Արմինֆո. 20 տարի անց, այն բանից հետո, երբ Հայաստանում ստեղծվում և «հասարակական դղրդյունով» պայթում էին ֆինանսական բուրգերի փուչիկները, երկրի խորհրդարանը ձեռնամուխ է եղել Քրեական օրենսգրքի փոփոխություններին, կապված դրամական փուչիկների կազմակերպման խստացումների հետ: Օրենքի նախագիծը պատրաստվել է ՀՀ Կենտրոնական բանկի կողմից:
Ինչպես երկրի խորհրդարանում ելույթ ունենալով հայտարարել է ՀՀ ԿԲ փոխնախագահ Ներսես Երիցյանը, պատմելով ֆինանսական բուրքերի հանրահայտ մեխանիզմների և երկրի տնտեսության համար դրանց բացասական հետևանքների մասին, Հայաստանի քրեական օրենսդրությունում չկան հոդվածներ, որոնցով պատիժ է նախատեսվում հատկապես ֆինանսական բուրգեր «կառուցելու» համար, մինչդեռ գոյություն ունի միջազգային հարուստ փորձ: Նա կարևորել է այն հանգամանքը, որ «բուրգի» դիմաց պատասխանատվությունը պետք է կրեն ոչ թե դրա մասնակիցները, այլ բացառապես կազմակերպիչները, և այդ հանգամանքը պետք է օրենսդրությունում գտնի իր ուղիղ և հստակ արտացոլումը:
Նշենք, ըստ ԱրմԻնֆո գործակալության փորձագետների, «ֆինանսական բուրգերի» գծով ՀՀ Քրեական օրենսգրքի փոփոխությունների ընդունումը պայմանավորված է օրենսդրական նախաձեռնոթյունների մի ամբողջ փաթեթի ընդունումով, կապված Հայաստանում ածանցյալ ֆինանսական գործիքների (դերիվատիվների) շուկայի կարգավորման և զարգացման հետ: Ինչպես հայտնի է, հատկապես դերիվատիվների օգնությամբ են այսօր միջազգային պրակտիկայում կառուցվում ֆինանսական բուրգերը, որոնք կրախի առաջ են կանգնեցնում տրանսազգային ֆինանսական ընկերություններին, դառնալով համաշխարհային ֆինանսական ճգնաժամերի էտալոն: Պրոբլեմը կայանում է նրանում, որ գործող օրենսդրությունն ածանցյալ գործիքներն արժեթղթերի տեսանկյունից չի սահմանազատում ֆինանսական մյուս գործիքներից, սակայն, որոշ ածանցյալ գործիքներ ունեն մի շարք առանձնահատկություններ, ինչպես նաև կարգավորման այլ մեխանիզմներ: Նոր օրենսդրական նախաձեռնությունը նախատեսում է այդ բացթողումների ճշգրտումը և կարգավորումն ըստ միջազգային ստանդարտների: Դա թույլ կտա ածանցյալ գործիքներով աշխատել ոչ միայն Հայաստանի շուկայի մասնակիցներին, այլ նաև օտարերկրյա ներդրողներին: ԿԲ նախաձեռնությունը ենթադրում է զարգացնել բանկային, կորպորատիվ և ապահովագրական ածանցյալ ֆինանսական գործիքները:
Նշենք, որ այս տարվա մարտին ՎԶԵԲ և ՀՀ ԿԲ միջև ստորագրվել է փոխըմբռնման և համատեղ գործողությունների համապատաասխան Հուշագիր, այդ թվում նաև ածանցյալ գործիքների շուկայի բարեփոխման գծով: Կապիտալի շուկան համակարգող ՎԶԵԲ ներկայացուցիչ Յացեկ Կուբասի խոսքով, դերիվատիվների մասին օրինագիծը շատ կարևոր է Հայաստանի ֆինանսական շուկայի մասնակիցների համար, քանի այն նոր դռներ է բացում հեջավորման գործիքների կիրառման համար, այդ թվում նաև արտարժույթով, ինչպես նաև թույլ է տալիս, որպեսզի արդարացիոնեն ձևավորվեն տոկոսադրույքները, իսկ ընկերություններին ու բանկերին`որպեսզի գրագետ կառավարեն սեփական ռիսկերը:
Սուրեն Պարսյանը "լավատեսական" է համարել Հայաստանի ՀՆԱ-ի աճի վերաբերյալ ՀԲ-ի եւ ԱՄՀ-ի վերանայված կանխատեսումը՝ դեպի նվազում
Եկամուտների համընդհանուր հայտարարագրում. այն, ինչ ստացվեց, ընդհանուր քիչ բան ունի մտածվածի հետ․Դավիթ Անանյան
Հարկային և հանրային ծառայությունների վճարների բարձրացում. տեղին, թե անտեղի են փոթորկվել քաղաքացիները.
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%
Թրամփի առանձնատանը կայացել են Նարեկ Մկրտչյանի հանդիպումները մի շարք ամերիկացի գործիչների հետ