմ գտնում նաև, որ անվտանգությնա բարձիկն ստեղծվում է խոշորացման ճանապարհով, քանի որ այն ստեղծվում է ակտիվ-պասիվ գործարքների դիվերսիֆիկացումով, ինչպես նաև համարժեք վերահսկողության միջոցով, այլ ոչ թե հակառակը»,-ընդգծել է նա: Թոսունյանը համաձայն է, որ ճգնաժամային փուլում կապիտալի համարժեքության գործակցի իջեցումը լրացուցիչ ներարկումների առումով բաժնետերերին չի խթանում:
Նշենք, որ ընթացիկ տարում Հայաստանի բանկային շուկան M&A միջոցով լքեցին գերմանական ՊրոԿրեդիտԲանկը և ղազախական ԲՏԱ Բանկը, իսկ վերջերս տեղի ունեցավ նաև ռուսաստանյան «Գազպրոմբանկի» դուստր Առէկսիմբանկի 100% բաժնետոսերի գնման գործարքը:
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին