Արմինֆո. ՀՀ Ազգային ժողովը հոկտեմբերի 20-ին երկրորդ և վերջնական ընթերցմամբ փոփոխություներ է կատարվել «Արժեթղթերի մասին» ՀՀ օրենքում: Ներկայացնելով փոփոխությունների նախագիծը, ՀՀ ԿԲ փոխնախագահ Ներսես Երիցյանը նշել է, որ փաստաթղթով նախատեսվում է արժեթղթերի շուկայում կատարած չարաշահումների համար խստացնել պատժմիջոցները: Ըստ Երիցյանի, փոփոխությունների նպատակը արժեթղթերի շուկայի պաշտպանվածության և թափանցիկության բարձրացումն է ներդրողների համար: Հնարավոր չարաշահումներից խուսափելու համար նախատեսվում են հստակ պրոդուկտիվ գործիքներ, ինչպես նաև միջազգային համագործակցության կարգավորման, միջազգային չափանիշների ներդրման ուղղությամբ, ինչը թույլ կտա խուսափել գնային տատանումներից և թաքնված գործարքների արժեթղթերի շուկայում, որոնց բացահայտումը կարող է պաշտպանել ինստիտուցիոնալ ներդրողներին: Փաթեթը նպատակ ունի նաև օրենսդրությունը համապատասխանեցնել միջազգային չափանիշներին, որոնք հաստատված են
Արժեթղթերի միջազգային կազմակերպության հանձնաժողովների կաղմից (International Organization of Securities Commissions, IOSCO):
Բացի այդ, պահանջներ կան նաև Եվրասիական տնտեսական միության գծով, քանի որ ԵԱՏՄ-ն մտադիր է ստեղծել արժեթղթերի առևտրի միասնական հարթակ: Ըստ ներկայացված փաթեթի, փոփոխություններ են նախատեսվում ՀՀ Քրեական օրենսգրքում, որտեղ կամրագրվի արժեթղթերի շուկայում չարաշահումների հանրային վտանգի մասին դրույթը: Մասնավորապես, սահմանվում է չարաշահումների երկու տեսակ: Առաջինը, ներքին տեղեկատվության անբարեխիղճ օգտագործում, ինչի արդյունքում ինսայդերը, որն ունենում է բացառիկ տեղեկատվություն, բարձր շահույթ է ստանում մյուս ներդրողների հաշվին: Այդ դեպքում, 20 մլն.դրամ և ավելի գործարքների դեպքում, ինսայդերի նկատմամբ նախատեսվում է քրեական պատիժ: Երկրորդ տեսակը, փաթեթով նախատեսվում է խստացնել պատասխանատվությունը գնային չարաշահումների համար: Շուկայի տարբեր մասնակիցներ կարող են պահել արժեթղթերի գները բարձր կամ ցածր մակարդակներում, ինչի արդյունքում ներդրողները, հատկապես օտարերկրյա, որոնք կատարել են ինստիտուցիոնալ ներդրումներ, կարող են հայտնվել բարդ իրավիճակում: «Օրենքի ընդունման արդյունքում, շուկայի չարաշահումները կանխարգելելուց բացի, սպասվում են նաև դրաման արդյուքներ, մասնավորապես, մրցակցության, թափանցիկության, ներդրումային միջավայրի ակտիվության բարձրացում»,-ասել է Երիցյանը:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը