Երեթշաբթի, 18 Հոկտեմբերի 2016 17:17

Արմինֆո. ՀՀ Կենտրոնական բանկը վերանայել է Հայաստանի 2016 թվականի տնտեսական աճի կանխատեսումը` դեպի աննշան դանդաղման կողմը, մինչև 2.8-3.4%, նախորդ`2.7-3.6% փոխարեն: Կանխատեսումը բերված է ՀՀ ԿԲ 3-րդ եռամսյակի Դրամավարկային քաղաքականության ծրագրում, որտեղ կանխատեսման փոփոխությունն այս անգամ պայմանավորված է արդյունաբերական հատվածքում և ծառայությունների ոլորտում սպասվածից ավելի բարձր աճի տեմպերով: Ըստ կանխատեսման, 2017-ի վերջին տնտեսական աճը կարող է հասնել 3-4.5%-ի` ներդրումների և արտահանման խթանման կառավարության ծրագրի արդյունավետ իրականացման, արտաքին տնտեսական վիճակի աստիճանաբար բարելավման, ինչպես նաև իրականացվող կառուցվածքային բարեփոխումների շնորհիվ: Իսկ տնտեսական աճի երկարաժամկետ հավասարակշռված մակարդակը գնահատվում է 4-5%:

Արդյունաբերական հատվածում տնտեսական աճի կանխատեսումն արագացել է մինչև  7,9-8,7%, նախորդ`3.2-4%-ի փոխարեն, շինարարության ոլորտում կանխատեսումը հերթական անգամ վատացել է, մինչև մինուս 1,3-0,5% (նախորդ կանխատեսումը` մինուս 0,8%-0.4%), ծառայությունների ոլորտում կանխատեսումը պահպանվել է`3,8- 4,4%, իսկ գյուղատնտեսության ոլորտում աճի կանխատեսումը վատացել է մինչև 1-1.8%, նախորդ` 4- 5%-ի փոխարեն:

Ֆիզիկական անձանց տրանսֆերտների կրճատման կանխատեսումը պահպանվել է 6-8% մակարդակում, ինչը վկայում է անկման տեմպերի դանդաղման մասին, պայմանավորելով նրանով, որ տնտեսական անկման տեմպերը Ռուսաստանում դանդաղել են, ինչպես նաև  չեզոքացվել ռուբլու արժեզրկման սպասումները: Արդյունքում, ընթացիկ հաշվի պակասուրդը ՀՆԱ հետ հարաբերակցությամբ կավելանա 2-3% (նախկին կանխատեսումը` 1-2%), կայունանալով այդ տիրույթում նաև միջնաժամկետ հեռանկարում: Ապրանքների և ծառայությունների արտահանման կանխատեսումը վերանայվել է աճի ուղղությամբ, մինչև 11-13%, իսկ ներմուծման անկման կանխատեսումը վերանայվել է դեպի 1,5-3,5% դանդաղում:

Հիշեցնենք, որ ԱՄՀ-ն բարելավվել է Հայաստանի 2016 թվականի տնտեսական աճի կանխատեսումը մինչև 3.2%, նախկինում կանխատեսված`2,25-2,5% փոխարեն,  արագանալով 2017-ին մինչև 3,4%: ՀԲ-ն ակնկալում է, որ 2016-ին Հայաստանի տնտեսական աճը կկազմի 1,9% (նախկին կանխատեսումը`2,5%), 2017-2018-ին մինչև  2,8% -2,9% արագացումով: ՎԶԵԲ-ը 2016-ի համար կանխատեսում է 2%: Ըստ ՀՀ ԿԲ կանխատեսումների, ՀՆԱ-ի աճը 2016-ին կկազմի 2.7-3.6%: ՀՀ Պետական ​​բյուջեով Հայաստանի ՀՆԱ աճը 2016-ին կանխատեսվում է 2,2%, ՀՆԱ-ի ինդեքս-դեֆլյատորը` 4%, 12-ամսյա գնաճը`4% (+/- 1.5%): Ըստ ՀՀ Ազգային վիճակագրական ծառայության տվյալների, Հայաստանի ՀՆԱ աճը 2015-ին կազմել է 3%, 2014-ին `3,5%: Ըստ վիճակագրական տվյալների, տնտեսական ակտիվությունը 2016-ի հունվար-օգոստոսին ավելացել է 2,4%, 2015-ի նույն ժամանակահատվածի 3,9% փոխարեն: Արտահանումը 2016 թվականի հունվար-օգոսըոսին աճել է 18.9%, ներմուծումը`2.1%:

Ըստ Կենտրոնական բանկի տվյալների, դեպի Հայաստան ֆիզիկական անձանց դրամական  փոխանցումների ներհոսքը 2015-ին կրճատվել է 24%, մինչև $ 1.6 մլրդ, արտահոսքը`16%, մինչև $ 0.8 մլրդ: Ընդ որում, թե ներհոսքի և թե արտահոսքի գծով առաջատարն է Ռուսաստանը, համապատասխանաբար կազմելով`63% և 37%: Դեպի Հայաստան ֆիզիկական անձանց դրամական փոխանցումների զուտ ներհոսքի ծավալների անկումն սկսվել էր 2014 թվականից (անկումը`13%), մինչդեռ նախորդ չորս տարիներին նդիտվում էր աճ` 2010 թ. - 24%, 2011 թ. - 25%, 2012 թ. - 18, 2%, իսկ 2013 թ. - 7,2%: Վերջին 2 տարիների ընթացքում տրանսֆերտների ներհոսքը ՌԴ-ից Հայաստան նվազել է գրեթե $ 730 մլն, իսկ միայն 2015 թ-ին`$ 554 մլն, Ըստ տվյալների, 2016-ի հունվար-հուլիսին ֆիզիկական անձանց տրանսֆերտների ներհոսքը դեպի Հայաստան նվազել է 11%, մինչև $ 768,1 մլն, ընդ որում, արտահոսքն աճել է 21.2%, մինչև $ 424,7 մլն, ինչի արդյունքում տրանսֆերտների զուտ ներհոսքն ընկել է 23,2%, մինչև $ 343,3 մլն: Ռուսաստանի մասնաբաժինը, շարունակելով գերակշռել, ներհոսքի մեջ նվազել է 62%-ց մինչև 58.5%, իսկ 2016-ի օգոստոսին ավելացել է արտահոսքը` 35% -ից մինչև 45%: