Արմինֆո. ՀՀ կառավարությունը մտադիր է 5 տարում իրականացնել ծրագրեր, ուղղված զբոսաշրջիկների թվի 3 անգամ ավելացմանը: Ըստ ներկայացված ծրագրի, հաշվի առնելով ներկայիս միտումները, նախատեսվում է առկա զբոսաշրջային արդյունքների/ծառայությունների թիրախավորված փաթեթավորում՝ հիմնվելով զբոսաշրջության ոլորտում արդի զարգացումների վրա: Ինչպես նաև իրականացնել Հայաստանի՝ որպես զբոսաշրջության համար գրավիչ երկրի, ճանաչելիության բարձրացում` թիրախավորված զբոսաշրջային շուկաներում ակտիվ մարքեթինգային քաղաքականության իրականացման միջոցով՝ կարևորելով առցանց սոցիալական հարթակներում Հայաստանի գովազդումը:
Կառավարությունը մտադիր է վեց ամսվա ընթացքում կատարել`զբոսաշրջային ծառայությունների և ենթակառուցվածքների որակի բարելավման նպատակով զբոսաշրջային ծառայությունների որակավորման չափանիշների ներդնում, 60 գյուղական բնակավայրերում գյուղական տուրիզմի փորձնական ծրագրի մեկնարկ, մեկ տարվա արդյունքերի ամփոփման հիման վրա գյուղական տուրիզմի զարգացման ազգային ծրագրի մեկնարկ, առնվազն 5 քարանձավների զբոսաշրջային վայր դարձնելու նպատակով մրցույթների նախաձեռնում, «Ուխտագնացություն դեպի առաջին քրիստոնյա երկիր» զբոսաշրջային ռազմավարության մշակում:
2017 թվականին կառավարությունը մատդիր է կատարել՝ զբոսաշրջության մեծ պոտենցիալ ունեցող նոր ուղղությունների (լեռնագնացություն, հեծանվորդություն, էքստրեմալ տուրիզմ, էկոտուրիզմ, առողջապահական տուրիզմ, կրոնական, գինու և այլն)՝ արդեն իսկ գործող մասնավոր նախաձեռնություններին աջակցություն և զարգացման ծրագրի մշակում՝ նպատակ ունենալով 5 տարվա ընթացքում առնվազն եռապատկել զբոսաշրջիկների թիվը, առանց արտոնագիր մուտք գործելու հնարավորության ունեցող քաղաքացիների երկրների և սահմանային անցման կետերում Հայաստանի Հանրապետության մուտքի արտոնագիր ստանալու հնարավորություն ունեցող քաղաքացիների երկրների ցանկի ընդլայնում, առնվազն 20 զբոսաշրջության վայր չհանդիսացող պատմամշակութային հուշարձաններն ու բնության հատուկ պահպանվող տարածքները զբոսաշրջության վայր դարձնելու ծրագրի մշակում։
Սպորտի ոլորտում նախատեսվում է միջոցառումների իրականացում, ուղղվծ սպորտի մասսայականացմանը, հատկապես երեխաների և երիտասարդության շրջանում:
Նշենք, որ ՀՀ վարչապետ Կարեն Կարապետյանը բազմաթիվ անգամ հայտարարել է, որ զբոսաշրջության զարգացումը և մշակութային արժեքների պահպանությունը կլինեն կառավարության առաջնահերթությունները: Այս ուղությամբ տեղի են ունեցել մի շարք կառուցվածքոեյին փոփոխություններ, մասնավորապես, Ստեղծվել է Զբոսաշրջության պետական կոմիտե, որը կղեկավարի Զարմինե Զեյթունցյանը: Մշակույթի նախարար է նշանակվել Արմեն Ամիրյանը, ով արդեն հայտարարել է կառույցի քաղաքականության արմատական փոփոխությունների մասին: